Nappiigak 5:3 - Ala Wone Peenok Peebi Mbanak

³ Eeke mbareegi, at Peterut nen, “Ananiyat wae. Nggween onggo wokkegaarak ando mogonogo teppakendak nogo ti, kat nonggop nduk Ibilit kinikime lik yi unggwage mbaki, Aberiniki ambokan laganggendak?

Nappiigak 5:3 Iomraidhean Croise

Ayup 22:13

Wonage menggerak aret kwe, kat nen ari logonet, Ala nano eenu menggerak mbakop? At mbogut wanggerak irimbaga nege kagak, Ndugwi yumaak enggela'me nobapporogo wonage me, at enegen nit pe'niige, O apit wonogwe niigak, ninowak liirogon loongge, Eeriyak op mbakop? Ari keegirak me,

Kini Wuppiige 20:25

Aap ambi nen iniki koongga'lek kagak perak togon, “Yi Ala ake o,” yinuk, nggomoorogo punuk, ti'nuk peebi, “Nonggop eekibok eekirak?” mbake nogo ti, Keele pugu inenggaanok yilunggoloorak kwak aret o.

Wone Alom Kibingga 5:4

Aap wi negen eekwi nogo ti, Ala inikilom mbakeelik me, “Ndogop wokkirigin o,” yinuk, kumbuk mbanogo Ala yoge logomenggendik kenok, elaambirik logorak ti mage o. Ata, yemenggendak ndak-ndak mbet-mbet aret wogorumunggun o.

Yetaya 29:15

“Nit eeriyak koonggwi nogo Aliku ALA kwaa'niige kero,” yinuk, wone nobarak me lombok koonggwi, “Ta nen enegen niige, ta nen eenu age, eerigin o?” yinuk, It o yumaak me nen eerit nugwi, Eekwi nogo inabuwa o!

Yeremiya 23:24

Aap ambi nenegen kage neyo, o ambime kumaa'nari ungguurak mbakop? Meek aret o,” yinuk, Aliku ALA nen yegerak o. Aliku ALA nen ari logonet, “An mbogut paga nggween paga neebe mondok ndak warak minggirak nogo lek a?” yinuk, yegerak o.

Oteya 11:12

Wim eeriyak o panggerak mengga kwak, it Eparayim inoone pilit-pilit yogwe mban an wanggeppaninuk wonogwe, It Iterali mendek ti, nambokan laganggak mban eekwi, Ndi, it aakumi Yekura mendek nen inogoba Ala at yorage nogo, Eeriyak, ineebi mban mbakwi, At Kikak Nakeelik Alik Leenak nogo inom ogoorak mban wonogwe, Eeko agaarik o.

Linggineegwaarak 30:2

Aap ambit ambi nen, An ndogop eeke logokit o, yinuk, kumbuk mbanogo Aliku ALA yoge ilik, Abet aret eerigin o, yinuk, wone abuk nggaruk togon koonogo pege a, eeremenggerak nogo taganogo puurak mage o. Ata, koonogo pemenggerak nogo ndak-ndak aret eeke logowak o.

Matiyut 13:19

Awi tu paga wambit nagagerak nogo ti, it aakumi Ala abu'me piyoorak wone inaruk konembunuk, liippega'lek iinok, at abu maluk lombok nogo nen wage nagaatik, wone it inikime yarak nogo ndininuk nage menggerak aret.

Lukat 22:3

Koonit nugwi iigak, at Ibilit nen it aap 12 ambi endage Yurat Ikariyot inikime unggwagagerak.

Yaya 13:2

At Yetut oone waganggwi mendek inom mbi nunggwi me, Ibilit nen Timon aput Yurat Ikariyot Yetut onggo mbanigin nogo, muk iniki nggagani wage mbareegi,

Yaya 13:27

Wogoge nogo, wagangge kagak, Ibilit Yurat inikime unggwage mbareegi, at Yetut nen, “Yurat wae! Kat eeriyak mbakendak nogo mbet togon eeru o.”

Nappiigak 5:2

Onggo nggereneegerak wu nogo, at akweeluk eenu kagak, ogonggelo nogo nen ando mogonogo at teppake, ndi, ando wonok nappiigak nogo inowagam pi nage, eereegerak.

Nappiigak 5:4

Nggween ti, onggo wokkega'lek kagak, kat kanggween aret wonagaarak nogo lek a? Ndi, wu waganggendak nogo ti, kat kawu aret me, Wu yi paga nonggop eerikit o, yinuk, kobaalombok kooniyak op kwe, kagak, Abok pi waga, nombaruwak mba'nuk nonggop nduk ando mban pi wagan? Nit aakumi ninambokan laganggendak lek o. Ata, Ala aret ambokan laganggendak o,” yinuk, yoreegerak.

Nappiigak 5:9

Yoge mbareegi, Peterut nen at yoge logonet, “Kogonggelo kimbirak wone ambit mbambogo nogotik, nonggop nduk ninogoba Aberiniki ambokan laganggotak? Kimbirak Aberiniki ambokan laganggotak me, it aap kat kogonggelo nggween taambi nagaarak nogo nen yogondak kat kunduk wokkeren noorak nduk, tungga'nggi paga unggwi wogwe yi iyet o.”

Pelaareegerak 23:21

Kinamendek at Aliku kinogoba Ala wogoriyak wone kumbuk mbanogo pogo logomonggotik, mbet-mbet aret wogoga'lek, Peebi wogorikit, mbarit ya pegak nda pegak eerit nogwe ti, wogoga'lek kiinok, at Aliku ALA nen, Wone kumbuk mbanogo pogotak nogo an wo'nega'lek me, Maluk aret eekotak o, yinuk, yokkirookwak, wone kumbuk mbanogo pomonggotak nogo mbet-mbet aret wogogo logomunggup o.

Yakobut 4:7

Togop me, Ala abu'me tebe yinip o. Ala abu'me tebe yinuk, wonogwe me, Tile nen maluk eekkinabi wage kenok, kole mbaganuwak nduk, kinom wim perenggologo logonip o.

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.