Nappiigak 5:2 - Ala Wone Peenok Peebi Mbanak

² Onggo nggereneegerak wu nogo, at akweeluk eenu kagak, ogonggelo nogo nen ando mogonogo at teppake, ndi, ando wonok nappiigak nogo inowagam pi nage, eereegerak.

Nappiigak 5:2 Iomraidhean Croise

Maleyaki 1:14

“An aakumi inowe nendagembogut mondok iya lombok wonage, ndi, yi aakumi ndi aakumi inenggela'me nendage tiyanak nayuk warak wonage, eeke minggirak me, it aap ambi nen aanggumi inenggela'me ngguunok abe an woorak mendek ambi wonage me, Ala ake pigi o, yinuk, kumbuk mbanogo pemenggaarak kwe, mbo punuk, obaane'me alik aga'lu mendek ogoba an Ala wo'niri wage ti, nambokan laganogo wo'nege me, at mondok pulunik aret logowak o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Matiyut 23:5

It yi mendek ndi mendek eekwi abok aret nogo ti, Aakumi inigen niyaawak o, yinuk, eerit nugu logonet, kiwone mbanak yonggolak inenggaawak paga nabenogo keele maakwi, inayum o'lu paga nggagik-nggogok eerak pugunogo wuppunuk tamban eekwi, eeko menggaarak.

Yaya 12:6

Wone yereegerak nogo ti, it aap inamendek lek nogo inabuwa mba'nuk yereegerak ti lek o. Ata, at aap kiraaka mendek me, inawu yonggolak nogo at aret porogo logonet, ando kolagak eeke nagagerak me nduk, yereegerak.

Nappiigak 2:44

It at oone abet mbareegwaarak mendek nogo abok aret iniki ambit lambunik logonet, yi mendek ndi mendek nogo, “Nit abok ninamendek aret o,” yinuk,

Nappiigak 4:37

At aap nogo anggween yabu yake menggim ambi wonage me, onggo nggerengge nagagerik, wu nogo wonok it nappiigak inowagam pi wagagerak.

Nappiigak 5:1

Aap alik ambi endage Ananiyat, at akweeluk Tapira imbirak inanggween ambi unde me, at Ananiyat nen inanggween nogo onggo nggereneegerak.

Nappiigak 5:3

Eeke mbareegi, at Peterut nen, “Ananiyat wae. Nggween onggo wokkegaarak ando mogonogo teppakendak nogo ti, kat nonggop nduk Ibilit kinikime lik yi unggwage mbaki, Aberiniki ambokan laganggendak?

Nappiigak 5:8

Peterut nen kwe nogo yoge logonet, “Tapira wae. Kit kinanggween onggo mbanggotak nogo, wu yogop aret wokkiragaarak ilik? Yu o.” Yoge mbareegi, “E o. Togop aret wo'niragaarak,” yoreegerak.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.

1 Timotiyut 6:10

Yiluk-maluk alom lombok ti, wu mban uugwe mbarit nugwi ti aret o. It aakumi ando nen uugwe nduk, kwaarit nugu logonet, wone abet mbareegwaarak nogo mbo punuk, tu alik nomoninuk nogwe me, aap togowa paga ndanunggologo nagaatik, andi kogo mengga kwak, it aap ti, togop aret wakkologo menggaarak.