Nappiigak 5:12 - Ala Wone Peenok Peebi Mbanak

¹² It nappiigak nogo nen aakumi ambik inenggela'me ineenu ariyak inagabiti warak mendek inom, eerubok mendek inom, ambik aret eeko nogogwaarak. Ndi, it abet mbareegwaarak mendek abok aret Ala awi wurik awe aago endage Talomo yogo nogogwam nogome, kuwak ari nagak eeko logonet, iniki ambit aret wonogogwaarak.

Nappiigak 5:12 Iomraidhean Croise

Yeremiya 26:9

Ala awi wurik yi, o Tilo kwak eerogo pege, ndi, o kota yi, lek eerogo punuk, aakumi logorak lek aret eeppege, eerigin o, yinuk, Aliku ALA nen yegerak kenok yokkiragi o, yagandak ti, nonggop nduk?” Yogo nogogwaarik, Aliku ALA awi wurik me, at wonage me taati ninggireegwaarak.

Marakut 16:20

Ndi, it at oone waganggwi nogo yi awi ndi awi abok aret wone yoranet nugwi iigak, ninowe Yetut nen yeenggwaaranet nege nagagerak me, inagabiti warak ineenu ariyak mendek eerit nugwi paga it aakumi apit nogo nen, “Wone yi abet aret kogo o,” yinuk, waganggo nogogwaarak.

Yaya 10:23

Yetut Ala awi wurik onggu'me awe aago me Talomo wureegim nogome nege nagagerak.

Yaya 4:48

Yoge mbareegi, Yetut nen at yoge logonet, “Eerubok mendek eeke, kineenu ariyak kinagabiti warak mendek eeke, eeke neyaamunggup lek kenok, kiniki noba panggombunuk, abet nombarumunggup lek kiigi o.”

Nappiigak 1:14

It kumi ando inom, at Yetut agalo Mariya inom, Yetut awuri ambokan mendek inom, time inom lambunik logonet, iniki ambit a'nuk tamban mban eeko nogogwaarak.

Nappiigak 14:3

at Pawulut Mbaranabat imbirak time elaambirik negen logonet, inagabiti lek aret ninogoba Yetut abok paganogo yorogo nogogwaarak. Ndi, yorogo logonet, Ala inabuwa nen obeelom eeginake menggerak wone abet mbaruwak nduk, Pawulut Mbaranabat imbirak Ala omaawi wogoragagerak paga, ineenu ariyak inagabiti warak mendek eekwi, eerubok mendek eekwi, eeko nogogwaarak.

Nappiigak 16:18

Togop mban ari kagak, nogo apit yege mbareegi, ne ambi paga at Pawulut eebi mba'nuk, ena nomorogon kolaga nogo pekkage nagagerik, kugi nogo yoge logonet, “Yetut Keritut endage paga kolaga yi, inikime nen wundi nanok nduk, yokkigi o,” awo yoge kagak, kugi nogo nggigik togon wundeegerak.

Nappiigak 19:11

Ala nen eeppege kagak, Pawulut nen eerubok mendek mondok iya tit eeke nagagerak.

Nappiigak 2:46

It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname lombok mbi karerogo punuk nunggwi, eeko nagaatik,

Nappiigak 28:9

Ti agagerak kenok, it aakumi nggween kup mbanak me andi wonogogwaarak nogo at owagam wogo mbareegwa, obeelom eeginabeegerak.

Nappiigak 3:11

At aap nogo nen Peterut Yaya imbirak pippiirogo wonage me, it aakumi abok Ala awi wurik awe aago endage Talomo yogo menggam nogome puu'nuk inowagam ari wogo logonet, “Wi!” yinuk, pi wareegwaarak.

Nappiigak 4:30

It kugi andi wonogwe iinok, lek aruwak nduk keenggi piginabu o. Ndi, at kikak nakeelik alik leenak menggerak kayeloman Yetut nogo endage paga eerubok mendek inom, ineenu ariyak inagabiti warak mendek inom, eeke menggerak nogo, nit eeruwok nduk eeppinanu o,” yinuk, tamban eereegwaarak.

Nappiigak 9:33

Iya nage nagagerik, time logonet, aap ambi endage Eneyat eenggi-iyok nggilik-nggelok aago windak kagak, tahun 8 eereegerak wonage me, enegen kagagerak.

Nappiigak 9:40

Le yogwe me, Peterut nen, “Kit abok aret wundi nanip o,” yorage nagagerik, endobanggun yindumbunuk, tamban eereegerak. Tamban eeppunuk, at kambeegerak nogo ena logurogon pekkage nagagerik, “Tabita wae. Mi'naru o,” yoge mbareegi, enegen kubunik nogo pagak yinuk, Peterut enegen kage nagagerik, windak nogo mi'nagagerak.

Oroma 15:19

Aberiniki nen omaawi eeppanege kagak, inagabiti warak mendek eeke, eerubok mendek eeke, eerit nage nagagirak nogo, ti mban mbininogo yokkirage agarik o. Ti eerit nege logonet, o Yerutalem enaagan-ambokan time nen o Ilirikum kuli aret Keritut eeke nagagerak obeelom wone nogo abok aret yoranet nege nagagirak o.

2 Korindut 12:12

Kit nen, “Pawulut yi, Ala nen nappiigak mendek logowak nduk, abet aret leenogo pereegerak,” nombarubagip nduk, an niniki kwi'ndak kinenggela'me logonet, yokkirage neegak, kineenu ariyak mendek inom, eerubok mendek inom, kinagabiti warak mendek inom, abok aret Ala nen eeke nagagerak nogo o.

Iberani 2:4

“Wone yi abet aret o,” yinuk, waawok nduk, Ala nen ninagabiti warak mendek eeke, tam warak negen eeke, eerubok mendek eeke, eerit nage logonet, ninalitak lombok eeko logowok nduk, at Ala iniki mbareegerak nogo ndak-ndak Aberiniki nen tumbu'niragagerak kwe, mbo pugwi niinok, teppinanigin mbakop? Mondok lek aret o.