Nappiigak 4:13 - Ala Wone Peenok Peebi Mbanak

¹³ Yorage mbareegi, it kuwak ogogwaarak nogo nen Peterut Yaya imbirak nogo, tekola eerulik aap weelek mendek wonogogwaarak kwe, inagabiti lek logonet, yorogwe yelok iigo nogogwaarik, “Yetut inom nugu nogogwaarak yi aret iigo o,” yinuk, pi waganabeegwaarak.

Nappiigak 4:13 Iomraidhean Croise

Matiyut 11:25

O ti eyom paga Yetut nen at ogoba yoge logonet, “Mbogut-nggween unde nogoba wa! Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, it elege-aabologwe kwak mban paganogo yoragagindak me, wa!

Matiyut 26:71

Yoge nagagerik, tu unggwogo menggam ari wungge mbareegi, kolaga ambi nen Peterut enegen kage nagagerik, it time wonogwe nogo yorage logonet, “Aap yi nogo Yetut Nataret mendek imbirak menggerak aret o.”

Matiyut 26:73

Mbangge nagagerik, nogome wonage me, ti'nuk, it ugun taati mi'ndak wonogwe nogo nen Peterut yogo logonet, “Koone ari ti paga kat it mendek abet aret yelok keego o.”

Lukat 22:8

at Yetut nen Peterut Yaya imbirak nappiige logonet, “Laago Obaga Mbo Nagagerak nit noorak pipuk eerogo pugwi a nanip o.”

Yaya 19:26

Yetut nen at agalo inom, at oone waganggwi mendek ambi iniki kunik wonagagerak nogo inom, taati wonogwe enegen iige nagagerik, at agalo nogo yoge logonet, “Nagalo yi wae. Kaagaluk ti aret o.”

Yaya 7:15

Mamunirage kagak, it aap Yakuri nen, “Wi!” yinuk, pi wako logonet, “Aap yi, tekola eerulik kwe, yi wone ndi wone alom nonggop togon eenu age nagaarik, ari mbakop?”

Yaya 7:49

Wone yugu Muta liiru mbaneegerak nogo it aakumi ambik aago ti, ineenggo'lek me, kugi pulu aago negen aret wonogwe iigi o,” yinuk, yorogogwaarak.

Nappiigak 4:14

Aap obeelom agagerak nogo inowagam mi'ndak wonage kogo nogogwaarik, “Wone onggo ngge yoraawi?” yinuk, puk ogogwaarak.

Nappiigak 4:19

Mberirogo mbareegwa, Peterut Yaya imbirak nen it yorogo logonet, “Nit Ala oone koneniyak ilik, kit kinoone koneniyak a? Ala enggaanom paga kit mban kooninip o.

Nappiigak 4:29

Ninooriyak nduk eekwi yi iyet o, ninogoba. Niige logomenggendik, ninagabiti lek logonet, kat koone yorogo logowok nduk, nit kayeloman mini niniki nu'lek eerogo pinanu o.

Nappiigak 4:31

Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.

Nappiigak 9:27

Puk ogo mbareegwa, at Mbaranabat nen perak, wonok it nappiigak nogo inowagam nage nagagerik, at Tawulut tu paga nage logonet, ninogoba Yetut enegen kagagerak wone inom, at ninogoba nen yoreegerak wone inom, ndi, o Ndamitik time agabiti lek logonet, Yetut endage paga tamban eeppunuk yorage nagagerak wone inom, mbininogo yoragagerak.

Nappiigak 9:28

Yorage mbareegi, inom aret lambunik logonet, o Yerutalem ugun nage-wage eeke logonet, at mondok agabiti lek, “Ninogoba Yetut togop eeke nagagerak o,” yinuk, wone nogo paganogo yoranet nage nagagerak.

1 Korindut 1:27

It aap, “An neenu,” mbakak nugwi nogo, inenggali aruwak nduk, at Ala nen it aakumi iniki yunduurak mendek nogo miirinake, ndi, it inayuk warak tiyanak menggaarak nogo inenggali aruwak nduk, it aakumi tebenak mendek aret miirinake, eeke menggerak.

2 Korindut 3:12

It aakumi Iterali mendek nen Muta etenggen we luulu ndelenak-welenak aago nogo lek age inigen kogwe iyo, etenggen nobakkolagagerak nogo pogom, nit togop eekulik o. Nit mondok-mondok logorak wone unde eeppinaneegerak koloorak niniki lunik wonage nogo ti, mondok iya me, “Lek arigin lek,” mba'nuk, ninagabiti mondok lek logonet yokkirogo monggoorak.