Nappiigak 4:10 - Ala Wone Peenok Peebi Mbanak

¹⁰ kit inom, aakumi Iterali mendek abok inom, kineenu arubagip nduk alom liirogon yokkira o. At aap obeelom agaarak kinowagam mi'ndak wonage yi, at Yetut Keritut Nataret mendek kit eyo aago paga nabenogo wako mbakop, Ala nen kambunuk nogo menggam nen eenik agago mippegerak nogo endage paga abu obeelom agaarak o, yinuk, yokkirogo ogoorik o.

Nappiigak 4:10 Iomraidhean Croise

Ndaniyen 3:18

Ndi, wumbinani woraagin lek kagak kunduk, nit kat kagugi inalut eekwi, ndi, mbuti emas paga ogut eerogo mippegendak ti, abu'me tebe yinuk, ayuk wukwi, eerugun mondok lek me, kat ninogoba kendagembogut keenu a'nok nduk yokkogo o,” yinuk, yoreegwaarak.

Matiyut 2:23

Nage nagagerik, o tini endage Nataret aret puk ari nagagerak. Ti nagagerak nogo ti, it Ala yorage kagak yoraga nogo nen, “At aap Nataret mendek aret yogo logogun o,” yinuk, yereegwaarak nogo, a'me aret agagerak.

Lukat 18:37

Yorage mbareegi, it aakumi nen, “Lek o! Yetut awi Nataret mendek nogo, tu yi paga wage kenok, agan wogo agaarik o.”

Nappiigak 2:32

Yetut warogo pogotak ti, Ala nen eenik agago mippegerak nit abok ninigen kogoorak me, paganogo yokkirogo ogoorik o.

Nappiigak 2:36

Ndawut nen togop yereegerak me, at eyo karo-karo aago paga nabenogo wakotak Yetut nogo ti, Ala nen kit kinogoba logowak nduk, eerogo pege, ndi, an leenogo pereegirak Keritut yi aret o, yinuk, yokkirage, eereegerak nogo, kit Iterali mendek abok nen, Yi abet aret, mba'nuk, liippubagip nduk yokkirage agarik o,” yinuk, yoragagerak.

Nappiigak 28:28

Togop me, at Ala ninagap ndariyak wone yi nogo ti, it endekem mendek konenuwak nduk yora nagun aret me, it perak, konenugun aret mbako logonip o,” yinuk, yoragagerak. (

Nappiigak 3:6

Enegen pegiige mbareegi, at Peterut nogo nen, “Ninawu mbuti perak inom, emas inom, abu lek aret kwe, an unde minggirak ti, ambi wonage me, wokkiri o,” yoge nagagerik, “At Nataret mendek Yetut Keritut endage paga mi'na'nuk nege logot o.”

Oroma 1:4

Ala nen kambunuk nogo menggam nen eenik agago mippereegerak paga, at maluk eeka'lek iniki mondok abe alik leenak Ala aput ayuk warak aret menggerak nogo kin agagerak.