Nappiigak 3:7 - Ala Wone Peenok Peebi Mbanak

⁷ Yoge nagagerik, at Peterut nogo nen eenggi abe'nggan pigogo awo mippege kagak, aap nogo iyok inom, andelen inom, mondok omaawi age mbareegi,

Nappiigak 3:7 Iomraidhean Croise

Marakut 1:31

Yogo mbareegwa, owagam nage nagagerik, eenggi pigogo mippege mbareegi, andi nogo lek age nagagerik, kwe nogo nen inake eeke nagagerak.

Marakut 5:41

Unggwi nogo nogogwaarik, Yetut nen kolaga nogo eenggi pippunuk yoge logonet, “Talita kum,” yoreegerak. Ti, nit ninoone paga, “Kolaga yi wae. Mi'na'nok nduk yokkigi o,” yinuk, yoreegerak.

Marakut 9:27

yereegwaarak kwe, at Yetut nen eenggi pigogo mippege mbareegi, mi'nagagerak.

Lukat 13:13

eenggi awo pigagangge kagak, kwe nogo amborowak koonnage mbareegi, Ala wogoppereegerak.

Nappiigak 3:6

Enegen pegiige mbareegi, at Peterut nogo nen, “Ninawu mbuti perak inom, emas inom, abu lek aret kwe, an unde minggirak ti, ambi wonage me, wokkiri o,” yoge nagagerik, “At Nataret mendek Yetut Keritut endage paga mi'na'nuk nege logot o.”

Nappiigak 3:8

pilak togon mi'nage nagagerik, nogome nege-wege eerit nege nagagerak. Nege-wege eerit nege nagagerik, ku'mbo wanggak agan Ala alut eerit Peterut Yaya inom Ala awi wurik me unggwi nagagerak

Nappiigak 4:16

“Aap yi, nonggop eerogo piyaawi o? Eerubok mendek eekaarak nogo it Yerutalem menggaarak abok aret ineenu agaarak me, nit nen, Obeelom eerulik, yuurak ti, meek o.

Nappiigak 4:9

Aap iyok maluk abuwa mbako logonet, obeelom eekoorak nogo ti, nonggop eerogo obeelom eekotak o? yinuk, kit yogondak nineegwa'me waganggwi ti,

Nappiigak 9:41

Mi'nage mbareegi, at Peterut nogo nen eenggi pigogo mippege nagagerik, it kumi togwe nogo inom, it abet mbareegwaarak nogo inom, “Wa'nip o,” yoragagerak wogo mbareegwa, “Eenik agaarak yi, kaanip o,” yoragagerak.