Nappiigak 3:6 - Ala Wone Peenok Peebi Mbanak

⁶ Enegen pegiige mbareegi, at Peterut nogo nen, “Ninawu mbuti perak inom, emas inom, abu lek aret kwe, an unde minggirak ti, ambi wonage me, wokkiri o,” yoge nagagerik, “At Nataret mendek Yetut Keritut endage paga mi'na'nuk nege logot o.”

Nappiigak 3:6 Iomraidhean Croise

Matiyut 10:9

It aap yabu eeppiigwi onggo ti, inambi wogorogo menggaarak aret me, kit kinamendek wu mbuti emas inom, mbuti perak inom, mbuti tembaga inom, nggerenogo punuk, wonok nogwe, ndi, wokkirogwe iinok, yonggoliyak yum inom, kinambogoyum mbere'ndak inom, kiniyogogut yum inom, kinowaanggun inom, wonok nogwe, eerugup o.

Matiyut 7:22

O ti eyom paga aakumi apit aret, Ai, ninogoba. Kat kendage paga Ala wone yorogo nogogurak nogo o. Ai, ninogoba. Kat kendage paga kugi nggiginogo wumbiigo nogogurak nogo o. Ai, ninogoba. Kat kendage paga eerubok mendek apit aret eeko nogogurak nogo o.

Marakut 16:17

It obeelom wone iniki abet mba'nuk waganggwi nogo nen wone obeelom wone yoranet nugu logonet, inagabiti warak ineenu ariyak mendek inigen kogo logogun yi aret. Kugi inikime lik yemenggerak nogo an nendage paga nggiginogo wumbiigwi, aakumi inoone ineenggo'lek lalin negen woppunuk yorogwe,

Yaya 19:19

Piigo mbareegwa, at Pilatut nen, “Yetut Nataret mendek it aap Yakuri inowe endagembogut yi aret o,” yinuk, liiru mbanogo eyo karo-karo aago paga nabenogo puwak nduk yoragagerak.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 16:18

Togop mban ari kagak, nogo apit yege mbareegi, ne ambi paga at Pawulut eebi mba'nuk, ena nomorogon kolaga nogo pekkage nagagerik, kugi nogo yoge logonet, “Yetut Keritut endage paga kolaga yi, inikime nen wundi nanok nduk, yokkigi o,” awo yoge kagak, kugi nogo nggigik togon wundeegerak.

Nappiigak 2:22

Kit aap Iterali mendek yi, wae. An yokkirage yi, liirogon konenggo logonip o. Ala nen aap Yetut Nataret mendek leenogo nappi wagagerak kit liippatubagip nduk, Ala nen omaawi eeppege kagak, at kinom logonet eerubok mendek eeke, inagabiti warak mendek eeke, tam warak eeke, eeke nagagerak kineenu nogo o.

Nappiigak 2:36

Ndawut nen togop yereegerak me, at eyo karo-karo aago paga nabenogo wakotak Yetut nogo ti, Ala nen kit kinogoba logowak nduk, eerogo pege, ndi, an leenogo pereegirak Keritut yi aret o, yinuk, yokkirage, eereegerak nogo, kit Iterali mendek abok nen, Yi abet aret, mba'nuk, liippubagip nduk yokkirage agarik o,” yinuk, yoragagerak.

Nappiigak 3:16

Yetut nen eeriyak op o, yinuk, niniki at oba panggombunuk abet mbakoorak nogo paga aap kit kineenu kinigen kogo monggotak yi nogo, obeelom agago omaawi eeppegerak wonage o. Yetut nen eeriyak op o, yinuk, abet mbakoorak paga aret kit kinenggaanom at abu obeelom agaarak kinom wonage yi aret o.

Nappiigak 3:5

“Nano wo'nirimengga?” yinuk, enegen pegiyareegerak.

Nappiigak 3:7

Yoge nagagerik, at Peterut nogo nen eenggi abe'nggan pigogo awo mippege kagak, aap nogo iyok inom, andelen inom, mondok omaawi age mbareegi,

Nappiigak 4:10

kit inom, aakumi Iterali mendek abok inom, kineenu arubagip nduk alom liirogon yokkira o. At aap obeelom agaarak kinowagam mi'ndak wonage yi, at Yetut Keritut Nataret mendek kit eyo aago paga nabenogo wako mbakop, Ala nen kambunuk nogo menggam nen eenik agago mippegerak nogo endage paga abu obeelom agaarak o, yinuk, yokkirogo ogoorik o.

Nappiigak 4:7

Peterut Yaya imbirak inowagam piya wogo nogogwaarik, yorogo logonet, “Kit nen aap obeelom eekotak nogo, ta endage paga eekotak? Ta omaawi paga eekotak?” yinuk, ineegwa'me waganeegwaarak.

Nappiigak 9:34

Kage nagagerik, Peterut nen at yoge logonet, “Eneyat wae. Yetut Keritut nen obeelom eekkakerak me, mi'nage logomenggendik, ndoonak windak menggendak yunggunggolet o,” yinuk, awo yoge kagak, mi'nagagerak.

1 Korindut 4:11

O maan nen yogondak kuli nit nggween paga yayi wonogo logonet, ninagi-ninambi abu ee'ninake, ninayum nibi-nibi aago kagak nugwi, yawi ninookwi, ninawi wurik lek me ugun ambime nogo yegak eerit nugwi, eerit nugu ogoorik o.

2 Korindut 6:10

niniki puru ari kwe, kagak ale'nggen mban mbakwi, nineenggi lek kwe, it apit ineenggi warak eeppiigwi, ninamendek lek aret kwe, yi mendek ndi mendek abok aret unde eerogo pakwi, eerit nogo monggoorak nogo abok aret ambi eerumonggoorak paga yiluk ari kenok, nit wone unde eeppinaneegerak nogo meek mbarukwak, Ala ayeloman logonet, “Eerit nogwe yi, iya,” yuwak nduk, niniki kwi'ndak logonet, mondok liippunuk aret eerit nogo ogoorik o.

2 Korindut 8:12

Ninamendek lek me, wogoga'lek kenok ti paga, Ala nen eebi ninombake menggerak lek o. Wonage kagak wogoga'lek kenok perak, eebi ninombake menggerak me, eebe wonage kenok wogogwi, “Wogorikit lak eebe lek me, ao,” mbakwi, ti imbirak wogogwi mban aret me, inikilom mbake menggerak.

2 Korindut 8:9

Ninowe Yetut Keritut nen kinabuwa mbake logonet, eeppinagareegerak nogo kineenu aret o. At nen, “An aap nggwok mondok tiyanak aret minggirak kwe, it ninom ndak-ndak tiyanak logowok nduk, an tebeppati wambi o,” yinuk, at nggween paga tebekkola wambi wagagerak nogo o.

Yakobut 2:5

Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?

1 Peterut 4:10

At Ala nen eeko logorak ninalitak lombok unde eeppinaneegerak nogo, “Ala iniki kunik nen unde eeppaneegerak me, niniki kwippunuk aakumi inake eerit nage logokit o,” yinuk, kit mban-mban at ambi nen at ambi obeelom eeppegak eeko logonip o.