Nappiigak 3:10 - Ala Wone Peenok Peebi Mbanak

¹⁰ “Aap yi, Ala awi wurik me tungga'nggi endage, Obeelom, tooneegwam nogome logonet, ambe nggino ari nagaarak nogo obeelom agaarak yi, iya!” yinuk, pi wareegwaarak.

Nappiigak 3:10 Iomraidhean Croise

Matiyut 14:35

Wogo mbareegwa, it aap time mendek nen Yetut yelok kogo nogogwaarik, o tini lombok yoranet nogo mbareegwa, aakumi andi warak abok aret wogoret, Yetut owagam piya wogogwaarak.

Lukat 4:36

Nggigik togon wungge mbareegi, aakumi abok inagabiti nen, “Wi!” yinuk, at ambi nen at ambi yogak eeko logonet, “Wologwe! Aap yi, oone nonggop ari mbakop? Kugi wumbiyoorak at unde me, oone omaawi paga kugi ogole warak mendek, Wundi nanip o, yorage kenok, wunggo menggaarak ia!” yinuk, yogogwaarak.

Lukat 9:43

Wogoge mbareegi, it aakumi nen Ala omaawi ambik kogo nogogwaarik, “Ia!” yinuk, pi wareegwaarak. Yetut yi eekak ndi eekak abok eerit nege paga, it aakumi abok nen, “Ia!” yinuk, pi wakwi iigak, Yetut nen at oone waganggwi nogo yorage logonet,

Yaya 5:20

An nogoba ti, aput an iniki kunik ee'nake me, at yi mendek ndi mendek eeke menggerak abok aret aput an yo'nege menggerak. An eeke neegotak yi nogo ti, mbuuluk negen, ndi, peebi kit, Wi! yubagip nduk, abunuk nggwok, Eeru o, yo'nege kenok, eeke neyaamunggup o.

Yaya 9:3

Yogo mbareegwa, at Yetut nen, “Lek o. At maluk eereegerak paga inom, ndi, agalo-ogoba maluk eereegwaarak paga inom, enegen mbuk nda'nagagerak ti lek o. Ata, at Ala eeke menggerak at paga pagak yuwak nduk, enegen mbuk aret nda'nagagerak o.

Yaya 9:8

Aap nogo wage mbareegi, at oreewi inom, it ando at aa'nduk ambe nggino ari kogo nogogwaarak nogo inom, yogo logonet, “Aap yi, kwi'ndak logonet, ambe nggino ari nagaarak nogo yi aret lek a?”

Nappiigak 2:12

inagabiti nen, “Yi nonggop eeriyak me yogo agaarik o?” Yinuk, at ambi yogak eeko mbareegwa,

Nappiigak 2:7

It abok aret inagabiti nen, “Wi!” yinuk, pi wako logonet, “It aap Nggalileya mendek nen mban inoone alitak yogwe yi, lek a? It Nggalileya mendek aret kwe,

Nappiigak 3:2

Ala awi wurik tungga'nggi endage, Obeelom, tooneegwam nogome aap ambi endop maluk nda'nagagerak nogo nen it aakumi Ala awi wurik me unggwogwe iinok, ambe nggino yorage logowak nduk, ko'lu-kii'me wonok pi nagak mban eeko nogogwaarak me, ne ti eyom paga muk pi nogogwaarak time wonage me,