Nappiigak 3:1 - Ala Wone Peenok Peebi Mbanak

¹ Ne ambi paga o kiyoma oonegen 3 paga tamban eeko menggaarak me, tamban eeruwok nduk, Peterut Yaya imbirak Ala awi wurik me nogogwaarak.

Nappiigak 3:1 Iomraidhean Croise

1 Endagembogut 18:36

Ndi, Ala ake warogo wogogo menggam abu kiyoma ari wage mbareegi, aap Ala nen yoge kagak yoraga Eliya nen mi'na'nuk, tamban eeke logonet, “Abarakam inom, Itak inom, Iterali inom, inogoba Kaliku Ala wa! It Iterali inenggela'me inogoba Ala kat aret wonage ineenu ogwe, ndi, an kayeloman eeke yi, abok aret kat yo'nege keenok, eeke ineenu ogwe, eeruwak nduk,

Ndawi 55:17

Kubondendok inom, liingge inom, oonikiya inom, “Ee'naburak,” neebi mbake nogo Noone nggwok paga at yoge neenok, aruk konengge, Eeppunuk,

Wundeegwaarak 29:39

Ndomba ambi warogo kuubondendok nake pugwi, ndomba ambi warogo kiyoma nake pugwi,

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Ndaniyen 9:21

Awo yoge neegak, an aa'nduk nabi kage logonet, aap negen neya wage kagagirak Nggabiriyen nogo, it aap kiyoma Ala ake warogo wogogo menggam eyom paga wiganinuk mbe agan neya wage kagagirak.

Linggineegwaarak 28:4

Ndomba nogo ambi kubondendok warogo pipuk eerogo pugwi, ndi, ore nogo kiyoma warogo pipuk eerogo pugwi, eeko logonet,

Matiyut 17:1

Yorage nagagerik, ti'nuk, nogo 6 yippunuk, ko'lu at Yetut nen Peterut inom, Yakobut inom, ndi, Yakobut awot Yaya inom, wogoret puurom ambi nggorek paga lagi nage nagagerik, inalik time wonogwe me,

Matiyut 26:37

Yorage nagagerik, Peterut inom, at Tebereyut apuri mbere nogo inom, wogoret nage nagagerik, iniki puru ari logonet, aaninggin lombok agagerak.

Matiyut 27:45

Yogo mbareegwa, o liingge oonegen 12 kuli paga nen nok, oonegen 3 kuli ari nage kagak, o time apit aago aret wonagagerak.

Lukat 1:10

Mippogo mbareegwa, aap Takariya nogo nen obari abe kaga kani kunikit nduk, unggwage nagagerik, kungge kagak, it aakumi apit kuwak aago nogo endekem logonet, tamban eereegwaarak.

Lukat 18:10

“Aap mbere tamban eeruwok nduk, Ala awi wurik me unggwi nogogwaarak. Ambi ti, Pariti mendek, ndi, ambi ti, aap o unde inake wu kuwak eeka mendek aret wonogogwaarak.

Lukat 22:8

at Yetut nen Peterut Yaya imbirak nappiige logonet, “Laago Obaga Mbo Nagagerak nit noorak pipuk eerogo pugwi a nanip o.”

Lukat 24:53

Wogo nogogwaarik, Ala awi wurik me nogome mban logonet, Ala alut eeko nogogwaarak.

Yaya 21:7

Nippi woroorak meek age mbareegi, at oone waganggwi mendek ambi Yetut iniki kunik wonagagerak nogo nen Peterut yoge logonet, “Wulaga! Aap ti ninogoba aret kagi o,” yinuk, yoreegerak nogo at Peterut aruk konembunuk, ambogoyum endekem mendek nggoorak nogo yikko'nok yiiro nogo mbo punuk yiime tabuk yi wambeegerak.

Nappiigak 10:3

ne ambi paga o kiyoma oonegen 3 ari nage kagak, abinggaanggo kin paga kagagerak. Kage logonet, Ala yonggo nappiiya wage menggerak malayikat mendek ambi at owagam wage nagagerik, yoge logonet, “Koreneliyut wae.”

Nappiigak 10:30

Yoge mbareegi, at Koreneliyut nogo nen, “Lek o. Ne ambi paga kiyoma-kiyoma oonegen 3 yogop paga ndak-ndak, an name tamban eeke wonage me, nabinggaanggo kage nagarik, nogo 4 yigirak nogo yokkiri o. Nabinggaanggo kage neegak, abera'lek me aap ambi mbogoyum abinak kwindagala aago an nowagam mi'nari wage nagaarik, yo'nege logonet,

Nappiigak 2:46

It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname lombok mbi karerogo punuk nunggwi, eeko nagaatik,

Nappiigak 3:3

it Peterut Yaya imbirak Ala awi wurik me unggwogwe enegen iige nagagerik, “Wu wo'ninip o,” yinuk, ngginooragagerak.

Nappiigak 3:4

Ngginoorage mbareegi, Peterut Yaya imbirak nen aap nogo inigen pippak ugo logonet, Peterut nen, “Kenegen pe'niyet o,” yoge mbareegi,

Nappiigak 4:13

Yorage mbareegi, it kuwak ogogwaarak nogo nen Peterut Yaya imbirak nogo, tekola eerulik aap weelek mendek wonogogwaarak kwe, inagabiti lek logonet, yorogwe yelok iigo nogogwaarik, “Yetut inom nugu nogogwaarak yi aret iigo o,” yinuk, pi waganabeegwaarak.

Nappiigak 5:25

aap ambi wage nagagerik, it yorage logonet, “Wologo wae! It aap keele maarogo mambiigotak nogo, Ala awi wurik me unggwogo nagaarik, wone mamunirogwe iigak, wagi o,” yinuk, yoragagerak.

Nappiigak 8:14

Ndi, “It Tamariya mendek nen Ala wone abet mba'nuk, waganggaarak o,” yinuk, yogwe nogo it nappiigak o Yerutalem wonogwe nogo inaruk konembogo nogogwaarik, Peterut Yaya imbirak inowagam nappiyareegwaarak.

Nggalatiya 2:9

it Ala apuri kuwak eerit nogwe pippiirogo menggaarak o Yerutalem wonogwe nogo, Yakobut kunduk, Peterut kunduk, Yaya kunduk, nogo nen Mbaranabat nimbirak yo'nirogo logonet, “Ala iniki kunik nen unde eeppinagareegerak me, op aret o. Kit aakumi endekem mendek yora nogwe, ndi, nit inagabolo mbanak mendek yorogwe, eeko logowok o,” yinuk, keyage warogo nappinaneegwaarak.