Nappiigak 27:3 - Ala Wone Peenok Peebi Mbanak

³ nogo ambi yippunuk, ko'lu nen o Tiron ari nogogurak. Ari nogo nogogurik, at Yuliyut nogo nen Pawulut abuwa mbake logonet, “Koreewi yi mendek ndi mendek wokkiruwak nen pegiinet nage logomenggendik, woroorak op o,” yoreegerak.

Nappiigak 27:3 Iomraidhean Croise

Wakkagagerak 10:15

Ndi, aap Kanan nogo nen apuluk manggu Tiron aret ndake, ti'nuk, Ket ndake, eereegerak.

Wakkagagerak 49:13

Kat Tebulon ti, Niyo nggwok yenggenak laut aa'nggi paga mban Kawi wuppatinuk wonage me, Yiiro-ndiiro niyo nggwok paga nugu menggaarak nogo Kat wonage me unggwi wogo logogun o. Ndi, kat kanggween ti, O Tiron kuli aret logogin o.

Yetaya 23:12

O kota Tiron Aagalukwe Aap Kigin Waka'lek tebenak wonage ti, O time ale'nggen paga ugun-ugun eerit nage nagaarak nogo lek agaarak o. Lek agaarak me, aret pipuk eekko'nok, o Kitim time nawak o. Time namenggerak kwe, time kunduk ale'nggen kage logogin lek aret o.

Takariya 9:2

O Kararak kuli paga o Kamat wonage nogo inom, o Tirut Tiyon imbirak iniki warak lombok aret wonogwe kwe, it inom, inoba kwippiyaagin o.

Matiyut 11:21

“Kit aakumi Koratim mendek yi, kinabuwa o. Kit Mbetayira mendek kunduk, kinabuwa o. Eerubok mendek kit kiname time eeke kogotak nogo, o Tut Tiron time eeke logonetak en, it aakumi time mendek maan togon inayum maluk yikkologwe, purok inagabolo paga yikut eerogo pakwi, eeko logonet, inomaluk muk mbo penetak o.

Nappiigak 12:20

At Keroret nogo time wonage logonet, anini wu agan nage mbareegi, it aakumi o Tirut mendek inom, Tiron mendek inom, mberirage nagagerik, inom ogoorak wonogogwaarak me, it nogo nen Keroret inom lambunuwok nduk, kuwak ari wogo nogogwaarik, at Keroret yori ungguwak nduk, awot ambi yi eeriyak ndi eeriyak lengganinake menggerak endage Mbelatut nogo yogo logonet, “O Keroret unde menggim mbi inoba onggo kuni wogo monggoorak me, ogoorak logorak lek lambunuwok nduk, wogoorak yoru o,” yinuk, yogo mbareegwa, “E o! Yorikit o,” yoragagerak.

Nappiigak 24:23

Yorage nagagerik, at yigin unde inowe nogo yoge logonet, “At Pawulut ti, keele maarak negen enaani porogo wonogwe me, oreewi nen ake wogori wogwe iinok ti, op aret, yoraamunggup o,” yinuk, yoreegerak.

Nappiigak 27:1

O Italiya wo'niren noorak nduk wone mbambunuk, at Pawulut inom, aap ando keele maarak inom, at Kayitat abu'me mendek yigin unde ambik aago inowe endage Yuliyut nogo nen wogoren nawak nduk, yoreegwaarak.

Nappiigak 27:43

inowe nogo nen, “Pawulut enaani wonok naakit,” mbake logonet, “Inoorugup o,” yinuk, inaruk wappege nagagerik, “Kit ngguu'mo wakwi kineenu kenok, kinaa'nduk yi inikime time ku'mbo wura nanuk, ngguu'mo warit yi aa'nggi paga time wundi nanip o.

Nappiigak 28:16

O Oroma unggwogo mbareegu, aap eegin warak ambi arum logowak nduk mippereegerak nogo, at Pawulut imbirak inalik logowak nduk, o ambi unde eeppereegwaarak.

Yotuwa 19:28

o Eboron nen, o Erekop nen, o Kamon nen, o Kana nen, o Tiron Nggwok kuli warak aret wonagagerak.