Nappiigak 26:7 - Ala Wone Peenok Peebi Mbanak

⁷ Wokkiraagin o, yinuk, wone abuk nggaruk togon yoragagerak nogo nit Yakuri ninanebunu 12 nen, Wo'niraagin, ao! yinuk, mbako logonet, liingge nen, oonikiya nen, niniki abe paga, Ala alut eeko monggoorak nogo o. An togon wone ti, niniki lunik minggirak ti paga it Yakuri nen nooruwok nduk, noba lenggenggaarak me, nogoba o!

Nappiigak 26:7 Iomraidhean Croise

Etara 6:17

Ala awi wurik leenogo puurak ake ti, lembu ngguunok 100 inom, kambin-ndomba ngguunok dua ratus inom, ndomba inaagalogwe ngguunok empat ratus inom, warogo wogogwi, ndi, it Iterali inomaluk lek eerogo piyoorak nduk, Iterali inanebunu ndak-ndak inake kambin ngguunok 12 warogo wogogwi,

Etara 8:35

Ti eeko nogogurik, nit wo'niren pinani nagagerak niniyokan wogogurak nogo nen Iterali ninogoba Ala ake warogo kani kunggo logonet, nit Iterali abok ninake tapi ngguunok 12 wakwi, kambin-ndomba ngguunok 96 wakwi, ndomba aagalogwe ngguunok 77 wakwi, ndi, ninomaluk lek eerogo pinanuwak nduk, kambin ngguunok 12 wakwi, eerogo punuk, ti abok aret Aliku ALA ake kani kuneegurak.

Ndawi 135:2

At Aliku ALA awi wurik me inom, Ninogoba Ala awi wurik oore'nggam inom, Ake eeko monggotak yi, Aliku ALA wogoppugwi, Eeko logonip o.

Matiyut 19:28

Yoge mbareegi, Yetut nen, “Kit an ninom nugu monggoorak yi, peebi o mbogut-nggween ngget ogobakkigike eyom paga, an aap aret nda'nagagirak nogo, tiyanak lombok wone lengganinake minggim wonage neegak, kit kunduk wone lengganinako logowam 12 nogome logonet, aap Iterali inanebunu 12 nogo inowak looninako logomunggup o.

Lukat 2:25

Aap Yerutalem mendek ambi endage Timeyon aret wonagagerak. At aap ti, iniki mondok abe koonak Ala wone liirogon aret eeke nagagerak. Eeke logonet, it aakumi Iterali mendek iniki eyak wappiya woroorak nogo tokkage nagagerak me, Aberiniki at oba wonagagerak.

Lukat 22:30

kit an nabu'me piige minggim mbi nunggwi, yi nunggwi, ndi, aakumi wone lengganinako menggam logonet, aakumi Iterali inanebunu 12 nogo inowak loonggwi, eeko logobagip nduk, unde eeppinagagi o,” yinuk, yoragagerak.

Nappiigak 20:31

Togop me, kiniki tum wakkologo logonip o. O liingge nen, oonikiya nen, puk aga'lek kinale ari logonet, kinalitak lombok kurumbi yokkirage neegak, tahun kenagan eereegirak nogo abeko logonip o.

Nappiigak 24:15

It maluk eeko menggaarak inom, obeelom eeko menggaarak inom, kambunuk nogo menggam nen Ala nen ineenik agago mippiyaagin, niniki lunik wonage ti, it kunduk iniki lunik wonogo agaarik.

Nappiigak 26:2

“Ai, nogoba kendagembogut Agiripa wa. It Yakuri nen, Yogop eekerak, ndogop eekerak, noba lenggenggaarak ti, o yogondak yi paga kat kenggaanom lombok mbeenogo yokkirigin ti, niniki ale'nggen aga o.

Nappiigak 26:3

Nit Yakuri eeko monggoorak inom, wone ngge mendek yilumbunuk wako monggoorak inom, kat abu keenu me, agan nage neegak, Keebi, nombarugun o, nogoba.

Nappiigak 28:20

Wone ti aret yokkiraakit nduk, wage nagarik, Woraawak o, yinuk, kinayonggo pigirak. Nit Iterali niniki lunik monggoorak nogo paga mbuti keele maa'nabeegwaarak wone yokkiraakit nduk kinayonggo pigirak o,” yinuk, yoragagerak.

1 Tetalonika 3:10

Nit kinetenggen kiigo logomonggoorik, kit abet mbakwi wone nogo ambi yobok ari kero, yokkiraawok nduk, ko'lu-kii'me ninoone aganggen kerek togon kinake tamban eeko monggoorak.

1 Timotiyut 5:5

Kwe ambi togwe aret kwe, aagalogwe nen yeenggwaaga'lek kenok, “Ala nen yeenggwaanege logowak o,” yinuk, iniki Ala paga lunik logonet, ko'lu-kii'me Ala nggino yoge, tamban eeke, eeke menggerak kenok, kwe ti, abe togwe aret o.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.