Nappiigak 26:4 - Ala Wone Peenok Peebi Mbanak

⁴ O maan wulaga mbuuluk nawi alom paga logonet, eerit nage, ti'nuk, o Yerutalem logonet eeke, eeke nagagirak nogo, it Yakuri mendek abok ineenu aret o.

Nappiigak 26:4 Iomraidhean Croise

Nappiigak 22:3

“An yi, aap Yakuri mendek aret o. Ndi, o Kilikiya kota Tarutut aret nda'nagagirak kwe, o kota yime logonet aret tawe agagirak o. Aap Nggamaliyen nen liirogon mamunnake logonet, ninombomini eeko nogogwaarak wone lunik nogo inom aret yo'nege nagagerak. Yo'nege nagagerak ti paga kit yogondak kiniki aganggen kerek togon Ala ake eeko monggotak kwak, an togon togop aret eeke nagagirak.

Nappiigak 24:14

Ala wone yugu liiru mbanak inom, aap Ala nen yorage kagak yorogo nogogwaarak liiru mbaneegwaarak wone nogo inom, abok aret abet mbake minggirak me, it nen, Aakumi ineenik logorak tu mugurok nogwe ti, wone alik aret o, yinuk, yogwe kwe, an wone ti ndak-ndak aret mugurok nage logonet, ninombomini inogoba Ala alut eeke minggirak, ti abet aret paganogo yokkege agarik o, nogoba.

Nggalatiya 1:13

An it Yakuri inoone mugurok nage logonet, eerit nege nagagirak nogo, kit muk konenggo nogogutak o. Ala apuri kuwak eerit nogo menggaarak nogo, ambi teppiyoorak mbarulik abok aret lek eerogo piyaakit nduk, mondok tigiren-muguren nege nagagirak nogo kineenu o.

Pilipi 3:5

An ndarak neegak nogo 7 yippunuk, 8 paga nagabolo mbaneegwaarak. Neebe ti, Iterali mendek aret kwe, nanebunu perak, Mbeniyamin mendek aret o. Nagalo-nogoba kunduk, Iberani mendek aret. Ndi, Muta wone yugu liiru mbanak li'lak eeka an Pariti mendek aret wonagagirak.

2 Timotiyut 3:10

Kat perak, an wone mamunirage, eerit nage, eeriyak niniki koongge, niniki at oba panggombunuk abet mbake, maluk eeppanugwi iigak, niniki yanggonak wonage, aakumi niniki kunik aganake, maluk eeppanugwi kwe, nogogumbuk logonet wagangge, eerit nage neyareegindak nogo o.