Nappiigak 26:3 - Ala Wone Peenok Peebi Mbanak

³ Nit Yakuri eeko monggoorak inom, wone ngge mendek yilumbunuk wako monggoorak inom, kat abu keenu me, agan nage neegak, Keebi, nombarugun o, nogoba.

Nappiigak 26:3 Iomraidhean Croise

Yeremiya 32:11

Wogoge nagagirik, nggween kunggo logonet eeko menggaarak li'luk aago liiru abe mbanak amburu nabembulik inom, ogut eerak amburu nabenak nogo inom, imbirak wonok

Nappiigak 21:21

It aakumi nen, Lek o! At Pawulut nen, it Yakuri mendek kumi-aap endekem mendek inenggela'me menggaarak nogo mamunirage logonet, At Muta nen yereegerak wone nogo mbo pinip o, ari logonet, Kit kinapuri inagabolo mbanggwi, it aap Yakuri eeko menggaarak nogo eekwi, eerugup, yorage menggerak o, yinuk, yoranet nugwi nogo inaruk konenggaarak o.

Nappiigak 24:10

Yogo mbareegwa, it inowe gubernur nogo eenggi titik paga, “Kat yu o,” yoge mbareegi, at Pawulut nogo yoge logonet, “Nit aakumi Yakuri mendek abok aret kat nen ninawone amburu mbangge keegak, tahun mande negen agaarak an neenu me, nagabiti lek logonet, an noba lenggenggaarak wone nogo paganogo yokkiri o.”

Nappiigak 24:4

An wone nggorek agan nage neenok, anggon eekkake kero, kuwagaluk ari neegak, kiniki yanggonak paga karuk konengge logonok nduk, Yu, yo'niru o.”

Nappiigak 25:26

Togop aret koonogo pigirak kwe, at eekerak ambi an liiru mbanogo nogoba Kayitat ake nappuurak lek aret me, at eekerak ambi abu liirogon yogwi kiinok nen perak, liiru Kayitat ake mbanogo nappuurak nduk, at eebe wonok kit abok kinowagam wagi o. Wone alom liirogon ti, kat ninogoba Agiripa nen kwaa'nok nduk kowagam wonok wagi o.

Nappiigak 26:2

“Ai, nogoba kendagembogut Agiripa wa. It Yakuri nen, Yogop eekerak, ndogop eekerak, noba lenggenggaarak ti, o yogondak yi paga kat kenggaanom lombok mbeenogo yokkirigin ti, niniki ale'nggen aga o.

Nappiigak 26:26

Nogoba Agiripa wae. An yorage minggirak ti, mina paga yorage logolik o. Wone an yorage minggirak nogo ti, kat nogoba Agiripa kunduk, keenggo'lek ti lek, abu keenu aret mbaki o. Wone ti abok keenu me, nagabiti lek logonet, yokkege agarik o.

Nappiigak 26:7

Wokkiraagin o, yinuk, wone abuk nggaruk togon yoragagerak nogo nit Yakuri ninanebunu 12 nen, Wo'niraagin, ao! yinuk, mbako logonet, liingge nen, oonikiya nen, niniki abe paga, Ala alut eeko monggoorak nogo o. An togon wone ti, niniki lunik minggirak ti paga it Yakuri nen nooruwok nduk, noba lenggenggaarak me, nogoba o!

Nappiigak 28:17

Nogo kenagan yippunuk, at Pawulut nen it Yakuri inoweewi time mendek nogo inayonggo pereegerak kuwak ari wogo mbareegwa, yorage logonet, “Nowe-nawot o. An nowe-nawot inoone inom, ninombomini eeko nogogwaarak wandek eeko monggoorak inom, tagangge logolik aret kwe, o Yerutalem time nen neebe pigogo keele maa'nako nogogwaarik, it Oroma mendek nen nawone mbanuwak nduk, neebe wogorogogwaarak.

Nappiigak 6:14

At aap yi nen ari logonet, Yetut Nataret mendek nogo nen Ala awi wurik yi, minogo pege, ndi, Muta lengganninabeegerak wone ninitok kunik eeko monggoorak nogo lek eerogo pege, eerigin o, yinuk, ari kogoorak o.”

1 Korindut 13:2

An Ala wone yorage logokit nduk, unde eeppanege, yi wone ndi wone alom neenu a'nuk, liirogon yorage, wone kote kumaarak mendek abok yelok kage, niniki abet mbake logonet, “Puut yi keebe tayo yu o,” yinuk, yoge neenok, tayo yi nage kage, eeke minggirak kwe, aakumi inabuwa mbaka'lek logonet eeke neenok perak, we aanom warogo aret eeke minggirak kagi o.

Pelaareegerak 17:18

Aap ti, aakumi inarum mi'ndak logonet, eeke logorak ti, eeko logorak wone yugu yi inom, wone lengganogo an yokkirage yi inom, ambokan punuk, ena agigan age, ogugan age, eeke logonet, oreewi meek mba'nuk, iniki tiyappake kero, eeko logorak wone yugu liiru mbanak aap Ala unde porogo wonogwe nogo ndak-ndak mbuku yerek-perek paga liiru mbanggolage logomenggerik, at Aliku ogoba Ala ayuk wukwi eenu age, at inom, apuri ndaganabemenggerak inom, aakumi Iterali inenggela'me inarum abu logonuk aret kwi'nage, eeruwak nduk, mbuku mbanak ti owagam punuk, eebe kangga'lek eenik wonage logonet, kulinik-kalinik liirogon luunggolage logowak o,” yoragagerak.