Nappiigak 26:16 - Ala Wone Peenok Peebi Mbanak

¹⁶ Kat nayeloman a'nuk, yogondak eeke neegendak inom, peebi eerit nage logorak yokkirigin nogo inom, wone ti yoranet nege logorak leenogo pagakit nduk, nikkeya wagarak me, mi'naru o.

Nappiigak 26:16 Iomraidhean Croise

Yetikiyen 2:1

At nen an yo'nege logonet, “Aakumi nen ndarak yi wae. An kat nimbirak wone mbaniyak me, mi'na'nuk karuk konengge logot o.”

Ndaniyen 10:11

an yo'nege logonet, “Ndaniyen wae. At Ala nen iniki kunik lombok eekkake menggerak me, wone an yokkege yi, liippege logot o. Wone yi, yokkirikit nduk nappani wagaarak keya wagarak me, aret mi'naru o.” Yo'nege mbareegi, naganak wake kagak mi'nagagirak.

Lukat 1:2

Eereegwaarak me, it obeelom wone yoranet nugu nogogwaarak nogo iyaalok nen eerit wage inigen kogo nogogwaarik, mbininogo nit yo'nirogogwaarak nogo ndak-ndak,

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

Nappiigak 21:19

Iigo nogogurik, at Pawulut nogo nen keyage wappiinok, Ala nen eeppege kagak, it endekem mendek eeginabit nege nagagerak nogo mbininogo yoragagerak.

Nappiigak 22:10

Yo'nege mbareegi, Nogoba o. An nonggop eeri? yoge mbareegi, at nogoba nen, Mi'na'nuk, o Ndamitik time unggwi nak o. Time unggwi nage keenok, kat yi eekak ndi eekak eeke logorak wone koonak nogo yokkirigin o.

Nappiigak 23:11

Nogo ambi yinuk, ko'lu, o kiip age mbareegi, nogome wonage me, ninogoba Yetut at Pawulut owagam wage nagagerik, mi'ndak logonet, “An noone o Yerutalem liirogon yorage nagandak nogo ndak-ndak, peebi o Oroma time yora noorak me, kiniki nu'lek logot o,” yoreegerak.

Nappiigak 26:15

Ai, nogoba. Kat ta o? Yoge mbareegi, Lek o. Kat nen keebi-keeba agago nooke menggendak Yetut an aret o.

Nappiigak 6:4

Mippiyamonggotak wone yi, it nen mban koonggwi iigak, nit nen ta, Ala wone mban yorogwe, tamban mban eekwi, eeko logogun o,” yinuk, yorogogwaarak.

Oroma 1:5

Ninowe Yetut Keritut eereegerak paga, Ala iniki kunik en eeppanege kagak, it yi aakumi ndi aakumi abok aret iniki abet mba'nuk obeelom wone liirogon woppunuk, eeko logowak nduk yoranet nage, Yetut Keritut endage nggwok aruwak nduk, tiyappit nage, eeke logokit nduk, an neyabu nappiigak mendek agago paneegerak.

2 Korindut 4:1

Nit wone ti, yorogo logowok nduk, Ala nen ninabuwa mbake logonet, unde eeppinaneegerak me, wagangga'lek iinok, niniki maluk ageelik o.

2 Korindut 5:18

Wone apit yogoorak nogo ti, Ala nen aret eeppinanege menggerak. Ala ninom ogoorak wonogogurak kwe, at nen Keritut eereegerak paga ninom lambumbinaneegerak me, nit Ala ninom lambumbinaniyak wone yi, yorogo logowok nduk, unde eeppinaneegerak.

Nggalatiya 1:12

An yorage minggirak nogo ti, aakumi inoone yugu waganeegirak lek o. Ndi, it aap ambi nen mamunnereegwaarak paga agan nege minggirak kunduk lek mban. Ata, Yetut Keritut nen lalin negen eeppaneegerak paga yoranet nege minggirak o.

Epetut 3:3

Wone kote kumaarak wonagagerak lalin negen aret kin eeppaneegerak liiru kuwagaluk aginggwe mbanggiragarak nogo,

Kolote 1:23

Keritut ti eereegerak nogo paga, Ala kinom lambumbinagareegerak me, wone obeelom wone kit konenggo nogogutik, abet mbako logonet, “Ala nen togop eeppinanigin kagi,” yinuk, kiniki lunik wonogwe nogo, mbo puurak mage o. Ata, o eyak wurabak kwak Keritut paga kiniki panggombunuk, wone abet mbareegutak nogo, kiniki nu'lek logonet, mugurok nogo logonip o. Ndi, obeelom wone yi awi ndi awi abok aret wiganinuk nage nogo ti, an Pawulut ninom aret yorage logokit nduk, Ala ayeloman agago paneegerak aret o.

Kolote 1:25

Wone o maan nen yogondak kuli kote kumaarak kagak, aakumi nda'narit wundi wogo nogogwaarak kwe, yogondak iluk, it at ake leenak Ala apuri iinok, kin eeppiyareegerak Ala wone kit yokkirage logorak unde eeppaneegerak nogo ndak-ndak, it Ala apuri yi awi ndi awi kuwak eerit nogo menggaarak abok aret inake eeke logokit nduk, inayeloman agago paneegerak o.

Kolote 1:7

Wone obeelom wone ti nogo, at ninom niniki kunik Ala ayeloman logonet, ndak-ndak eeko monggoorak Epaparat nogo nen aret mamunggiragagerak o. At Keritut ayeloman logonet, nit kinake eeriyak meek kenok ninobaane'me at aret kulinik-kalinik eeke menggerak me,

1 Tetalonika 3:2

at ninawot Ala ayeloman Keritut eeke nagagerak obeelom wone ninom yorogo monggoorak Timotiyut nogo nen, it aakumi aaninggin kinoba pinagagwi paga wone ti, “Nineebi o,” yinuk, mbo pugwi kiyo, kit abet mbakwi nogo nu'lek agago pinagage, kit kiniki eyak wappinagage, eeke logowak, mba'nuk, at kinake nappi wogogurak. Nit togop aret eeppinanogo logorak Ala nen koonogo pinaneegerak kineenu aret o.

1 Timotiyut 1:12

An nomaawi eeppanege menggerak nowe Keritut Yetut nogo nen, “Aap yi, ambi eeke logowak nduk, unde eeppege neenok, liirogon aret eeke logogin,” nombake nagagerik, an yabu ambi eeke logokit nduk, unde eeppaneegerak me, “Wa,” yoge minggirak.

1 Timotiyut 4:6

Wone ti, koreewi mamunirage keenok, kat Keritut Yetut ayeloman abe mendek aret logomunggun o. Ndi, niniki abet mbakwi wone inom, wone kole wone mamunik mugurok nage menggendak inom, waganogo aberit nage paga kiniki nu'lek kole aret logomunggun o.

2 Timotiyut 4:5

Togop kwe, kat perak, kiniki tum wakkolage logot o. Maluk eeppagagwi iigak, kogogumbuk logonet wagangge, aap obeelom wone yoranet nugu mengga kwak, kat ndak-ndak yoranet nege, eeke logonok nduk, mippagareegwaarak nogo ndak-ndak aret eeke, eeke logot o.