Nappiigak 23:8 - Ala Wone Peenok Peebi Mbanak

⁸ It (Taruki mendek nogo nen, “Aakumi kambunuk ineenik agago mi'narugun lek o. Malayikat inom, aakumi inogoma inom, ti kunduk wonogwe mondok lek aret o,” yogwe kwe, it Pariti mendek nen perak, “Ti abok aret wonogwe,” yogo logonet, inom ogookkologogwaarak.)

Nappiigak 23:8 Iomraidhean Croise

Matiyut 22:23

It aap Pariti nogo Yetut teppunuk, mbaganggo mbareegwa, “Aakumi kanggwi ineenik a'nuk, mi'narugun lek o,” yogo menggaarak aap Taruki ando nen ne ti eyom paga Yetut eegwa'me waawok nduk owagam wogo nogogwaarik, at yogo logonet,

Marakut 12:18

Ti'nuk, “Aakumi kanggwi ineenik a'nuk mi'narugun lek,” yogo menggaarak it Taruki mendek nogo nen at owagam wogo nogogwaarik, yogo logonet,

Lukat 20:27

Ti'nuk, aakumi kambunuk, ineenik a'nuk mi'narugun lek yogo menggaarak it aap Taruki mendek ando nen Yetut owagam wogo nogogwaarik,

Nappiigak 23:7

Yorage mbareegi, it Pariti mendek inom, Taruki mendek inom, wone wako nogogwaarik, it kuwak ogogwaarak nogo, it mban-mban ogookkologogwaarak.

Nappiigak 4:1

Peterut Yaya imbirak it aakumi nogo awo yorogwe iigak, it Ala unde inom, Ala awi wurik me arum waka inowe nogo inom, it Taruki mendek inom, wogogwaarak.

1 Korindut 15:12

At Keritut nogo kambunuk nogo menggam nen eenik eerogo mippereegerak wone nit nen yokkirogwe niigak kwe, kit ando nen yogo logonet, “Aakumi kanggwi nogo ineenik arugun lek o,” yinuk, nonggop nduk yogo ogotik?