Nappiigak 23:5 - Ala Wone Peenok Peebi Mbanak

⁵ Yogo mbareegwa, at Pawulut nen, “At Ala unde ninowe nggwok ti, neenggo'lek me yagarak o, noreewi. Kinowe kinarum wonage nogo, kinoone maluk yorugup o, yinuk, liiru mbanak wonage an neenu aret o,” yoragagerak.

Nappiigak 23:5 Iomraidhean Croise

Wundeegwaarak 22:28

Yoge nagagerik, Iterali yoraawak nduk, Muta ambinom yoge logonet, “At Ala miyuk-meya eerogo pugwi, aap inowe inarum menggerak nogo inoone maluk, Kambu o, yogwi, eeriyak mage o.

Wone Alom Kibingga 10:20

Kat koone yemenggendak nogo towe o oolo ya'i wonage nen wonok nage, Kat yemenggendak nogo a'naabit warak nen yorenet nage, Eeke kero, Kat kinikime nen aap endagembogut meek eerogo pege, Ndi, kat nogo yege menggenom logonet, aap eenggi warak pulunogo pege, Eeriyak mage o.

Nappiigak 23:4

Yoge mbareegi, it time wonogwe nogo nen at Pawulut yogo logonet, “Kat Ala unde ninowe nggwok nogo meek mbake logonet, ari agandik ya?”

Nappiigak 24:17

Ndi, tahun mande negen eeppunuk, an noreewi Yakuri mendek inabuwa nen we wogoroorak inom, Ala ake pugu inom, wonok, o Yerutalem wogora nagarak.

2 Peterut 2:10

It togop eeppiyoorak nogo ti, mbuuluk negen eeppiyoorak kwe, it aakumi nen, “Nit maluk eeko logowok o,” yinuk, iniki nen nengge kenok, ugun eerit nogwe, Ala nen wone lengganogo yorage nogo taganogo punuk, at eebe miyuk-meya eerogo pugwi, eekwi nogo perak, aaninggin mondok ndonggok togon inoba piige kaagun. It malayikat nogo ti, inomaawi ambik inayuk warak me, Ala yogo logonet, “It aap kat ari menggendak kagak pilit pugunogo yorogo menggaarak nogo ti, mondok maluk eekwi me, kat ninogoba nen mondok inooke logot o,” yinuk, inoone omaawi paga Ala yoriyak op kwe, inagabiti warak me, we yanggorogon yogo menggaarak. Yanggorogon togop aret yogo menggaarak kwe, it aap pilit wone yaga ti nen perak, “Ninagabiti o,” yinuk, inaganak waka'lek iniki wogoppako logonet, kugi inom, malayikat inom, abok aret ugun miyuk-meya eerogo piinet nogo menggaarak.