Nappiigak 23:12 - Ala Wone Peenok Peebi Mbanak

¹² Ko'lu o weege mbareegi, it Yakuri mendek kuwak eeppunuk wone kote mbanggo logonet, “At Pawulut waka'lek kagak, nit mbi inom, yi inom, ti noorak mondok lek o,” yinuk, Ala endage kumbunuk kumbuk mbaneegwaarak.

Nappiigak 23:12 Iomraidhean Croise

Wakkagagerak 37:18

inowagam panggo yi naga'lek tayorogon taati nage oweewi ina nakka wogo nogogwaarik, it mban-mban yogo logonet, “Abi kaga nogo wage ti, kinigen wondekkanip o. Alik nanonggwan wagaarak me mondok waruwok o,” yinuk, iniki ambit eeppunuk wariyak wone mbanggo logonet,

1 Endagembogut 19:2

kwe Iteben nogo nen Eliya yori nawak nduk, aap ambi wone eerogo nappege logonet, “At Eliya waka'lek neenok, kit nen aaninggin noba paniyak kenok, noba panugwi, ndi, nooriyak kenok, nookwi, eeriyak op aret o, yinuk, nagugi yoragarak me, at Eliya nen it aap kugi Mba'an wone unde eerogo piigerak kokwak, an ko'lu oonegen yogobi paga ari naga'lek kagak, at ndak-ndak eerogo pigin, yegerak, yori nak o,” yinuk, eerogo nappereegerak.

2 Endagembogut 6:31

Inigen kogwe iigak, at aap endagembogut nogo nen ari logonet, “Aap Tapat aput Elita anobak mbangga'lek teppege neenok, Ala nen aaninggin noba panege, nooke, eeriyak op, yogirak me, togop eeppanukwak, o yogondak enggaanok mbanogo pigin aret o.”

Nekemiya 10:29

abok aret inoweewi inengga warak ninom a'nuk, yogo logonet, “Eeko logorak Ala nen ayeloman Muta yoge kagak, yo'niragagerak liiru mbanak nogo mugurok nogwe, ndi, Aliku ninogoba Ala nen, Yogop ee'nu ndogop ee'nu, yereegerak inom, eeko logorak wone yugu inom, wone lengganak inom, abok aret liirogon eerit nogwe, eeko logogun o. Ndi, eeka'lek niinok, pulunogo pinaniyak op aret o,” yinuk, kumbuk mbanuwok nduk, niniki ambit eeppunuk, wone abuk nggaruk togon koonogo pereegurak ninendage nogo ti aret.

Etet 2:22

It iniki ambit a'nuk, wone mbanggwi nogo, at Morekayi eenu age nagagerik, wone nogo at kwe nggwok Etet yoge mbareegi, Etet nen aap endagembogut yoge logonet, “Kat kooriyak yogwe nogo at Morekayi nen konenggerak kenok, yokkiri wagi o,” yoreegerak.

Ndawi 31:13

It aakumi ambik nen nabok agan nugwi, Nenaagan-nambokan eerit nugwi paga naganak waruwak nduk, agan nugwi, Maluk eeppanuwok nduk, Iniki ambit eeppunuk, wone mbanggwi, Nooruwak nduk wone koonogo pugwi, Eeko agaarik o.

Yeremiya 44:25

At Omaawi Lombok Menggerak Iterali inogoba Aliku Ala nen wone yegerak nogo yi aret. It aap inom, inakuwi kumi inom, nen, Nit ninagugigwe Mbogut-Kwe ake obari abe kaga kani kunggwi, ake anggur amburu kilirogo pugwi, eeko logogun o, yinuk, kumbuk mbaneegurak me, eeko logogun aret o, yinuk, inoone abuk nggaruk togon yereegwaarak nogo ti, ndak-ndak eerit wogwe iigirak me, eeko logorak yereegwaarak nogo ndak-ndak eekwi, kumbuk mbaneegwaarak nogo ndak-ndak aret eekwi, eeko logowak o, yinuk, yegerak me,

Ala Unde 27:29

Aap ambi wariyak leenak kagak, it nen, Wariyak lek o, yinuk, agap ndarogo wu obaane'me pi woroorak lek o. Eebe aret warogo puwak o.

Matiyut 26:4

at Yetut kote aret pippunuk, waruwok nduk, inom wone mbanggo logonet,

Matiyut 26:74

Yogo mbareegwa, “An aap ti, abu neenggo'lek me, nombo owak o,” yinuk, ombo owak awo mbangge kagak, ayam oone aret yereegerak.

Matiyut 27:25

Yorage mbareegi, it aakumi abok aret inoone wonggok togon yogo logonet, “At amiya ti, nit ninapuri-ninombowologwe ninom ninoba logorak op aret o.”

Nappiigak 23:13

It ineebe 40 ando inom kuwak eeppunuk, eebe wariyak kooneegwaarak.

Nappiigak 23:14

Koombunuk, it Ala unde inoweewi nogo inom, inogobamini inom, it wonogwe me, inowagam nogo nogogwaarik, yorogo logonet, “At Pawulut waka'lek kagak, nit yi mendek ndi mendek noorak mondok lek o, yinuk, Ala endage kumbunuk kumbuk mbanggoorak me,

Nappiigak 23:21

yokkiri wogwe iinok, koneniyak abu lek o. It Yakuri mendek ineebe 40 ando inom nen, At Pawulut waka'lek kagak, mbi inom, yi inom, nit noorak mondok lek o, yinuk, Ala endage kumbunuk, kumbuk mbambunuk enaarak logonet, kat ari keyo mban inaruk agaarik o,” yoreegerak.

Nappiigak 23:30

Ndi, Wariyak, wone kote koonogo pegaarak o, yinuk, yo'nugwi naruk konengge nagarik, kat kowagam nappi wage, ndi, it inoone at oba lenggenggaarak nogo, paganogo yokkiruwak nduk, Yori nanip o, yinuk, yorage, eekirak o, yinuk, an Kelawuriyut Litiyat nen aret yokkigi o, nogoba,” yinuk, liiru mbaneegerak.

Nappiigak 9:23

Ti'nuk, peebi it Yakuri mendek nen, “Tawulut waruwok o,” yinuk, koonogo pereegwaarak.

Nappiigak 9:24

Koonogo pereegwaarak nogo at Tawulut aruk konembunuk, wonage kagak, ne ambi paga waruwok nduk, o kota unggwit wogo menggam oonikiya nen, liingge nen, enaarak wonogwe iigak,

1 Korindut 16:22

Aap ambit-ambi ninowe iniki kunik eeka'lek kenok, pulunik negen aret logowak o. Maranata o! Ti nit ninoone paga, “Ninowe mbet-mbet woraawak o,” yinuk, yogo monggoorak.

2 Korindut 11:26

yi awi ndi awi nege me, niyo wurik wage logonet, wo'neren noorak eeke, aap yogoot wagangga nen nooriyak eekwi, an nowe-nawot aap endekem mendek inom nen maluk eeppanugwi, kota inom, karume inom, yi nggwok yenggenak me inom, noreewi pilit yogo menggaarak inenggela'me inom, it abok nen maluk eeppaniyak nduk, eereegwaarak kwe, a'me lik yuulik, mbeyok yereegerak o.

Nggalatiya 3:13

Ndi, Ala wone mbanak paga nen ari logonet, “Aap ambi warogo eebe eyo karo-karo paga tugunogo pugwi kenok ti, Ala nen pulunogo pege menggerak o,” yinuk, yereegerak liiru mbanak ndak-ndak, wone Muta yoreegerak kagak alik eeko nogogurak ti paga, nit togon kambuwok nduk, pulunik aret wonogogurak kwe, lek aruwak nduk, Keritut ninobaane'me pulunogo pege mbareegi, eyo karo-karo paga tugunogo pereegwaarak ti paga, ninonggo mbambunuk, wondet eerogo pinaneegerak wonogo ogoorik o.

1 Tetalonika 2:16

It aakumi endekem mendek Ala nen inagap ndariyak wone, “Kit yorogo logorak lek o,” yinuk, non mbambinanogo menggaarak me, it maluk ambi nabek mban eerit wogoga, wogoga, “Ti kuli ari nawak,” koonak nogo paga ari nage kenok Ala anini inoba piige menggerak nogo ndak-ndak, yogondak anini mondok it inoba piige agaarik o.

Yotuwa 6:26

Ne ti eyom paga at Yotuwa nen ari logonet, “Aap ambi nen o Yeriko yime obaane'me wuri unggwi wage kenok ti, at Aliku ALA nen pulunogo pege logogin me, O eyak awo wurake kagak, Apuluk manggu ndarak kangge, Ndi, abu wurogo tungga ogobakkigirogo punuk, Oome puk ari unggwage kagak, Apuluk enabooluk ndarak nogo aret kangge, Eeke kaagin o,” yinuk, yoragagerak.

Yotuwa 7:1

Yotuwa nen aakumi Iterali yorage logonet, “Aakumi Yeriko inamendek ti, Aliku ALA amendek ake leenak aret me, woorak mage o,” yoragagerak kagak, aap ambi anebunu Yekura mendek endage Tera. Tera aput Tabiri. Tabiri aput Karimi. Karimi aput Akan nogo nen yi mendek ndi mendek ando waganeegerak me, at Aliku ALA anini mi'nage logonet, Iterali inoba piyareegerak.

1 Tamuwen 14:24

Wim namburuwok nduk, awo eekwi iigak, at Tawun nen awuri yorage logonet, “It ninawim nen eeppinanggwi nogo, onggo nini tayongga'lek niigak, nit ambi nen oonegen awo kilu yi naga'lek kagak mbi nunggwi niinok, pulunik aret logogun o, yinuk, wone abuk nggaruk togon kumbuk mbanuwok o.” Yorage mbareegi, kumbuk mbaneegwaarak me, at awuri nogo ne ti eyom paga mbi nengga'lek muguren mban nogwe iigak, inowak abu lobak yereegwaarak.