Nappiigak 23:10 - Ala Wone Peenok Peebi Mbanak

¹⁰ Ogooppunuk, it wone nggwok warit nogwe iinok, aap it yigin unde inowe nen Pawulut niikkenok-wiikkenok eekwi iyo, at awuri nogo yorage logonet, “It kuwak aago inenggela'me wa unggwogo logomonggotik, eebe wonok kereewina nogome mambi nanip o,” yinuk, yoragagerak ndak-ndak aret eereegwaarak.

Nappiigak 23:10 Iomraidhean Croise

Ndawi 50:22

Togop aret me, Kit noba mari eerogo panugo monggotak yi, It ambi nen kinagap ndaka'lek kagak, An nen nibinik-ndelenak eerogo pinagage neyo, Wone kiniki liippogo logorak nogo yi o.

Ndawi 7:2

Eeke lek keenok, singa nibininake menggi kwak eeppanugwi, Ndi, it ambi nen nili yogwe lek kenok, nibik-nobak eerogo panugwi, Eerugun o.

Mika 3:3

An nowe-nawot inagabolo mbelanogo piigwi, inowak kalenogo piigwi, Wam kuwalina mbanogo lako mengga kwak, Wam enggaanggum nggarik-nggarek eerogo togolowa'na lako mengga kwak, It ineebe togop aret eerogo piinok, nonggo monggotak o,” yinuk, yoragagirak.

Nappiigak 21:37

Kereewina mambuwok nduk eekwi iigak, at Pawulut nen it aap yigin unde inowe nogo yoge logonet, “Nowe o. Wone an ambi yokkiri o.” Yoge mbareegi, Pawulut yoge logonet, “Kat Yunani inoone keenu a?”

Nappiigak 22:24

it aap yigin unde inowe nogo nen, “Aap yi, kereewina mambogo logomonggotik, muun yawi wappunuk, alom ngge eekerak paga waruwok nduk ya-mba yogwe nogo, eegwa'me wanip o!”

Nappiigak 23:16

At Pawulut wariyak nduk tu paga enaari noorak kooneegwaarak nogo amboko nen aruk konembege nagagerik, at Pawulut it yigin unde inagereewina wonage me unggwage nagagerik, kurumbi yoreegerak.

Nappiigak 23:27

Aap yi, it Yakuri mendek nen pippunuk, mondok waruwok nduk eekaarak mendek, An Oroma mendek o, ari naruk konembunuk, nawuri yigin unde ninom agap ndako nogoorik,

Nappiigak 23:28

Alom ngge paga wariyak yogwe iyaamun? yinuk, wonok it wone amburu mbangga inowagam nagarak o.

Nappiigak 23:32

Ndi, nogo yippunuk, ko'lu it kuda amborowak paga nugu menggaarak nogo nen Pawulut pi nawak nduk, nappiigo nogogwaarik, wonok nogwe iigak, it yigin unde nogo nen iniyok paga inagereewina wogogwaarak.

2 Korindut 11:26

yi awi ndi awi nege me, niyo wurik wage logonet, wo'neren noorak eeke, aap yogoot wagangga nen nooriyak eekwi, an nowe-nawot aap endekem mendek inom nen maluk eeppanugwi, kota inom, karume inom, yi nggwok yenggenak me inom, noreewi pilit yogo menggaarak inenggela'me inom, it abok nen maluk eeppaniyak nduk, eereegwaarak kwe, a'me lik yuulik, mbeyok yereegerak o.

Yakobut 1:19

Nowe-nawot o. Kit an niniki kunik me, wone yi, liirogon waganggo logonip o. Nit abe koonak mban eerit nogo logorak Ala nen ninombareegerak nogo ti, ninanini paga eerit nogo logorak lek me, kit abok aret wone mbet-mbet konenggo logorak op aret kwe, yuurak kenok perak, liippunuk yogwe, kinanini mbet-mbet wungga'lek logonet eekwi, eeko logonip o.

Yakobut 3:14

“Niniki warak aret,” mbakwi kwe, kinoreeluk ambi anini eeppogo logonet, worokot liinik agan nugwi, “An koongge mban eeriyak,” mba'nuk, agan nugwi, eeko logonet kwe, “Niniki warak o,” yinuk, wogoppatiyak ti, mage o. Togop agan nugwi paga Ala ndogop menggerak wone yugu kagak, abut laganggwi me, kit pilit pugunit nugwi aret kiigi o.