Nappiigak 22:3 - Ala Wone Peenok Peebi Mbanak

³ “An yi, aap Yakuri mendek aret o. Ndi, o Kilikiya kota Tarutut aret nda'nagagirak kwe, o kota yime logonet aret tawe agagirak o. Aap Nggamaliyen nen liirogon mamunnake logonet, ninombomini eeko nogogwaarak wone lunik nogo inom aret yo'nege nagagerak. Yo'nege nagagerak ti paga kit yogondak kiniki aganggen kerek togon Ala ake eeko monggotak kwak, an togon togop aret eeke nagagirak.

Nappiigak 22:3 Iomraidhean Croise

2 Tamuwen 21:2

Aakumi Nggibeyon mendek ti, it Iterali mendek lek aakumi Amori mendek yumbunik aret me, it Iterali nen, “Inooriyak lek o,” yinuk, kumbuk mbanogo piyareegwaarak kagak, at Tawun nen, “It Iterali inom, Yekura inom, inake nonggop eeri?” yinuk, aakumi Nggibeyon mendek inenggaawak lek eerogo piyaakit nduk, wakkenet nege logonet, inoorit nege nagagerak me, at Aliku ALA nen wone ti, aap endagembogut yoge mbareegi, aap endagembogut nen it Nggibeyon mendek nogo, inayonggo piyareegerak wogo mbareegwa,

2 Endagembogut 4:38

O nogome abok mbi noogelo agagerak me, ne ambi paga at Elita nogo iyokan o Nggilagan nage nagagerik, it aap Ala nen yorage kagak yorage ineebe aago ne ambi paga enaame taati wone yorage kwi'ndak iigak, Elita nen ayeloman ambi yoge, “It aap Ala nen yorage kagak yoraga yi, inake yi mendek ndi mendek togolowak nggwok me yonggoppunuk, kani paga laru o.”

Lukat 10:39

Yoge mbareegi, unggwi nagagerak wonage me, kwe Marata awuluk endage Mariya nogo, Yetut abu'me kwi'ndak logonet, oone konengge kagak kwe,

Lukat 2:46

Kwaakwi iigak, nogo mbere yinuk, Ala awi wurik me, it aap mamuniraga inoweewi tiyanak lombok inenggela'me kwi'ndak logonet, inoone konengge, at nen it ineegwa'me wagangge, eeke wonage me kwaakkogogwaarak.

Lukat 8:35

Eerit nugu mbareegwa, eereegerak nogo it aakumi pekka nawok nduk, iname nen wundinuk Yetut owagam nogo nogogwaarik, aap kugi inikime nen wundi nagagerak nogo aap iniki a'nuk, yum yirik Yetut abu'me kwi'ndak wonage me ka nogogwaarak. Ka nogo nogogwaarik, inagabiti mbareegwaarak.

Nappiigak 11:25

Ti'nuk, peebi, at Mbaranabat nogo nen Tawulut kwaarikit nduk o Tarutut nage nagagerik,

Nappiigak 15:23

nappiyaawok nduk, liiru mbanggo logonet, “Ninoreewi wa. Kinoreewi nit nappiigak inom, Ala apuri unde inom, nogo nen ninoreewi kit endekem mendek abet mbareegutak o Andiyokiya inom, o Tiriya inom, o Kilikiya inom, kit time wonogwe abok aret keyage wokkinako o.

Nappiigak 15:41

o Tiriya inom, Kilikiya inom, yi awi ndi awi yanggwagak nugu logonet, at Pawulut nogo nen it Ala apuri kuwak eerit nogo menggaarak nogo iniki nu'lek logowak nduk, yoranet nege nagagerak.

Nappiigak 21:20

Mbininogo yoragagerak nogo inaruk konembogo nogogwaarik, Ala wogoppereegwaarak. Wogoppogo nogogwaarik, Pawulut yogo logonet, “Ninore, Pawulut wae. It Yakuri mendek yi aap ndi aap abok aret Yetut oone abet mbareegwaarak kwe, it abok aret Ala wone yugu liiru mbanak nogo iniki ti mban lunik logonet, eerit nogwe yi, iige agandik?

Nappiigak 21:39

Yoge mbareegi, at Pawulut nen, “Ti an lek o. An aap Yakuri mendek aret. Ndi, o Kilikiya kota, Time kwak logone, mbako menggam Tarutut nogome aret nda'nagagirak naworak aret me, it aakumi an wone ambi yoroorak op ilik?”

Nappiigak 23:34

Liiru mbanak nogo pekkage nagagerik, “Aap yi awi ngga mendek o?” yinuk, kin wagangge mbareegi, “Lek o. Awi Kilikiya aret o,” yogo mbareegwa,

Nappiigak 23:6

Yorage nagagerik, at Pawulut nogo nen it wone amburu mbangga ando ti, Taruki mendek inom, it ando ti, Pariti mendek inom, wonogwe yelok iige nagagerik, “Noreewi o. An aap Pariti mendek aret o. Ndi, nogobamini kunduk Pariti mendek mban aret. Nit kambunuk nineenik agago mi'nariyak wone ti, niniki lunik neenok, nawone amburu mbanuwok nduk wonogwe kiigi o,” yinuk, oone nggwok aret yoragagerak.

Nappiigak 26:5

Nit Yakuri wone yugu woppunuk eeko monggoorak ti, it ando inoone omaawi agan nugu menggaarak Pariti mendek nogo, an togon it ninom agan nege nagagirak nogo, o maan nen ineenu me, paganogo yokkiroorak mbakaarak kenok ti, yokkiraawak o.

Nappiigak 26:9

An aa'nduk togon at Nataret mendek Yetut ti, endage miyuk-meya eerogo pikit aret mbake nagagirik,

Nappiigak 5:34

aap Pariti mendek ambi Ala wone yugu Muta nen liiru mbaneegerak nogo mamunirage nagagerak kenok, aakumi abok nen wogoppogo nogogwaarak endage Nggamaliyen nogo nen it aap wone amburu mbangga inenggaanom paga mi'na'nuk, yorage logonet, “It mbuuluk logonuk unggwi woraawak nduk, wundi nawak o.”

Nappiigak 6:9

it Yakuri mendek o Kirene nen, Alekandiriya nen, Kilikiya nen, Atiya nen, it Yakuri kuwak eeko menggam endage Wondet Eerogo Pinaneegim tooneegwam nogome kuwak eeri wogo nogogwaarak nogo nen, Tepanut inom wone wareegwaarak.

Nappiigak 9:1

Ti eeke kagak, at Tawulut nen it ninogoba Yetut oone waganggwi nogo inoorikit nduk anini wu agan nage mbareegi, at Ala unde inowe nggwok nogo owagam nage nagagerik,

Nappiigak 9:11

Yoge mbareegi, at ninogoba nogo nen at yoge logonet, “Mi'na'nuk, tu endage Mot-Mot yogo menggam aap Yurat ame time nak o. Aap ambi endage Tawulut awi Tarutut mendek nen tamban eeke me, kat Ananiyat nen aret at owagam unggwage nagandik, anobak keenggi tebembunuk, enegen ogut agaarak nogo obeelom eeke abinggaanggo paga kegerak me, time nage logomenggendik, Tawulut yime wonage ilik, lek a? yinuk, yora nak o.”

Nappiigak 9:30

“Waruwok o,” yogwe nogo, it ninoreewi Ala apuri konembogo nogogwaarik, eebe wonok, Kayitareya nanuk, time nen o Tarutut nappereegwaarak.

Oroma 11:1

Togop me, an wone ambi kin wokkiya o. Ala nen at apuri aa'nduk miirinabeegerak nogo, mondok-mondok mbo piyareegerak mbakop? Abu lek o. An togon Iterali mendek aret. An nombo Abarakam aret me, nanebunu ti, Mbeniyamin mendek aret o.

2 Korindut 11:22

It wogoppako logonet, “Nit Iberani mendek o,” yinuk, yogwe me, an kunduk Iberani mendek aret o. It nen, “Iterali mendek nit aret o,” yogwe me, an togon Iterali mendek aret. It nen yogo logonet, “Abarakam ombo wologwe nit aret o,” yogwe nogo, an togon Abarakam ombooluk aret o.

Nggalatiya 1:14

Nit Yakuri inoone mugurok nogo logonet, an ninom ndak-ndak ndarak noreewi ando we mbuuluk negen eekwi iigak, an perak nombomini eeko nogogwaarak nogo, niniki aganggen kerek togon mugurok nage logonet, mondok ndak-ndak aret eerit nage nagagirak nogo ti, kineenu mban o.

Nggalatiya 1:21

An aap Kepat nimbirak wonagagirik, ti'nuk, o Tiriya inom, Kilikiya inom, wage nagagirik, o nogome enaagan-ambokan nege neegak,

Pelaareegerak 33:3

Kaliku ALA nen kapuri abet aret inabuwa mbake me, Kapuri kake leenak abok aret keenggime wonogwe nogo Kabu'me tebe yinuk, koone waganggwi,