Nappiigak 21:7 - Ala Wone Peenok Peebi Mbanak

⁷ O Tirut time nen wogo nogogurik, o Potolemayit unggwi woraanuk, time ninoreewi Ala apuri keyage wappiinok, ninom nogo ambit yereegurak.

Nappiigak 21:7 Iomraidhean Croise

Matiyut 5:47

Ndi, kit kinoreewi mban keyage warogo wogonakwi kiinok, it aakumi endekem konenggulik mendek inom, yi aakumi ndi aakumi inom, abok aret it mendek mban inom kunik eeko menggaarak nogo ndak-ndak eekwi me, Nit iya, mbariyak lek o.

Nappiigak 1:15

It time wonogwe iigak, ne ambi paga it aakumi abet mbareegwaarak nogo ineebe seratus dua puluh negen kuwak eereegwaarak inenggela'me Peterut nogo mi'nage nagagerik,

Nappiigak 12:20

At Keroret nogo time wonage logonet, anini wu agan nage mbareegi, it aakumi o Tirut mendek inom, Tiron mendek inom, mberirage nagagerik, inom ogoorak wonogogwaarak me, it nogo nen Keroret inom lambunuwok nduk, kuwak ari wogo nogogwaarik, at Keroret yori ungguwak nduk, awot ambi yi eeriyak ndi eeriyak lengganinake menggerak endage Mbelatut nogo yogo logonet, “O Keroret unde menggim mbi inoba onggo kuni wogo monggoorak me, ogoorak logorak lek lambunuwok nduk, wogoorak yoru o,” yinuk, yogo mbareegwa, “E o! Yorikit o,” yoragagerak.

Nappiigak 18:22

o Kayitareya wagagerak. Wage nagagerik, nogome nen at Pawulut o Yerutalem wage nagagerik, it Ala apuri time kuwak eekwi nogo keyage wappiinok, o Andiyokiya nagagerak.

Nappiigak 21:10

Ninom logonet, nogo mande negen yugwi me, aap Ala nen yorage kagak yoraga mendek ambi endage Agabut o Yureya nen niya nagagerak.

Nappiigak 21:17

O Yerutalem unggwi wogo mbareegu, ninoreewi Ala apuri nogo nen iniki ale'nggen paga wo'ninabeegwaarak.

Nappiigak 21:19

Iigo nogogurik, at Pawulut nogo nen keyage wappiinok, Ala nen eeppege kagak, it endekem mendek eeginabit nege nagagerak nogo mbininogo yoragagerak.

Nappiigak 21:3

Wogo nogogurik, o Tipurut nineebe kwaare'nggan nina wunggagak wogo logonet, yi mendek ndi mendek yiiro me yonggolak nogo o Tirut kilirogo wumbegak woraawok nduk, o Tiriya unggwi wogogurak.

Nappiigak 25:13

Ti'nuk, nogo mande negen yippunuk, it Yakuri inowe endagembogut Agiripa kwe Mberinike imbirak nen at Petut keyage wappuwok nduk, o Kayitareya wogogwaarak.

Nappiigak 28:12

o Tirakuta ari nogo nogogurik, time nogo kenagan yereegurak.

Iberani 13:24

It kinarum menggaarak inom, it abet mbakwi Ala apuri inom, abok aret, “At nen, Wa! yokkiragi, yegerak,” yoraanip o. Ndi, it aap o Italiya mendek ninom wonogwe nogo, abok ninom nen keyage wakkinako o.

1 Tamuwen 10:4

it nen keyage wappaganuk, oroti mbere wokkugwi iinok, ti aret kolaamunggun o.

1 Tamuwen 13:10

Awo kungge nagagerik, wonage me, Tamuwen nogo nage mbareegi, at Tawun nen keyage wappikit nduk ka wage me,