Nappiigak 21:5 - Ala Wone Peenok Peebi Mbanak

⁵ time logonuk noorak kooneegurak nogo ndak-ndak age mbareegi, it Yetut oone waganeegwaarak nogo inakuwi-inapurilogwe inom abok aret o kota nen wo'niren yi aa'nggi paga pinani nogo mbareegwa, ninendobanggun yindumbunuk tamban eereegurak.

Nappiigak 21:5 Iomraidhean Croise

1 Endagembogut 8:54

At Talomo nogo Aliku ALA ake warogo kani kunggak enaame taati endobanggun yindumbege nagagerik, eenggi mbogut paga nippunuk, tamban eeke, Aliku ALA nggino yoge, eeke nogo abok aret yoge nagagerik, mi'na'nuk,

2 Mbinineegwaarak 20:13

Tamban eeke mbareegi, it aap Yekura mendek inakuwi inom, inapuri wologwe-komologwe inom, elege-aabologwe inom, abok aret Aliku ALA enggaanom paga taati mi'ndak wonogwe me,

Nekemiya 12:43

Wakwi ne ti eyom paga at Ala nen ale'nggen nggwok inoba piyareegerak me, iniki ale'nggen nen inaanggumi apit lombok warogo Ala ake wogoreegwaarak. Ala ake warogo wogogo logonet, kumi inom, wologwe-komologwe inom, abok aret inale'nggen nen inoone nggwok paga o Yerutalem logonet yogwe nogo, o ndaanda time abok aret inaruk konenggo nogogwaarak.

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

Matiyut 14:21

It roti nunggugwaarak nogo ti, kumi inom, elege mbuulogwe inom, ineebe ti, linggininabulik kwe, aap mban ineebe ti, lima ribu aret wogorogogwaarak.

Marakut 1:40

Eerit nege me, aap awin aaga'ne kunik ambi at Yetut owagam wage nagagerik, abu'me tebe yinuk, ngginooge logonet, “Kat nen obeelom ee'naburak mbake keenok, obeelom ee'naburak op aret o.”

Lukat 22:41

Yoraanuk, yugum namburogo nappugwi nogo kwak, at tayo yi nage nagagerik, endobanggun yindumbunuk, tamban eereegerak.

Nappiigak 15:3

Yorogo nogogwaarik, it Ala apuri time kuwak eekwi nogo nen nappiya wogo mbareegwa, o Penitiya inom, Tamariya inom, yanggwagak eerit wogo logonet, it endekem mendek inomaluk mbo pereegwaarak wone nogo, mbininogo yorenet wogo mbareegwa, ninoreewi Ala apuri time wonogwe nogo nen iniki ale'nggen ambik aganabeegerak.

Nappiigak 17:10

O kiip age mbareegi, it ninoreewi Ala apuri time nen Pawulut Tilat imbirak, “O Mbereya nanip o,” yorogo mbareegwa, oonikiya nogo nogogwaarik, it Yakuri tamban eeko menggam unggwi nogogwaarak.

Nappiigak 20:36

Wone ti abu aret yorage nagagerik, it abok inom inendobanggun yindumbunuk, tamban eereegwaarak.

Nappiigak 20:38

At Pawulut nen, “An peebi nenggaawak ambi neyaamunggup lek o,” yoragagerak ti paga iniki abu maluk ogo nogogwaarik, ale yogwe, keyage wappugwi, eeppogo nogogwaarik, wonok yiiro yi aa'nggi paga wonage me taa'nogo pi nogogwaarak.

Nappiigak 9:40

Le yogwe me, Peterut nen, “Kit abok aret wundi nanip o,” yorage nagagerik, endobanggun yindumbunuk, tamban eereegerak. Tamban eeppunuk, at kambeegerak nogo ena logurogon pekkage nagagerik, “Tabita wae. Mi'naru o,” yoge mbareegi, enegen kubunik nogo pagak yinuk, Peterut enegen kage nagagerik, windak nogo mi'nagagerak.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.