Nappiigak 21:11 - Ala Wone Peenok Peebi Mbanak

¹¹ Niya nage nagagerik, at Pawulut agabee'le piinogo at eenggi-iyok keele maakkolage nagagerik, ari logonet, “An kebee'le paga maakkolagarak yi kwak, it Yakuri o Yerutalem menggaarak nen aap agabee'le yi unde nogo, togop aret keele maarogo it endekem mendek wogoraagun o, yinuk, at Aberiniki nen yo'nege kenok, yokkirage agarik o,” yo'niragagerak.

Nappiigak 21:11 Iomraidhean Croise

1 Endagembogut 22:11

aap Kenaana aput Terekiya nogo nen tapi eyak kwak mbuti paga ogobakkigike nagagerik, Akap yoge, “At Aliku ALA nen ari logonet, Tapi eyak kwak ogobakkigirik yi paga it aakumi Aram mendek ndanuk eerogo inoorit nage kagak, ineebe pup eerogo piyaagin, yegerak o.”

Yetaya 20:2

tahun ti paga, aap Amot aput Yetaya nen aakumi yorage logowak nduk, Aliku ALA nen at yoge logonet, “Kayum maluk mendek keebe paga yirik ti inom, kiyok ogut inom, nggoorogo pu o.” Yoge mbareegi, at yoreegerak nogo ndak-ndak aret ayum inom, iyogogut inom, nggoorogo punuk, we aret nege nagagerak.

Yeremiya 19:1

At Aliku ALA nen yegerak nogo yi aret. “Aap nggween nggabok paga niyoowak ogobakkigika oona niyoowak kuni nak o. Kumbunuk, it aakumi inoweewi inom, it aap an neebe unde inom, kinom

Oteya 12:10

It an nen yorage neegak yoraga nogo wone yorage, Inabinggaanggo paga yorage, An yorage neegak yoraga nogo wone eegu laarogo yorage, Eeke nagagirak o,” yinuk, yegerak me, yokkiragi o.

Yaya 18:1

At Yetut nogo tamban eeke nagagerik, at oone waganggwi mendek inom niyo Kiriron enebaga wunda nogo nogogwaarik, time eyo tayitun yarak me unggwi nogogwaarak.

Nappiigak 13:2

It nogo inambe mage negen logonet, ninogoba Ala alut eekwi iigak, at Aberiniki nen yorage logonet, “Mbaranabat Tawulut imbirak an neyabu eeko logorak koonogo piyareegirak nogo, eeko logowak nduk leenogo mippiyaanip o,” yinuk, yoragagerak.

Nappiigak 16:6

Ti'nuk, at Aberiniki nen, “O Atiya time Ala wone yora nagup o,” yorage mbareegi, at Pawulut oreewi inom nogwe nogo, o Pirigiya nen o Nggalatiya nogo nogogwaarik,

Nappiigak 20:23

Ne ambi paga o ambi me yoragak, ne ambi paga o ambi me yoragak, eerit nege me, Keele maakkakwi, aaninggin-paaninggin koba pagagwi, eerugun o, yinuk, Aberiniki nen paganogo yo'nege menggerak neenu aret o.

Nappiigak 21:33

Puk ogo mbareegwa, at yigin unde inowe nogo wage nagagerik, Pawulut eenggi pigogo, “Mbuti keele mbere paga maa'nip o,” yinuk, yorage nagagerik, “Aap yi ta o? Ndi, at ngge eekerak kenok wako ogotik? Yinip o,” yinuk, ineegwa'me waganeegerak.

Nappiigak 21:4

Time unggwi wogo nogogurik, Yetut oone waganggwi mendek time wonogwe kwaariigo nogogurik, ninom logonet, nogo 7 yereegurak. It time mendek nogo Aberiniki nen yorage kagak Pawulut yogo logonet, “Kat Yerutalem nagun o,” yoreegwaarak kwe,

Nappiigak 22:25

Awuri yorage mbareegi, wonok nogo nogogwaarik, yawi waruwak nduk keele maako mbareegwa, it aap yigin unde inowe abu'me mendek nogo taati wonage me, Pawulut nen at yoge logonet, “Kit nen aap Oroma mendek ambi maluk eekerak liippega'lek logonet, yawi inooko logorak wone yugu ambi wonage ilik, lek a?”

Nappiigak 24:27

At Pelikit nen, “It Yakuri inikilom nombaruwak o,” yinuk, Pawulut keele maarak piinogo wumbega'lek kagak, tahun mbere eeppunuk, at obaane'me Perikiyut Petut mippereegwaarak.

Nappiigak 26:29

Yoge mbareegi, at Pawulut nen, “Nogoba o. Kat mban waanok nduk yokkege lek o. Kat inom, it yogondak konenggwi abok aret inom, an keele maa'nakerak kwak maakkinaburak lek kwe, an Keritut wone waganeegirak kwak, yogondak woorak kenok, yogondak aret waganggwi, ndi, peebi woorak kenok, peebi aret waganggwi, eerubagip nduk, an kinake Ala yoge agarik o,” yinuk, yoreegerak.

Nappiigak 28:17

Nogo kenagan yippunuk, at Pawulut nen it Yakuri inoweewi time mendek nogo inayonggo pereegerak kuwak ari wogo mbareegwa, yorage logonet, “Nowe-nawot o. An nowe-nawot inoone inom, ninombomini eeko nogogwaarak wandek eeko monggoorak inom, tagangge logolik aret kwe, o Yerutalem time nen neebe pigogo keele maa'nako nogogwaarik, it Oroma mendek nen nawone mbanuwak nduk, neebe wogorogogwaarak.

Nappiigak 28:20

Wone ti aret yokkiraakit nduk, wage nagarik, Woraawak o, yinuk, kinayonggo pigirak. Nit Iterali niniki lunik monggoorak nogo paga mbuti keele maa'nabeegwaarak wone yokkiraakit nduk kinayonggo pigirak o,” yinuk, yoragagerak.

Nappiigak 28:25

wone piinggak-nonggokak yogo nogogwaarik, mbaganuwok nduk eekwi iigak, at Pawulut nen irip paga yoragagerak nogo yi aret.

Nappiigak 8:29

Aabuk age mbareegi, Aberiniki nogo nen Piliput yoge logonet, “Nggweendo niikkenok nage ti, naberogon ka nak o.”

Nappiigak 9:16

Ndi, at Tawulut nogo, an naana'le mbangge me, aaninggin-paaninggin eeppogo logorak nogo an nen yoge logogin o,” yinuk, abinggaanggo paga yoge kagagerak.

Epetut 3:1

Ti eeppinaniyak kooneegerak nogo abeke logonet, kit aakumi endekem mendek Keritut Yetut wone yokkirage nagagirak nogo paga keele maa'nabeegwaarak yime agarik o.

Epetut 4:1

Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o.

1 Timotiyut 4:1

At Aberiniki nen kin paga ari logonet, “O age yobok kuli paga it aap ando nen aakumi inambokan laganuwok nduk, pilit pugunogo yorogwe, Ibilit nen yorage kagak mamunirogwe, eekwi wone nogo liippunuk, mugurok nogo logonet, Ala wone abet mbareegwaarak nogo kobak eerogo mbo aret pugun o,” yinuk, ari menggerak.

2 Timotiyut 2:9

An wone ti aret yorage neenok, maluk eeppanegak mban eerit wogoga, wogoga, irip paga, “Aap abu maluk eeka o,” yinuk, keele maarogo paneegwaarak yime wonage kwe, Ala wone perak, keele maariyak meek me, wiganinuk nage agaarik o.

Iberani 10:34

Kinoreewi ando keele maarak wonogwe nogo, inabuwa mbako logonet, yeenggwaarogwe, ndi, kinamendek ndinggola unggwogwe iigak, “Namendek abe mondok logorak mendek alik ambime wonage aret me, op aret kolaga o,” yinuk, kiniki ale'nggen mbakwi, eeko nogogutak me,

Iberani 3:7

Togop me, Aberiniki nen ari logonet, “Kinombomini karume wogo logonet, inogogumbuk a'nuk, Ala wone, Nineebi o, yinuk, Ala anini wunduwak nduk liirit-laarit yorit wogo nogogwaarak nogo kokwak, yogondak Ala nen wone kit yokkirage kenok, Nineebi o, yinuk, kinogogumbuk arugup o.

1 Peterut 1:12

Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.