Nappiigak 20:4 - Ala Wone Peenok Peebi Mbanak

⁴ At inom wogogwaarak nogo ti, aap awi Mbereya mendek Pirut aput Topatet inom, o Tetalonika nen wogogwaarak Aritarukut Tekundut imbirak inom, o Nderebe nen wagagerak at Nggayut inom, Timotiyut inom, ndi, o Atiya nen wogogwaarak it Tikikut Toropimut imbirak inom, aret wogogwaarak.

Nappiigak 20:4 Iomraidhean Croise

Nappiigak 14:20

Mbo wumbogo mbareegwa, it Yetut oone waganeegwaarak nogo nen at eebe oolo kagak, ninggippunuk wonogo mbareegwa, mi'nage nagagerik, o kota nogome unggwi nagagerak. Unggwage nagagerik, nogo yippunuk, ko'lu Mbaranabat imbirak o Nderebe wogogwaarak.

Nappiigak 14:6

it eeppiyoorak koonogo pereegwaarak wone nogo Pawulut Mbaranabat imbirak inaruk konembunuk, kole o Likawoniya wogo nogogwaarik, o kota Litera inom, o kota Nderebe inom, o time enaagan-ambokan yanggwagak nogo logonet,

Nappiigak 16:1

Yoranet nege logonet, o Nderebe unggwi nage, ti'nuk, o Litera unggwi nage, eereegerak. O Litera time aap ambi Yetut oone waganeegerak endage Timotiyut wonagagerak me, at agalo ti, Yakuri mendek kwe, abet mbareegerak, ndi, ogoba ti perak, Yunani mendek aret o.

Nappiigak 16:6

Ti'nuk, at Aberiniki nen, “O Atiya time Ala wone yora nagup o,” yorage mbareegi, at Pawulut oreewi inom nogwe nogo, o Pirigiya nen o Nggalatiya nogo nogogwaarik,

Nappiigak 17:1

Nogo nogogwaarik, o Ambipolit unggwogwe, Apoloniya unggwage, eerit o Tetalonika unggwi nogogwaarak. Unggwi nogo nogogwaarik, it Yakuri tamban eeko menggam time wonage me,

Nappiigak 17:13

Abet mbako mbareegwa, it Yakuri o Tetalonika wonogwe nogo nen at Pawulut o Mbereya Ala wone yorage konenggo nogogwaarik, aakumi o Mbereya mendek wone munuurogo inikime manabi nogo mbareegwa,

Nappiigak 19:29

Keekok yogo mbareegwa, o kota lombok time nggigi-nggigi wundit wogo nogogwaarik, noone-koone yogo logonet, it aap o Makendoniya mendek Pawulut inom nugu menggaarak, Nggayut Aritarukut imbirak pigiren, nano mendek pekkoorak kuwak eeri nogo menggam kole lombok nogome puu'nuk piya unggwogogwaarak.

Nappiigak 2:9

Nit Paratiya mendek inom, Meriya mendek inom, Elam mendek inom, Metopotamiya monggoorak inom, o Yureya nen, Kaparokiya nen, Pondut nen, Atiya nen,

Nappiigak 20:16

Ari woraanuk, at Pawulut nen, “Ne Pendakota o Yerutalem neegak, eeriyak me, o Atiya mban elaambirik neegak panggo ari kero, o Epetut unggwaga'lek nok-nok, o Yerutalem mbet-mbet nawok o,” yinuk, kooneegerak.

Nappiigak 20:18

at owagam wogo mbareegwa, yorage logonet, “An o Atiya yime kiya wagagirak kuli nen ninom logonet eeke nagagirak nogo kineenu aret o.

Nappiigak 21:29

At Toropimut o Epetut mendek nogo Pawulut imbirak o kota Yerutalem nugwi iigo nogogwaarik, Pawulut nen wonok, Ala awi wurik me unggwegerak mba'nuk, yereegwaarak.)

Nappiigak 27:2

Yogo mbareegwa, yiiro Aramitiyum nen wage nagagerik, time wonage me, o Atiya yi nggwok yenggenak laut aa'nggi paga o kota time yanggwagak noorak eeke me, unggwogogurak. Aap Aritarukut Makendoniya mendek o Tetalonika nen wagagerak nogo, ninom unggwogo nogogurik, nogo logonet,

Oroma 16:21

At nimbirak Ala eyabu eeko monggoorak Timotiyut nogo nen keyage wakkinake, ndi, an noreewi mendek Lukiyut inom, Yaton inom, Totipatet inom, it kunduk keyage wappinagaga o.

Oroma 16:23

An ka wagarak nimbirak wonage aap Nggayut nogo inom, it Ala apuri at ame inom kuwak eeko menggaarak inom, abok nen aret keyage wappinagaga o. It aakumi o kota yime menggaarak inake wu kuwak aago porogo menggerak aap Eratut ninore Kuwarutut imbirak nen keyage wakkinaka o. (

2 Korindut 1:1

Ala iniki mbareegerak paga an Pawulut Keritut Yetut nen nappiigak agago paneegerak ninawot Timotiyut nimbirak nen, kit Ala apuri o Korindut kuwak eeko monggotak inom, it Ala apuri alik leenak o Akaya menggaarak inom, kinom abok aret wone ambi yokkiraawi o.

2 Korindut 1:19

An togon, Tilat togon, Timotiyut togon, nit kinenggela'me logonet, Ala aput Yetut Keritut eeke nagagerak wone yokkirogo nogogurak nogo ti, at nen, “Eerikit,” mbake logonet, “Neebi,” ari, ndi, “Neebi,” mbake logonet, “Eerikit,” ari, togop ari logolik o. Abet aret, “Eerikit,” mba'nuk, ari menggerak nogo ndak-ndak, nit kunduk abet aret, “Woroorak,” mba'nuk, yokkirogogurak o.

Epetut 6:21

At ninawot niniki kunik ninowe eyabu liirogon eeke menggerak Tikikut nogo nen, an neebe nonggop logonet, eeke minggirak wone nogo, abok aret kineenu arubagip nduk, yokkira woraagin o.

Pilipi 2:19

Kit nonggop wonogwe nogo liippinaganuk yo'niri woramenggerak neenu age logominggirik, niniki ugun tayenak logokit nduk, ninowe Yetut nen niniki koonnege kenok, Timotiyut mbet-mbet pekkiya woraawak nduk, kinowagam nappi woroorak mbakirak o.

Kolote 4:10

At ninoreeluk Aritarukut keele maarak nimbirak yime wonage nogo nen keyage wakkinake o. Ndi, aap ambi endage aa'nduk toonak Yetut, ndi, peebi toonak Yutut nogo kunduk, aap Mbaranabat amboko Marakut imbirak nen kunduk, keyage wakkinaka o. At Marakut eereegerak yokkiragagirak nogo kagak kiya wage kenok, keyage warogo eebe waganggo logonip o. It aap mbere ti, inagabolo mbanak mendek aret kwe, Ala abu'me piyoorak wone ninom ndak-ndak eerit nogo logonet, niniki mondok alik negen eyak wappanegaarak me, yokkiragi o.

Kolote 4:7

At ninoreeluk Tikikut ninom niniki kunik me, ninowe ayeloman logonet, nit ninom ndak-ndak Ala ake liirogon eeke menggerak nogo nen, an yime eeke minggirak nogo, abok aret yokkira woraagin o.

1 Timotiyut 1:1

Naput Timotiyut wae. At ninagap ndaka Ala inom, niniki lunik Keritut Yetut inom, imbirak nen wone lengganogo yo'nereegwaarak paga an Pawulut Keritut Yetut ayonggo nappiigak mendek agago paneegwaarak nogo nen, nit apit abet mbakwi nogo paga an naput lombok agagindak me, wone ambi yokkiri o. At ninogoba Ala ninowe Keritut Yetut imbirak iniki kunik nen wokkugwi, kabuwa nen obeelom eeppagagwi, ndi, kiniki ugun tayenak ale'nggen logonok nduk, eeppagagwi, eeko logogun o.

2 Timotiyut 1:2

At ninogoba Ala inom, ninowe Keritut Yetut inom, imbirak iniki kunik nen wokkugwi, kabuwa nen obeelom eeppagagwi, ndi, kiniki ugun tayenak ale'nggen logonok nduk, eeppagagwi, eeko logogun o.

2 Timotiyut 4:12

At Tikikut nogo, o Epetut nappigirak o.

2 Timotiyut 4:20

Aap Eratut o Korindut time puk agagerak. Aap Toropimut andi eereegerak me, o Miletut time kagak wagagirak.

Titut 3:12

An nen aap Aretemat ilik, aap Tikikut a, nappi wage logominggirik, o mayu kumulinggen wambi woroorak eyom paga o Nikopolit time logorak mbakirak me, time wonage me, kat mbet-mbet neya woraanok nduk, koongge logot o.

Pilemon 1:24

Ndi, it nawurilogwe ninom eekwi nogo, Marakut kunduk, Aritarukut kunduk, Ndemat kunduk, Lukat kunduk, nit abok aret nen keyage wakkako o.

3 Yaya 1:1

Noreeluk Nggayut wae. “Ala ndogop menggerak o,” yinuk, wone nimbirak waganeegurak paga kat niniki kunik me, an Ala apuri inarum logokit nduk, mippaneegerak nogo nen wone ambi yokkiri o.