Nappiigak 2:9 - Ala Wone Peenok Peebi Mbanak

⁹ Nit Paratiya mendek inom, Meriya mendek inom, Elam mendek inom, Metopotamiya monggoorak inom, o Yureya nen, Kaparokiya nen, Pondut nen, Atiya nen,

Nappiigak 2:9 Iomraidhean Croise

Wakkagagerak 10:22

Tem apuri ti, Elam, Atiyut, Arapakatat, Luri, Aram, aret ndaganabeegerak.

Wakkagagerak 14:1

Ne ti eyom paga aap inendagembogut ineebe 4, ambi Amarapen o Tineyat arum wonage, ambi Ariyok o Elatat arum wonage, ambi Keroralawomet o Elam arum wonage, ndi, ambi Tireyan o Nggoyim arum wonage, eeko nogogwaarak nogo nen wundi wogo logonet,

Wakkagagerak 24:10

Owak mbangge nagagerik, at ayeloman nogo nen at ogoba aanggumi unta ineebe 10 wogonake, at ogoba amindik-amendek etenggen alitak onggo nggwok nogo wagangge, eeke nagagerik, ya nogo yegak o Aram-Metopotamiya o omarip paga pa'nggwe o tini Abarakam awot Nakot menggim nogome aret nagagerak.

2 Endagembogut 17:6

Aap Koteya endagembogut wonage kagak, tahun 8 eeppunuk, ambi age paga aap endagembogut Atiyut mendek nen o kota Tamariya tebenogo piinok, aakumi Iterali mendek ando wogoren, o Atiyut piya nage nagagerik, o Kala inom, niyo Kabot aa'nggi paga o kota Nggotan inom, it aap Marayi menggam o kota-kota inom, oone omaawi paga, “O yime aret logonip o,” yinuk, yoragagerak.

1 Mbinineegwaarak 19:6

Ndi, it aap Amon mendek nen, “Nit eekoorak paga at Ndawut nen obari maluk kogo mengga kwak ninombake kogo o.” Yogo nogogwaarik, at Kanun inom, it Amon mendek inom, nen nggweendo wim eeka inom, it aap wim eeka kuda paga nega inom, o Aram-Metopotamiya nen, Aram-Maaka nen, Aram-Toba nen, inom a'nuk, wim eeruwak nduk, mbuti perak aaninggin tiga puluh empat ribu nappereegerak.

Etara 6:2

o Meriya aap endagembogut wonage menggim o kota Akemeta nogome mbuku pirik-perek eerak ambi kwaakkogogwaarak wone eebe liiru mbanak nogo yi aret. Wone abekak yuurak liiru mbanak o.

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yetaya 21:2

Nagabiti mbariyak mendek nabinggaanggo paga yo'negerak yi aret o. Nggaganagalo nen kurumbi wonok nage, Kugun wagangga nen kugun wonok nage, Eeke kagarak o. Aliku ALA nen, “Kit wim nambuka Elam mendek yi wae! Wim eeri unggwogwe, Kit kineegin warak Marayi mendek yi wae! Inawi paga kwi'nari unggwogwe, Ee'nip o! It Mbaben mendek nen aakumi tebenogo piigwi iinok, inoone, Ai-ao, yogwe nogo, An lek eerogo pigin o,” yinuk, yorage kagarak o.

Ndaniyen 5:28

Ndi, PERET ti, kat nogoba kabu'me piinok menggenom mogonnage logonet, it Meriya mendek inom, Peretiya mendek inom, ineenggi me agaarak wonage agaarik o,” yinuk, yoreegerak.

Ndaniyen 8:2

Kage logonet, neebe o Elam aap endagembogut awi nggwok abe wurik me wonage me kota Tutan niyo Ulayi aa'nggi paga mi'ndak wonage kagagirak.

Ndaniyen 8:20

Ndomba ngguunok eyak mbere kagandak nogo ti, aap Meriya inom, Peretiya inom, inoweewi inendagembogut mi'nariyak nogo aret kagandak o.

Nappiigak 16:6

Ti'nuk, at Aberiniki nen, “O Atiya time Ala wone yora nagup o,” yorage mbareegi, at Pawulut oreewi inom nogwe nogo, o Pirigiya nen o Nggalatiya nogo nogogwaarik,

Nappiigak 18:2

O Korindut nage nagagerik, time logonet, aap Yakuri mendek ambi o Pondut nda'nagagerak endage Akwila, ndi, akweeluk endage Piritikila imbirak inom lambuneegerak. Aap endagembogut Kelawuriyut nen, “It Yakuri mendek o Oroma yime logorak lek o,” yinuk, wone lengganogo yoragagerak paga, aap akwe imbirak ti, awo nggeriluk o Italiya teppunuk, o Korindut wogogwaarak. Wogo nogogwaarik, time wonogo logonet,

Nappiigak 19:10

Eekwi iigak, tahun mbere eereegerak me, it Yakuri mendek inom, it Yunani mendek inom, o Atiya wonogogwaarak nogo abok aret ninogoba Yetut eereegerak wone konenggo nogogwaarak.

Nappiigak 19:27

Togop me, nit onggo koloorak eekwi yi mban endage lek arigin lek kwe, nit o Atiya yime monggoorak abok inom, it yi awi ndi awi menggaarak abok inom, ninowogolo kwe nggwok Aretemit nit abok aret alut eeko monggoorak nogo, at awi wurik meek mbako logonet, at ayuk lek, teeluk aret agaarak kogo o, yinuk, yogwe iyo, nagabiti mbaki o,” yinuk, yoragagerak.

Nappiigak 19:31

it o Atiya mendek inoweewi at Pawulut inom kunik menggaarak nogo nen, o kuwak eeko menggam kole nogome unggwi nage kero, “Mage,” yoruwak nduk, inawuri nappiya wogogwaarak.

Nappiigak 2:8

nit ninoone paga lombok yogwe konenggwi yi, nonggop togon woppunuk yogo agaarik mbakop?

Nappiigak 20:16

Ari woraanuk, at Pawulut nen, “Ne Pendakota o Yerutalem neegak, eeriyak me, o Atiya mban elaambirik neegak panggo ari kero, o Epetut unggwaga'lek nok-nok, o Yerutalem mbet-mbet nawok o,” yinuk, kooneegerak.

Nappiigak 20:18

at owagam wogo mbareegwa, yorage logonet, “An o Atiya yime kiya wagagirak kuli nen ninom logonet eeke nagagirak nogo kineenu aret o.

Nappiigak 20:4

At inom wogogwaarak nogo ti, aap awi Mbereya mendek Pirut aput Topatet inom, o Tetalonika nen wogogwaarak Aritarukut Tekundut imbirak inom, o Nderebe nen wagagerak at Nggayut inom, Timotiyut inom, ndi, o Atiya nen wogogwaarak it Tikikut Toropimut imbirak inom, aret wogogwaarak.

Nappiigak 21:27

Nogo 7 yuurak age kagak, it Yakuri Atiya mendek at Pawulut eebe Ala awi wurik me unggwage inigen kogo nogogwaarik, it aakumi nggwok kuwak aago abok inikime manako logonet, eebe kok pippunuk,

Nappiigak 24:18

Wogora nage nagarik, Ala awi wurik me aakumi kuwak aago ninom wonage, naalop-kaalop eeke, eeka'lek, we ugun noba mbeenogo patinuk wonage neegak,

Nappiigak 27:2

Yogo mbareegwa, yiiro Aramitiyum nen wage nagagerik, time wonage me, o Atiya yi nggwok yenggenak laut aa'nggi paga o kota time yanggwagak noorak eeke me, unggwogogurak. Aap Aritarukut Makendoniya mendek o Tetalonika nen wagagerak nogo, ninom unggwogo nogogurik, nogo logonet,

Nappiigak 6:9

it Yakuri mendek o Kirene nen, Alekandiriya nen, Kilikiya nen, Atiya nen, it Yakuri kuwak eeko menggam endage Wondet Eerogo Pinaneegim tooneegwam nogome kuwak eeri wogo nogogwaarak nogo nen, Tepanut inom wone wareegwaarak.

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Oroma 16:5

Ndi, it Ala apuri iname lombok kuwak eerit nogo menggaarak nogo inom keyage wappiigi o. O Atiya yi awi ndi awi time Keritut wone awo abet mbaka'lek iigak, aa'nduk abet mbareegerak nore niniki kunik Epenetut nogo keyage wappigi.

1 Korindut 16:19

It Ala apuri o Atiya kuwak eerit nogo menggaarak nen kit keyage wappinagaga o. Aap Akwila akweeluk Piritikila imbirak inom, it Ala apuri iname kuwak eeko menggaarak inom, it kinom iniki kunik lombok me, “Ninom Ala apuri aret o,” yinuk, keyage ambik wappinagaga o.

2 Korindut 1:8

Nit o Atiya wonogwe me, aaninggin ninoba agagerak nogo, kit kineenu arubagip nduk, yokkiraawi o, noreewi. Nit o Atiya wonogome, aaninggin-paaninggin mondok iya lombok ninoba age mbareegi, “Lek ariyak lek me, kambuurak op aret kogo,” mbareegurak.

2 Timotiyut 1:15

It o Atiya menggaarak aap Pigelut kunduk, aap Eromogenet kunduk, abok aret an mbo paninuk mbaganeegwaarak nogo ti, kat keenu aret o.

1 Peterut 1:1

Kit Ala iniki mba'nuk miikkinabeegerak o Pondut inom, Nggalatiya inom, Kaparokiya inom, Atiya inom, Mbitiniya inom, o time yi awi ndi awi mbaganit nogogutak aap nggiru negen wonogwe nogo, at Yetut Keritut ayonggo nappiigak mendek eerogo paneegerak an Peterut nogo nen wone ambi yokkira o.

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.

Wayu 1:4

An Yaya nen kit Ala apuri o Atiya nggereya 7 paga kuwak eerit nogo monggotak nogo, keyage wappinagi o. Aa'nduk wonagagerak, yogondak wonage, peebi logogin mondok itok menggerak Ala inom, ndi, Ala wone lengganogo yorage menggim abu'me menggaarak Aberiniki eeke menggerak alom 7 nogo inom, ndi, eeruwak nduk nappi wagagerak mondok liippunuk yubuk togon eeke nagagerik, kambunuk nogo menggam inenggela'me nen at aa'nduk mi'nage nagagerik, yogondak it aap nggween paga mendek inoweewi nagawan-nagawan abok inowe endagembogut agagerak at Yetut Keritut nogo inom, it abok aret iniki kunik en wokkirogwe, ndi, kiniki ugun tayenak ale'nggen logobagip nduk, eeppinagagwi, eeko logowak o. At Yetut Keritut ninabuwa nen iniki kunik ee'ninake, amiya paga ninomaluk koorogo pinanege,

Owak Loongga 3:8

Eekwi iinok, Aliku ALA anini wuk togon Iterali mendek inoba piige nagagerik, waganogo it aakumi Aram-Metopotamiya mendek inowe endagembogut Kutiyan-Iritiyayim eenggime pege mbareegi, at abu'me tebenogo piyareegerak wonogwe iigak, tahun 8 aret eereegerak.