Nappiigak 2:4 - Ala Wone Peenok Peebi Mbanak

⁴ Inoba arit nage kogwe iigak, it abok aret Aberiniki inikime mondok lik yit unggwage nagagerik, yorage kagak, it aakumi inalitak lombok inoone lalin negen woppunuk yogo nogogwaarak.

Nappiigak 2:4 Iomraidhean Croise

2 Tamuwen 23:2

Aliku ALA Aberiniki nen an yo'nege, At oone ninikime manabi wage, Iterali inogoba Ala nen oone ari, Iterali inogoba yugum kwak nogo nen an yo'nege, Eereegerak wone nogo yi o. Aap ambit-ambi awuri inarum logonet, Eekaatak li'lak inawone amburu mbangge, Ala ayuk wuke logonet, Wone liirogon lengganogo yorage, Eeke kenok,

Yetaya 28:11

Togop yogwe me, Ala nen ari logonet, “It aap ineebe ndeyak mendek tat yonggonggologo logowam yi aret me, yime aret yonggonggologo logonip,” yorage, Ndi, ambi, “Yonggonggologo menggam nogo yi aret o,” yinuk, yorage, Eereegerak kwe, At oone koneniyak ineebi mbareegwaarak nogo it aap inambik nen yora wogwe, Inoone alik mendek paga mamunira wogwe, Eeko logowak nduk, Ala nen nappiya woraagin mbako logonip o.

Yetaya 59:21

At Aliku ALA nen ari logonet, “Ndi, an nen ninom wone koonogo pigin nogo yi aret. An Naberiniki kinoba pinagage logonet, noone kinambe paga pinagaminggirak nogo kobak aga'lek kinapurilogwe mamunirogwe, it kinapurilogwe nen it inapuri mamunirogwe, ndi, it inapurilogwe nen inombowologwe peebi ndaganabugun nogo mamunirogwe, eerit wundi wogwe iigak, yogondak nen nok, peebi nda'narugun abok aret yoranet wundi wogo logogun o,” yinuk, Aliku ALA nen aret yegerak o.

Yeremiya 6:11

Kat kanini it inoba piyoorak nogo an ninikime kani pogom kerek togon eerogo pani wage paga puk ariyak meek tit ee'nake agaarik o.” Yoge mbaki, at Aliku ALA nen, “Nanini kinikime wonage ti, Elege tu paga wonogwe nogo inoba piinet nage, It aap tawe kuwak aago nogo inoba piige, Eeke logot o. Eeppiinet nage keegak, kumi-aap inogonggelomini-inakuwi inom wogoren nogwe, Aap inanggok inom, it aakelo inom, abok piginakwi, Eerugun o.

Yetikiyen 3:11

At Aliku Itok Menggerak ALA nen yogop yegerak o, yinuk, it kat kanebunu kowe-kawot wogoren mbo piya nagagim wonogwe me yora nak o. Yoramenggendak nogo koneniyak mbakwi kenok konenggwi, mbo puurak mbakwi kenok mbo pugwi, eerugun me, yoroorak mban o.”

Mika 3:8

Togop kwe, an perak, it Yakup mendek Ala wone taganogo pit nugwi, It Iterali mendek maluk eerit nugwi, eekwi nogo Inaruk wake logokit nduk, Aliku ALA Aberiniki paga nomaawi lombok eerogo panege, A'me nggelok eeppiinet nage logonet, nagabiti lek yoranet nage logokit nduk, eeppanege, Eeke agaarik o.

Matiyut 10:19

Ndi, wokkiren nogwe iinok, wone yoroorak nogo ti eyom ndak-ndak kinogoba Ala koonogo yokkiraagin me, kit nen, Wone ngge yoraamun? Ndi, Wone nonggop negen koonogo yoraamun? yinuk, kiniki piirik noobok o.

Marakut 16:17

It obeelom wone iniki abet mba'nuk waganggwi nogo nen wone obeelom wone yoranet nugu logonet, inagabiti warak ineenu ariyak mendek inigen kogo logogun yi aret. Kugi inikime lik yemenggerak nogo an nendage paga nggiginogo wumbiigwi, aakumi inoone ineenggo'lek lalin negen woppunuk yorogwe,

Lukat 1:15

At ninogoba Ala nen at aap nggwok aret kaagin o. Ndi, anggur amburu inom, amburu omaawi kumili aganake mendek inom, at nengge logogin mondok lek aret o. At awo agalo inikime nen Aberiniki inikime mondok liinik nda'narigin o.

Lukat 1:41

Elitabet nen kwe Mariya keyage wappege oone aruk konengge kagak, elege inikime nogo nen nugu'lik yereegerak. Nugu'lik ari kenok, Aberiniki nogo kwe Elitabet inikime lik yi unggwage mbareegi,

Lukat 1:67

At Yaya ogoba Takariya nogo Aberiniki inikime lik yi unggwage mbareegi, Ala nen yoge kagak, ari logonet,

Lukat 12:12

Ti eyom paga wone yoroorak nduk, Aberiniki nen, Ndogop yoret o, yinuk, yokkirage kaamunggup o,” yoragagerak.

Lukat 4:1

At Aberiniki nogo Yetut inikime mondok liinik kagak, yi Yoraran aa'nggi paga nen wage me, Aberiniki nen wonok karume aakumi lek me time nagagerak.

Yaya 14:26

Aberiniki kit kiniki eyak wappinagage logowak nduk, nogoba nen an nobaane'me nappi woraagin nogo nen yi wone ndi wone apit aret mamunggirage, ndi, yi wone ndi wone yokkirage nagagirak nogo abok aret abekkirage, eeke logogin o.

Yaya 20:22

Yorage nagagerik, ambe aagi inoba pu eerogo piige logonet, “Aberiniki kolaanip o,” yorage nagagerik,

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Nappiigak 10:47

“Ala nen Aberiniki nit wo'niragagi kwak it wogoragaarak me, yiime wuppiyoorak ti, mage mbakop?

Nappiigak 11:15

Yo'nege mbaki, an it yoraakit nduk eeke neegak, aa'nduk Aberiniki ninoba wuppi wagagi kwak, it kunduk inoba wuppi wage mbaki,

Nappiigak 13:52

Wogo mbareegwa, it o Andiyokiya time Yetut oone waganeegwaarak nogo, Aberiniki inikime mondok liinik me, iniki ale'nggen ambik ogogwaarak.

Nappiigak 13:9

Manake mbareegi, at Tawulut endage peebi toonak Pawulut nogo Aberiniki inikime lik ari mbareegi, aap Elimat nogo enegen looge logonet,

Nappiigak 15:8

At Ala aakumi iniki abok eenu me, nit Aberiniki wo'niragagerak kwak, it endekem mendek kunduk, at apuri eeginakerak mbaruwok nduk, Aberiniki wogoragagerak.

Nappiigak 19:6

Yiime wuppiigo mbareegwa, at Pawulut eenggi inanobak tebembiige kagak, Aberiniki inoba wambi wage mbareegi, aakumi alik inoone lalin negen woppunuk yogwe, Ala wone yorogwe, eereegwaarak.

Nappiigak 2:11

nit Yakuri mendek inom, it endekem mendek nit Yakuri eeko monggoorak waganeegwaarak inom, Kereta mendek inom, Arap mendek inom, nit abok aret Ala eerubok mendek nggwok lombok eekerak nogo ninoone lombok paga mbininogo yo'nirogwe abok konenggo ogoorik o,” yinuk,

Nappiigak 2:3

Unggwage nagagerik, kani omoonuk negen yenan-menan agan it abok inoba arit nage kogogwaarak.

Nappiigak 4:31

Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.

Nappiigak 4:8

Ineegwa'me waganggo mbareegwa, at Peterut nogo Aberiniki inikime lik ari mbareegi, yorage logonet, “Kit aakumi Yakuri inarum monggotak inom, ninogobamini inom, wone ambi yokkira o.

Nappiigak 6:3

it aap Aberiniki inikime mondok liinik iniki warak logonet yogo menggaarak kineenu kero, kinenggela'me nen aap ineebe 7 leenogo mippiyaanip o.

Nappiigak 6:5

Yorogogwaarak it aakumi ambik kuwak ogogwaarak nogo konembunuk, “Op aret yogotak o,” yinuk, leenogo mippiyareegwaarak nogo, inendage yi aret. Aap iniki abet mbareegerak paga yungguppegak eeke logolik, Aberiniki inikime mondok liinik Tepanut inom, Piliput inom, Porokorut inom, Nikanot inom, Timon inom, Paremenat inom, aap endekem mendek awi alom Andiyokiya wonagagerak kwe, it Yakuri inawone woppunuk it eekwi inom eerit nagagerak, Nikolawut nogo inom,

Nappiigak 6:8

At Tepanut nogo Ala nen ale'nggen alik negen oba pege, omaawi ambik eeppege, eeke mbareegi, eerubok mendek eeke, ineenu ariyak inagabiti warak mendek eeke, eerit nage kagak kwe,

Nappiigak 7:55

at Tepanut nogo Aberiniki inikime mondok liinik logonet, ena mbogut paga ni'nage nagagerik, Ala abu tiyanak Yetut imbirak wonogwe iyareegerak. Iige nagagerik,

Nappiigak 8:17

inanobak ineenggi tebembiirogo iigak Aberiniki wogoragagerak.

Nappiigak 9:17

Yoge kage nagagerik, o time nagagerak. Nage nagagerik, aap nogo ame unggwage nagagerik, eenggi Tawulut anobak tebembunuk, yoge logonet, “Nore Tawulut wae. Kat kenegen obeelom age, Aberiniki kinikime mondok lik yi unggwage, eeke kaanok nduk, kat tu paga yime wage me, at ninogoba Yetut nikkeegerak nogo nen, nappani waga o,” yoreegerak.

Oroma 15:13

“Niniki lunik wonogwe nogo kola nagun aret,” mbarubagip nduk, Aberiniki omaawi paga kiniki kole eeppinagit unggwage kagak, kiniki at oba panggombunuk, abet mbareegutak paga kiniki lunik wonogwe alom unde Ala nogo nen kinale'nggen lombok logobagip nduk, eeppinagage, ndi, wone ambi kinoba aga'lek kiniki abu tayenak lombok logobagip nduk, eeppinagage, eeke logowak o.

1 Korindut 12:10

ambi, eerubok mendek eerit nage logowak nduk, unde eeppege, ambi, Ala wone yorage logowak nduk, unde eeppege, ambi, aakumi nen wone agan nugwi nogo abok aret, “Yi abet agan nugwi ilik, pilit agan nugwi a?” yinuk, yelok kage logowak nduk, unde eeppege, ambi, aakumi inoone nineenggo'lek kwe, lalin negen taati aret woppunuk, it inoone paga lombok yorage logowak nduk, unde eeppege, ndi, ambi, at ambi ari kagak, “Togop yigi o,” yinuk, abut laganogo yorage logowak nduk, unde eeppege, eeke menggerak o.

1 Korindut 13:1

An aakumi inoone amburu ndik-ndik yogo mengga kwak ari, malayikat mendek inoone ari, eeke minggirak kwe, aakumi inabuwa mbaka'lek logonet ari neenok, an niyowak toolak lek me, oone lobale nggwok mban ari menggerak ndak-ndak aret ari minggirak kagi o.

1 Korindut 13:8

Ala nen yorage kagak yorogwe, inoone lalin woppunuk yorogwe, yi wone ndi wone alom ineenu ogwe, eekwi ti, lek arigin aret kwe, aakumi inabuwa mba'nuk, eeppiinet nugwi ti perak, lek arigin lek mondok aret logogin o.

1 Korindut 14:18

Kit ambitak, ambi inoone lalin negen woppunuk, yogo monggotak ti, iya negen kwe, an perak, Ala wogoppege logonet, yi aap ndi aap inoone woppunuk ari minggirak me, an ari minggirak ti, iya lombok mbake logonet, “Ala wa,” yoge minggirak.

1 Korindut 14:5

Kit abok nen wone lalin negen woppunuk, yorogo logorak ti, an nen op aret mbake kwe, an nen, “Ao,” mbake ambi ti, “It abok nen Ala wone yorogo logowak lak, ao,” kinombake minggirak. Inoone lalin yogo menggaarak nogo ti, it Ala apuri kuwak eerak abok iniki kole aruwak nduk, “Togop yigi,” yinuk, yoroorak ambi lek kagak, yogo menggaarak ti, meek o. It Ala wone konenggwi iigak yorogo menggaarak ti perak iya o.

Epetut 5:18

Ndi, anggur amburu nonggo logomonggotik, kumili kunit namonggotak paga maluk eekkinaburak me, mbo punuk, Aberiniki mban kiniki me liinik logowak nduk, eeko logonip o.

Epetut 6:18

Kinogogumbuk mondok kinom perenggologo logonet, Ala nen yeenggwaagiraawak nduk, Aberiniki nen yokkirage kagak, puk aga'lek Ala nggino yogwi, nogo yigin eekkinaka'lek kineenik logonet, it Ala apuri ake leenak abok aret inake tamban eekwi, eeko logonet,

1 Peterut 1:12

Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.

2 Peterut 1:21

it aap aa'nduk Ala wone yorogo nogogwaarak nogo nen iniki koombunuk yorogo logolik o. Ata, Aberiniki inikime lik yi unggwage mbareegi, Ala nen yorage kagak yorogo nogogwaarak nogo kineenu arubagip nduk yokkiragi o.

1 Tamuwen 1:14

mbake nagagerik, yoge logonet, “Kat amburu kumili aganake nogo mendek nengge nagandik, kumili negen ari nogo ti, ne mande paga nengge logomunggun? Anggur amburu ti, ambinom nagun o.”