Nappiigak 2:3 - Ala Wone Peenok Peebi Mbanak

³ Unggwage nagagerik, kani omoonuk negen yenan-menan agan it abok inoba arit nage kogogwaarak.

Nappiigak 2:3 Iomraidhean Croise

Wakkagagerak 11:6

Pegiya wambi wage nagagerik, ari logonet, “It aakumi yi, inoone inom, inanebunu inom, ambit aret me, Yogop eeruwok o, yinuk, yi aret eekwi me, logonet-logonet it ambi eeriyak mbakwi nogo ti, abunuk nggwok aret eeko logogun kagi,”

Ndawi 55:9

Nogoba wae. O kota paga aap inanini nen maluk eeppiinet nogwe, Ndugwi pit nogwe, O liingge-oonikiya kota pak wurik obaga wanggerit nugu logonet, ugun-ugun eerit nogwe, O kota oolome inanini nen naalop-kaalop eerogo piinet nugwi, It o kota time wone koonak nogo Yale-pale eerogo pit nogwe, Wone mbanggo menggam nen yaga-taga eerogo pugwi, Wi-wi aganabit nogwe, Eekwi iigirak me, Kat nogoba nen it maluk eeka ti, Iniki kobak eerogo piige, Inoone yuurak naalop-kaalop eerogo piige, Eeru o.

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Yeremiya 23:29

An noone ari minggirak ti, kani kunik negen wonage, ndi, yugum yigirik-noonom eerogo pega ndo kwak wonage, eerak menggerak nogo lek a?” yinuk, Aliku ALA nen aret yegerak o.

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Matiyut 3:15

Yoge mbareegi, at Yetut nen, “Nit togop eekwi paga Ala nen obeelom lombok eeko logorak mbareegerak nogo, abok aret a'me lik yuwak nduk, eeriyak me, E, yu o,” yoge mbareegi, “E o,” yereegerak.

Lukat 24:32

Eenggi-iyo'lek aret lek age mbareegi, imbirak wone mbanggo logonet, “Wologwe! Tu paga wogo logonet, wone yo'nirage, Ala wone liiru mbanak amburu mbannirage, eeke kagak, nit niniki eya ee'ninabit unggwage kogoorak nogo lek a?” yinuk, yogogwaarak.

Nappiigak 1:15

It time wonogwe iigak, ne ambi paga it aakumi abet mbareegwaarak nogo ineebe seratus dua puluh negen kuwak eereegwaarak inenggela'me Peterut nogo mi'nage nagagerik,

Nappiigak 2:11

nit Yakuri mendek inom, it endekem mendek nit Yakuri eeko monggoorak waganeegwaarak inom, Kereta mendek inom, Arap mendek inom, nit abok aret Ala eerubok mendek nggwok lombok eekerak nogo ninoone lombok paga mbininogo yo'nirogwe abok konenggo ogoorik o,” yinuk,

Nappiigak 2:2

o ambit me nogome kwi'ndak wonogwe me, wiya oonebu agan nage menggi kwak, abera'lek me mbogut paga nen oonebu agan oome nogome yagabit ari unggwagagerak.

Nappiigak 2:4

Inoba arit nage kogwe iigak, it abok aret Aberiniki inikime mondok lik yit unggwage nagagerik, yorage kagak, it aakumi inalitak lombok inoone lalin negen woppunuk yogo nogogwaarak.

1 Korindut 12:10

ambi, eerubok mendek eerit nage logowak nduk, unde eeppege, ambi, Ala wone yorage logowak nduk, unde eeppege, ambi, aakumi nen wone agan nugwi nogo abok aret, “Yi abet agan nugwi ilik, pilit agan nugwi a?” yinuk, yelok kage logowak nduk, unde eeppege, ambi, aakumi inoone nineenggo'lek kwe, lalin negen taati aret woppunuk, it inoone paga lombok yorage logowak nduk, unde eeppege, ndi, ambi, at ambi ari kagak, “Togop yigi o,” yinuk, abut laganogo yorage logowak nduk, unde eeppege, eeke menggerak o.

Yakobut 3:6

Ninamili ti, kani pogom aret o. Yi maluk ndi maluk anebunu abok aret alom ti, ninamili aret o. Ninamili ti, nineebe ando aret me nineebe apit aret maluk eerogo pinanege menggerak. Kani omoonu'me nen kani anggen wonok ninamili paga wuninogo pi wagaatak paga, nit aakumi nggween paga mendek eeko monggoorak abok aret eerit nogo logonet, maluk mban eerit nogo logowok nduk, ninoba wuninogo pinanit nage menggerak alom ti, ninamili aret o.

Wayu 11:3

Ndi, it aap ineebe mbere noone yorogo logowak nduk, nappiyaminggirak nogo nen aakumi iniki puru yogo logonet, inayum nibinik maluk mendek yiko mengga kwak yirik logonet, an noone yorogwe iigak, nogo seribu dua ratus enam puluh yogo logogun o,” yinuk, yo'nege kagarak.

Wayu 14:6

Ti iige nagarik, wonage me, malayikat alik ambi mbogut oolo taati wuga agan nage logonet, “Kit aakumi kinanebunu alitak lombok inom, kinoone alitak inom, kinagabolo alitak inom, yi aakumi ndi aakumi nggween paga monggotak abok aret wone lek ageelik obeelom mondok menggerak wone yokkirage yi, konenggo logonip o,”