Nappiigak 2:11 - Ala Wone Peenok Peebi Mbanak

¹¹ nit Yakuri mendek inom, it endekem mendek nit Yakuri eeko monggoorak waganeegwaarak inom, Kereta mendek inom, Arap mendek inom, nit abok aret Ala eerubok mendek nggwok lombok eekerak nogo ninoone lombok paga mbininogo yo'nirogwe abok konenggo ogoorik o,” yinuk,

Nappiigak 2:11 Iomraidhean Croise

1 Endagembogut 10:15

Ndi, it aap yi mendek ndi mendek toko kunggo menggaarak nen pugwi inom, inamendek onggo-onggo kunit nugwi nogo nen pugwi inom, aap inendagembogut o Arap mendek abok nen wogori wogwe inom, it aap o unde menggaarak inoweewi nen wogori wogwe inom, ti inom lambunik linggingga'lek aret wonagagerak.

2 Mbinineegwaarak 17:11

It aap Pilitin mendek ando nen, “Ninarum wonage onggo o,” yinuk, yi mendek ndi mendek inom, mbuti perak inom, at Yotapat iri wogwe, ndi, it Arap mendek kunduk, kambin-ndomba iri wogo logonet, ndomba ngguunok tujuh ribu tujuh ratus inom, kambin ngguunok tujuh ribu tujuh ratus inom, wonok iri wogwe, eereegwaarak.

2 Mbinineegwaarak 26:7

ndi, Ala yeenggwaage kagak, it Pilitin mendek inom, it Arap mendek o Nggut-Mba'an wonogwe nogo inom, it Mewunim mendek inom, tebenogo piinet nage, eereegerak.

Ayup 9:10

Aakumi liippuurak abu meek iya nogo mendek at nen aret eeke, Eerubok ineenggi lingginiyak meek mendek at nen aret eerit nage, Eeke menggerak.

Ndawi 107:15

At Aliku ALA nen Tungga mbuti tembaga paga aago ti, yigirogo nggimbege, Tu unggwogo menggam pak ambe mbuti paga aago nogo, Kalenak-pugunik eerogo pege, Eeke menggerak me, Aliku ALA it inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga Aliku ALA, “Wa,” yogo logowak o.

Ndawi 107:21

Aliku ALA inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga At Aliku ALA, “Wa,” yogwi,

Ndawi 107:8

At Aliku ALA nen it niyo abu kenok, ndonggorogon nawak nduk wogorage, Inambi abu kenok, yi mendek ndi mendek abe mban kalo logonogo wogorage, Eeke menggerak me, Aliku ALA it inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga At apuri ti nen Aliku ALA, “Wa,” yogo logowak o.

Ndawi 111:4

At Aliku ALA ti, inabuwa mbake, Iniki yanggo yinuk, eeppiige, Eeke menggerak me, At eerubok mendek iya tit eeke nogo iniki aberak logowak nduk eeppiige,

Ndawi 136:4

At alik lombok nen Eerubok mendek iya tit eeke menggerak me, “Wa,” yogo logonip o. & Ninabuwa mbake ti, itok kunik wonage o.

Ndawi 26:7

Ndawi, “Wa!” yogwe mendek Noone nggwok paga warit nege, Kat iya tit eeke menggendak abok aret mbininit nege, Eeke minggirak o.

Ndawi 40:5

Kaliku nogoba Ala wae. Kat yi eekak ndi eekak eerubok mendek ambik aret eerit nage nagagindak o. Ti eeke nagagindak kwak ambi lek aret o. Ninake aret eerikit mba'nuk eeke nagagindak me, Eerogo pit wundi wage nagagindak nogo Mbininogo yokkiriyak meek aret o. Mbininogo yuurak op kwe, Ambik aret me yuurak meek aret o.

Ndawi 71:17

Nogoba Ala wae. Wulaga tawe nen nok, yogondak kuli kat mamunnake menggendak me, An kunduk, aa'nduk nen nok, yogondak kuli kat iya tit eeke menggendak nogo, Mbininogo yoranet nage agarik o.

Ndawi 77:11

Aliku ALA nen eerit wagagerak nogo niniki aberit nage, O maan aa'nduk lombok eerubok mendek eerit wagagerak nogo ninikime aberit nage,

Ndawi 78:4

Aakumi pi wakwi iigak, Aliku ALA nen eerit wagagerak wone inom, At omaawi paga eeke nagagerak wone inom, Tam warak eerit wagagerak wone inom, Nit kumaappunuk logorak lek o. Ata, it inombowologwe nit ninapuri mbininogo yorogwe, Ndi, it peebi nda'narugun nogo yorogwe, Eeko logogun o.

Ndawi 89:5

Kaliku ALA wae. Kat iya tit eeke menggendak nogo, it mbogut nen, “Wi!” yinuk, pi wakkakwi, It kapuri alik leenak kuwak aago inenggela'me Kat liirogon eeppiinet nage menggendak nogo, Kendage tiyappagagwi, Eeko menggaarak o.

Ndawi 96:3

At mondok tiyanak menggerak nogo, it aakumi lombok inenggela'me mbininogo yorogwe, At iya tit eeke menggerak nogo Aakumi inanebunu lombok yoranet nugwi, Eeko logonip o.

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Yetaya 13:20

Lek eerogo piminggirak me, aakumi o time wonogwe, Ambiriluk ambi ye mbambatinuk mondok wonogwe, It aakumi Arap mendek ya yembanggak nugu logonet inawooliya time wuppatinuk wonogwe, It aap kambin-ndomba ndegeninaka nen inaanggumi inagari'ngga nawak nduk time piinet nugwi, Eeka'lek togop aret kagak Inapuri ndaganabit wundi wogo logogun o.

Yetaya 21:13

O Arap mendek eeppiyoorak abinggaanggo paga Aliku ALA nen yoreegerak nogo yi aret. Aap luurik-maarak aago nega kit aap Nderan mendek yi wae. O Arap wonogo menggam eyoongga ku'mbanak me ooliya wuppatinuk kumaarak logonip o.

Yetaya 25:1

Kaliku ALA wae. Kat nogoba Ala aret o. Yoraga'ndak mondok a'me liirogon eeke logonet, Eerubok mendek iya eeriyak maan aa'nduk nen koonogo pereegindak nogo muk aret eekendak me, Kalut eeke, kendage tiyappege, eeke agarik o.

Yetaya 28:29

Yi eeriyak nogo abok aret ti, Nit eeriyak iya negen koonogo yo'nirage, Pi wakugak iniki warak lombok logonet yo'nirage, Eeke menggerak Omaawi Lombok Menggerak Aliku ALA nogo nen aret yoge menggerak o.

Yeremiya 25:24

it Arap mendek inoweewi inendagembogut inom, it aakumi inambik o karume wonogwe inoweewi inendagembogut inom,

Yeremiya 3:2

“Puut-puut puluk ko aago ti inigen pekkaawak o. Aap inom nogo yuulik o puut ambi nggeeme wonage mbakop? It aap inom lambuniyak nduk wogwe iyo, tu nggwok ambet paga kunduk torinakwi, It aap ooluk-ooluk nugu logonet eeko mengga kwak eekwi, Eeko nogogwaarak. Aap ugun ee'ninabuwak, mbarit nugwi, maluk mban eerit nugwi, Eekwi paga O enete abu maluk eerogo pereegwaarak me,

Nappiigak 2:10

Pirigiya nen, Pambiliya nen, Metit nen, o Libiya kota Kirene enaagan-ambokan time nen, it Oroma mendek niya wagaarak inom,

Nappiigak 2:12

inagabiti nen, “Yi nonggop eeriyak me yogo agaarik o?” Yinuk, at ambi yogak eeko mbareegwa,

Nappiigak 27:12

tero nggu-nggu eeke menggim aret me, yiiro time logorak meek age mbareegi, it ando apit nen nok-nok o Penikit noorak koonggo logonet, “O Penikit ti, o Kereta yi yenggenak kup mbanak me, oonegen kilu yi nage menggim o ame pa'nggwe milinik, o omarip pa'nggwe milinik, eerak me, o tero nggu-nggu eeke menggim lek age kagak ilin me time tokkogwe a nawi o,” yinuk, kooneegwaarak.

Nappiigak 27:13

Togop aret kooneegwaarak kwe, o ame pa'nggwe nen wiya eeroget nabuk-nabak wake mbareegi, “Nit yogobi eeke kagak noorak mbakoorak me, nawi o,” yinuk, yiiro wonok nage kero, keele mbuti pugunik nogo awiirogo yonggoppunuk nogo nogogurik, o Kereta koorok niyo aa'nggi paga time nina wunggagak nogogurak.

Nappiigak 27:7

Nogo logonet, yiiro nogo wiya nen panggoninuk wagak eeke logonet, abu meek ee'ninake kagak, nogo ambik yit, o Kinirut panggo yi nogogurak. O wiya nogo nabenak togop mban eeke kenok, wangge'nuk nogo logonet, o Kereta eraaninu time o Talomone nina wunggagak nogogurak.

1 Korindut 12:10

ambi, eerubok mendek eerit nage logowak nduk, unde eeppege, ambi, Ala wone yorage logowak nduk, unde eeppege, ambi, aakumi nen wone agan nugwi nogo abok aret, “Yi abet agan nugwi ilik, pilit agan nugwi a?” yinuk, yelok kage logowak nduk, unde eeppege, ambi, aakumi inoone nineenggo'lek kwe, lalin negen taati aret woppunuk, it inoone paga lombok yorage logowak nduk, unde eeppege, ndi, ambi, at ambi ari kagak, “Togop yigi o,” yinuk, abut laganogo yorage logowak nduk, unde eeppege, eeke menggerak o.

1 Korindut 12:28

Ndi, Ala nen at apuri kuwak eeko menggaarak inenggela'me nen aa'nduk nappiigak mendek leenogo piige, ti'nuk, it inabu'me Ala wone yorogo menggaarak mendek mippiige, ndi, it inabu'me Ala wone mamunirogo menggaarak mendek mippiige, ndi, it inabu'me eerubok mendek eekwi, aakumi andi obeelom eeginakwi, yeenggwaarogwe, wone koonogo piigwi, inoone lombok lalin yogwe, inalitak lombok eerit nogo logowak nduk, unde agago piinok mippiyareegerak me,

Nggalatiya 1:17

ndi, an nappiigak awo mippangga'lek kagak, it inaa'nduk nappiigak mendek o Yerutalem wonogogwaarak nogo, inowagam yora nage, ti eerulik. Ata, an o Arap nagagirak time wonage nagagirik, peebi niyok paga o Ndamitik aret wagagirak.

Nggalatiya 4:25

Ndi, puut Tinayi o Arap wonage nogo ti, kwe Agat kokwak aret me, wakkogo logonet, kwe Agat aagalogwe inom Abarakam ayeloman tebenak wonogogwaarak nogo kokwak, puut Tinayi paga, “Yogop ee'nu, ndogop ee'nu,” wone yereegerak nogo, it o Yerutalem mendek nen awo eekwi me, aakumi inayeloman kwak, wone ti abu'me tebenak wonogwe iigo o.

Titut 1:12

It aap wone ti mendek yorogo menggaarak ambi nen ari logonet, “It aap o Kereta mendek ti, mondok pilit pugungga aret menggaarak o. Nggwiya nen yiwi-yawi ari logonet nibingge menggerak pogom it togop aret logonet, Ineenggi lebenak inalom mban koleewak menggaarak o,” yinuk,

Titut 1:5

An eeka'lek kagak wagagirak nogo eeke, ndi, o kota lombok Ala apuri unde logowak nduk, “Aap ti mendek mippiyoorak,” yokkereegirak nogo mippiige, eeke logonok nduk, kat o Kereta time keegak, an wagagirak nogo o.

Iberani 2:4

“Wone yi abet aret o,” yinuk, waawok nduk, Ala nen ninagabiti warak mendek eeke, tam warak negen eeke, eerubok mendek eeke, eerit nage logonet, ninalitak lombok eeko logowok nduk, at Ala iniki mbareegerak nogo ndak-ndak Aberiniki nen tumbu'niragagerak kwe, mbo pugwi niinok, teppinanigin mbakop? Mondok lek aret o.