Nappiigak 19:6 - Ala Wone Peenok Peebi Mbanak

⁶ Yiime wuppiigo mbareegwa, at Pawulut eenggi inanobak tebembiige kagak, Aberiniki inoba wambi wage mbareegi, aakumi alik inoone lalin negen woppunuk yogwe, Ala wone yorogwe, eereegwaarak.

Nappiigak 19:6 Iomraidhean Croise

Marakut 16:17

It obeelom wone iniki abet mba'nuk waganggwi nogo nen wone obeelom wone yoranet nugu logonet, inagabiti warak ineenu ariyak mendek inigen kogo logogun yi aret. Kugi inikime lik yemenggerak nogo an nendage paga nggiginogo wumbiigwi, aakumi inoone ineenggo'lek lalin negen woppunuk yorogwe,

Nappiigak 19:7

It aap Aberiniki inoba wambi wagagerak nogo ti, aap ineebe lambuk togon, 12 negen aret.

Nappiigak 2:4

Inoba arit nage kogwe iigak, it abok aret Aberiniki inikime mondok lik yit unggwage nagagerik, yorage kagak, it aakumi inalitak lombok inoone lalin negen woppunuk yogo nogogwaarak.

Nappiigak 6:6

leenogo piigo nogogwaarik, it nappiigak nogo inowagam piya wogo mbareegwa, inanobak tebembiinok tamban eeginabeegwaarak.

Nappiigak 9:17

Yoge kage nagagerik, o time nagagerak. Nage nagagerik, aap nogo ame unggwage nagagerik, eenggi Tawulut anobak tebembunuk, yoge logonet, “Nore Tawulut wae. Kat kenegen obeelom age, Aberiniki kinikime mondok lik yi unggwage, eeke kaanok nduk, kat tu paga yime wage me, at ninogoba Yetut nikkeegerak nogo nen, nappani waga o,” yoreegerak.

1 Timotiyut 5:22

Ala apuri unde logowak nduk, inanobak mbet-mbet tebeniyak mage o. It ambi maluk eekwi iinok, kat kinom nabenggoloorak ti mage mban o. Kat kiniki kikak naka'lek mondok alik leenak logot o.

2 Timotiyut 1:6

Togop me, an neenggi kanobak tebembagage neegak, Ala eyabu ambi ee'nok nduk, unde eeppagareegerak nogo, kani noguk ari kenok ambi kunggwi nogo pogom ambi abeke logonok nduk, yokkigi o.