Nappiigak 19:2 - Ala Wone Peenok Peebi Mbanak

² “Kit Yetut abet mbako nogogutik, Aberiniki waganeegutak ilik, lek a?” Yorage mbareegi, it nen, “Aberiniki wonage o, yogwe nogo, nit awo konengga'lek aret ogoorik o.”

Nappiigak 19:2 Iomraidhean Croise

Yaya 7:39

Ti yoragagerak nogo ti, it aakumi nen iniki Yetut oba panggombunuk, abet ombakwi iinok, Aberiniki wogoroorak me nduk yoragagerak. Yetut awo tiyappega'lek kenok, at Aberiniki wogoraga'lek me nduk, yoragagerak.)

Nappiigak 10:44

At Peterut awo togop yorage kagak, it wone koneneegwaarak nogo abok aret Aberiniki inoba wuppi wagagerak.

Nappiigak 19:5

Yoragagerak nogo konenggo mbareegwa, ninogoba Yetut endage paga yiime wuppiyareegwaarak.

Nappiigak 2:17

Ala nen ari logonet, Peebi o age yobok paga yi aakumi ndi aakumi abok aret an Naberiniki inoba wuppi woraagin o. Inapuri wologwe-komologwe yorage neegak, an ari nogo yoranet nugwi, Inapuri wologwe tawe nen inabinggaanggo kogwe, Inogobamini inanggok nen inabi kogwe, Eeko logogun o.

Oroma 1:11

Kiniki kole aruwak nduk, Ala nen an eeppanegerak ambi kit yokkiraakit nduk pekkiya woroorak uugwe lombok mbake minggirak o.

1 Korindut 6:19

Kit kineebe ti, Aberiniki awi wurik wonage nogo kineenggo'lek a? At Ala nen onggo nggwok paga kinonggo mbangge nagagerik, Aberiniki wokkiragagerak kinikime wonage me, kit kineebe ti, kit unde lek o. At Ala aret unde me, at endage tiyak yuwak nduk, kineebe paga obeelom mban eeko logonip o.

Nggalatiya 3:5

At Ala nen Aberiniki wokkirage, ndi, kinenggela'me eerubok mendek eeke, eeke menggerak nogo ti, kit wone Muta yoreegerak nogo ndak-ndak eekwi paga eeke menggerak ilik, obeelom wone konembunuk abet mba'nuk, waganeegutak nogo paga eeke menggerak a? Kit yinip nda!