Nappiigak 18:4 - Ala Wone Peenok Peebi Mbanak

⁴ Eeke logonet, at Pawulut nogo kulinik-kalinik it Yakuri tamban eekwi paga it tamban eeko menggam unggunuk, it Yakuri inom, it Yunani mendek inom, it iniki abet mbaruwak nduk, Ala wone amburu mbanogo yorage nagagerak.

Nappiigak 18:4 Iomraidhean Croise

Wakkagagerak 9:27

Ala nen aap Yapet o logowam tenak eerogo wogoge, At apuri inom, at Tem apuri inom, o ambit me Obeelom aret logowak nduk, eeppiige, Eeke logogin kwe, At Kanan perak, Ogobaluk Tem apuri inom inayeloman aret logowak o,” yinuk, yereegerak.

2 Mbinineegwaarak 32:11

At Kitikiya nen ari logonet, Aliku ninogoba Ala nen aret aap Atiyut inowe endagembogut eenggime nen ndinninabigin me, niniki Ala paga panggonak logowok o, yinuk, yorage nogo ti, it inambi inom, niyo inom, abu nen kambuwak nduk, awuri inambokan lagangge agaarik o.

Lukat 16:31

Yoge mbareegi, Abarakam nen, It kogobamini nogo nen Muta yereegerak wone inom, it Ala nen yorage kagak yoraga inoone inom, konenggulik kenok, aap ambi kanggo menggam nen eenik a'nuk, yora nage kenok kunduk, it iniki abet mbarugun lek, yoreegerak o,” yinuk, yoragagerak.

Lukat 4:16

Ti'nuk, peebi at Yetut tawe age nagagim o Nataret nogome nage nagagerik, Yakuri tamban eekwi paga it tamban eeko menggam nogome unggwi nage nagagerak me, unggwi nage nagagerik, Ala wone liiru mbanak paga pekkagak yoraakit nduk, mi'nagagerak.

Yaya 7:35

Yorage mbareegi, it Yakuri mendek inom wone mbanggo logonet, “At nggeeme namenggerak me, nit kwaakkoorak meek me yigi mbakop? It Yakuri mendek aap Yunani inenggela'me mak aago wonogwe nogo iya nage logomenggerik, inom logonet, it aap Yunani mendek mamunirage logokit mba'nuk, yigi mbakop?

Nappiigak 13:14

O kota Peraga time nen nogogwa-nogogwa, o Pitiriya tini ambi Andiyokiya unggwi nogo nogogwaarik, it Yakuri tamban eekwi paga it tamban eeko menggam unggwi nanuk, kwi'nogogwaarak.

Nappiigak 14:1

O Ikoniyum time o Andiyokiya eereegwaarak nogo ndak-ndak eereegwaarak. At Pawulut kunduk, Mbaranabat kunduk, it Yakuri tamban eeko menggam unggwogo nogogwaarik, wone abe liirogon yorogogwaarak paga it Yakuri mendek inom, Yunani mendek inom, ambik aret iniki abet mbareegwaarak.

Nappiigak 17:11

It aakumi Tetalonika mendek ti, inogogumbuk kwe, it Mbereya mendek perak, iniki abu obeelom me, Ala wone yorogogwaarak nogo, iniki ale'nggen paga waganggo nogogwaarik, “At Pawulut nen wone yo'nirage yi, abet aret ilik?” yinuk, ko'lu-kii'me Ala wone liiru mbanak malenggo nogogwaarak.

Nappiigak 17:17

Eebi mbake nagagerik, it Yakuri inom, it aakumi Yunani mendek Ala inagabiti mbako menggaarak inom, it Yakuri tamban eeko menggam time, “Wone yi abet aret kagi,” mbaruwak nduk, at koongge ari kenok, it koonggwi yuwak nduk yorage, ko'lu-kii'me mbi kunggo menggam time inom aabuk age nagaatik, wone yorage, eeke nagagerak.

Nappiigak 18:13

Pi nogo nogogwaarik, “At aap yi, Ala alut eeko logorak wone yugu nogo kagak, alik eeko logowak nduk, aakumi iniki nggaganabit nege kenok, wonok wogo o.”

Nappiigak 18:19

Eeruwak mbangge nagagerik, o Epetut wunda wogogwaarak. Wunda woraanuk, Pawulut nen Piritikila Akwila imbirak time piinok, at alik it Yakuri tamban eeko menggam unggwi nage nagagerik, it Yakuri mendek Ala wone piinogo yoragagerak.

Nappiigak 19:26

aap endage Pawulut nogo nen, Kugiwak aakumi nen ogobakkigikwi ti, abe mendek lek o, yinuk, o Epetut yime nen mban lek o. Ata, o Atiya yi awi ndi awi time abok aret aakumi apit inikime manabit nege logonet, nomoninabit nage kinigen kogwe, kinaruk konenggwi, eeko ogotik o.

Nappiigak 19:8

Ti'nuk, at Pawulut nen it Yakuri tamban eeko menggam unggwage nagaatik, agabiti lek logonet, aakumi Ala abu'me piyoorak wone ti, “Abet aret yigi,” mbaruwak nduk, amburu mbanogo yoragak mban eeke kagak, tut kenagan peneneegerak.

Nappiigak 26:28

Yoge mbareegi, at Agiripa nen Pawulut yoge logonet, “Ne yogondak iluk yi paga aret we negen Keritut woorak nduk agago panege agandik?”

Nappiigak 28:23

Ndi, “Ne ndi paga ambinom yo'niraawak o,” yinuk, koonogo pereegwaarak nogo eyom ari wage mbareegi, at Pawulut wonage me ineebe ambik aret kuwak ari wogo mbareegwa, Pawulut nogo o kuubondendok nen Ala abu'me piyoorak wone nogo amburu liirogon mbanogo yorage, ndi, Yetut eereegerak wone nogo liirogon ineenu aruwak nduk, Muta liiru mbaneegerak wone inom, it aap Ala yorage kagak yoraga nen yorogo nogogwaarak wone inom, mbininogo yorage, eeke tit kagak, o kiyoma aret agagerak.

Nappiigak 9:20

ti'nuk, “Yetut ti, Ala aput aret o,” yinuk, it aap Yakuri tamban eeko menggam lombok wone nogo yoranet nege nagagerak.

2 Korindut 5:11

Nit abok at owagam kuwak eeppinanigin nineenu me, ninagabiti mbako logonet, yi aakumi ndi aakumi abok ninoone abet mbaruwak nduk, aganggen kerek togon yorogo monggoorak kwe, nit nonggop logonet, yorogo monggoorak nogo ti, Ala eenu aret o. Ndi, kit togon, kinikime togop aret eekkinake me, kineenu aret mbake agarik o.