Nappiigak 17:1 - Ala Wone Peenok Peebi Mbanak

¹ Nogo nogogwaarik, o Ambipolit unggwogwe, Apoloniya unggwage, eerit o Tetalonika unggwi nogogwaarak. Unggwi nogo nogogwaarik, it Yakuri tamban eeko menggam time wonage me,

Nappiigak 17:1 Iomraidhean Croise

Nappiigak 14:1

O Ikoniyum time o Andiyokiya eereegwaarak nogo ndak-ndak eereegwaarak. At Pawulut kunduk, Mbaranabat kunduk, it Yakuri tamban eeko menggam unggwogo nogogwaarik, wone abe liirogon yorogogwaarak paga it Yakuri mendek inom, Yunani mendek inom, ambik aret iniki abet mbareegwaarak.

Nappiigak 15:21

At Muta lengganeegerak wone nogo maan aa'nduk nen nok, yogondak kuli yi awi ndi awi Yakuri tamban eekwi paga it tamban eeko menggam lombok pekkagak yorogo menggaarak ineenu me, liiru togop aret mbanogo punuk, wogoroorak op aret mbaki o,” yinuk, yoragagerak.

Nappiigak 16:13

Nogo mande negen yippunuk, it Yakuri tamban eekwi paga o kota nen wundi nogo nogogurik, “Yi aa'nggi paga tamban eeko menggam time wonage,” mba'nuk, nogo nogogurik, it kumi kuwak aago wonogome ninom kwi'nogo nogogurik, wone yorogogurak.

Nappiigak 17:10

O kiip age mbareegi, it ninoreewi Ala apuri time nen Pawulut Tilat imbirak, “O Mbereya nanip o,” yorogo mbareegwa, oonikiya nogo nogogwaarik, it Yakuri tamban eeko menggam unggwi nogogwaarak.

Nappiigak 17:11

It aakumi Tetalonika mendek ti, inogogumbuk kwe, it Mbereya mendek perak, iniki abu obeelom me, Ala wone yorogogwaarak nogo, iniki ale'nggen paga waganggo nogogwaarik, “At Pawulut nen wone yo'nirage yi, abet aret ilik?” yinuk, ko'lu-kii'me Ala wone liiru mbanak malenggo nogogwaarak.

Nappiigak 17:13

Abet mbako mbareegwa, it Yakuri o Tetalonika wonogwe nogo nen at Pawulut o Mbereya Ala wone yorage konenggo nogogwaarik, aakumi o Mbereya mendek wone munuurogo inikime manabi nogo mbareegwa,

Nappiigak 20:4

At inom wogogwaarak nogo ti, aap awi Mbereya mendek Pirut aput Topatet inom, o Tetalonika nen wogogwaarak Aritarukut Tekundut imbirak inom, o Nderebe nen wagagerak at Nggayut inom, Timotiyut inom, ndi, o Atiya nen wogogwaarak it Tikikut Toropimut imbirak inom, aret wogogwaarak.

Nappiigak 27:2

Yogo mbareegwa, yiiro Aramitiyum nen wage nagagerik, time wonage me, o Atiya yi nggwok yenggenak laut aa'nggi paga o kota time yanggwagak noorak eeke me, unggwogogurak. Aap Aritarukut Makendoniya mendek o Tetalonika nen wagagerak nogo, ninom unggwogo nogogurik, nogo logonet,

Pilipi 4:16

An o Tetalonika wonage neegak, kit nen ne mbere paga yeenggwaanereegutak nogo kunduk aberak aret wonage o.

1 Tetalonika 1:1

Noreewi o. Kit Ala apuri ninogoba Ala ninowe Yetut Keritut kinom kunik o Tetalonika kuwak eeko monggotak nogo, an Pawulut kunduk, Tiliwanut kunduk, Timotiyut kunduk, nen wone ambi yokkiraawi o. Ala iniki kunik nen wokkirage, kiniki ugun tayenak ale'nggen logobagip nduk, eeppinagage, eeke logogin o.

1 Tetalonika 2:2

Nit o Pilipi wonogwe niigak, aaninggin-paaninggin ninoba pinanugwi, miyuk-meya eerogo pinanugwi, eereegwaarak kineenu nogo kwe, kagak, Ala nen yo'niragagerak wone obeelom wone nogo it apit aret, “Nineebi o,” yogwe iigak, Ala yeenggwa nirage me, ninagabiti mbaka'lek yokkirogo nogogurak nogo o.

2 Tetalonika 1:1

Noreewi o. Kit Ala apuri ninogoba Ala ninowe Yetut Keritut kinom kunik o Tetalonika kuwak eeko monggotak nogo, an Pawulut inom, Tiliwanut inom, Timotiyut inom, nen wone ambi yokkiraawi o.

2 Timotiyut 4:10

At Ndemat nogo, nggween paga mendek mban inikilom agagerak me, mbo paninuk o Tetalonika nagagerak o. Ndi, at Kereket o Nggalatiya nage, at Titut o Ndalamatiya nage, eekwi iigak,