Biblia Todo Logo
Bìoball air-loidhne

- Sanasan -




Nappiigak 16:6 - Ala Wone Peenok Peebi Mbanak

6 Ti'nuk, at Aberiniki nen, “O Atiya time Ala wone yora nagup o,” yorage mbareegi, at Pawulut oreewi inom nogwe nogo, o Pirigiya nen o Nggalatiya nogo nogogwaarik,

Faic an caibideil Dèan lethbhreac




Nappiigak 16:6
31 Iomraidhean Croise  

Tu agigan paga nogwe, ogugan paga nogwe, eekwi kiinok, kinambokan nen wone ambi ari logonet, “Tu ti aret me, ti paga nanip o,” yinuk, yokkirage kinaruk konenggo logomunggup o.


Eereegwaarak me, it obeelom wone yoranet nugu nogogwaarak nogo iyaalok nen eerit wage inigen kogo nogogwaarik, mbininogo nit yo'nirogogwaarak nogo ndak-ndak,


Yinuk, yorogwe iigak, at Peterut nogo nen, “Nabinggaanggo nonggop kagi o?” yinuk, iniki awo koongge wonage me, Aberiniki nen at yoge logonet, “Timon wae. Aap kenagan mukkeren wagaarak endekem wonogwe me,


Aberiniki nen an yo'nege logonet, Kiniki yungguppegak eerugun o. Aap ti, kinom mbet-mbet aret nak o, yo'nege mbaki, noreewi ineebe 6 yi, ninom nogo nogoorik, aap Koreneliyut ame aret unggwi nogoorak.


o Mitiya unggwi noorak kuli pugu paga panggo yi nogo nogogwaarik, o Mbitiniya ungguwok nduk eereegwaarak mendek, at Yetut Aberiniki nen, “Unggwi noorak,” yoroolik me,


Time wonagagerik, ti'nuk, peebi o time lambembunuk, yi awi ndi awi o Nggalatiya inom, o Perigiya inom, yanggwagak nege logonet, Yetut oone waganggwi nogo iniki nu'lek logowak nduk, yoranet nege nagagerak.


Eekwi iigak, tahun mbere eereegerak me, it Yakuri mendek inom, it Yunani mendek inom, o Atiya wonogogwaarak nogo abok aret ninogoba Yetut eereegerak wone konenggo nogogwaarak.


Ari woraanuk, at Pawulut nen, “Ne Pendakota o Yerutalem neegak, eeriyak me, o Atiya mban elaambirik neegak panggo ari kero, o Epetut unggwaga'lek nok-nok, o Yerutalem mbet-mbet nawok o,” yinuk, kooneegerak.


At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.


At inom wogogwaarak nogo ti, aap awi Mbereya mendek Pirut aput Topatet inom, o Tetalonika nen wogogwaarak Aritarukut Tekundut imbirak inom, o Nderebe nen wagagerak at Nggayut inom, Timotiyut inom, ndi, o Atiya nen wogogwaarak it Tikikut Toropimut imbirak inom, aret wogogwaarak.


Nogo 7 yuurak age kagak, it Yakuri Atiya mendek at Pawulut eebe Ala awi wurik me unggwage inigen kogo nogogwaarik, it aakumi nggwok kuwak aago abok inikime manako logonet, eebe kok pippunuk,


it Yakuri mendek o Kirene nen, Alekandiriya nen, Kilikiya nen, Atiya nen, it Yakuri kuwak eeko menggam endage Wondet Eerogo Pinaneegim tooneegwam nogome kuwak eeri wogo nogogwaarak nogo nen, Tepanut inom wone wareegwaarak.


Aabuk age mbareegi, Aberiniki nogo nen Piliput yoge logonet, “Nggweendo niikkenok nage ti, naberogon ka nak o.”


Ndi, it Ala apuri iname lombok kuwak eerit nogo menggaarak nogo inom keyage wappiigi o. O Atiya yi awi ndi awi time Keritut wone awo abet mbaka'lek iigak, aa'nduk abet mbareegerak nore niniki kunik Epenetut nogo keyage wappigi.


Ti eeppinanege menggerak abok aret at Aberiniki eebe alik ambit nen at iniki mbaketak ndak-ndak aret ninalitak lombok unde eeppinanege menggerak.


Kit nen, “It Ala apuri inake wu kuwak eerogo punuk wogoraawok o,” yinuk, yogwe nogo, an wone ambi yokkira o. An nen it Ala apuri o Nggalatiya kuwak eerit nogo menggaarak wone lengganogo yoragagirak nogo, kit ndak-ndak eeko logobagip nduk yokkiragi o.


It Ala apuri o Atiya kuwak eerit nogo menggaarak nen kit keyage wappinagaga o. Aap Akwila akweeluk Piritikila imbirak inom, it Ala apuri iname kuwak eeko menggaarak inom, it kinom iniki kunik lombok me, “Ninom Ala apuri aret o,” yinuk, keyage ambik wappinagaga o.


Nit o Atiya wonogwe me, aaninggin ninoba agagerak nogo, kit kineenu arubagip nduk, yokkiraawi o, noreewi. Nit o Atiya wonogome, aaninggin-paaninggin mondok iya lombok ninoba age mbareegi, “Lek ariyak lek me, kambuurak op aret kogo,” mbareegurak.


Kit Nggalatiya mendek yi wae. Yetut Keritut eyo karo-karo paga kambeegerak wone nogo, kumaarak lek mondok kin paga aret paganogo yokkirage nagagirak konenggo nogogutak kwe, yogondak ta nen kugi pulunogo pinagagerak kenok, kiniki lek kumili negen agan nugu ogotik?


It o Atiya menggaarak aap Pigelut kunduk, aap Eromogenet kunduk, abok aret an mbo paninuk mbaganeegwaarak nogo ti, kat keenu aret o.


At Ndemat nogo, nggween paga mendek mban inikilom agagerak me, mbo paninuk o Tetalonika nagagerak o. Ndi, at Kereket o Nggalatiya nage, at Titut o Ndalamatiya nage, eekwi iigak,


Ndi, at Abarakam kunduk, Ala nen, “Eyate kwak nggween ambi kat unde logonok nduk, wokkirigin me, nak o,” yoge mbareegi, o ti, eenggo'lek kwe kagak, “Abet aret wo'nirigin,” mba'nuk, nagagerak.


Kit Ala iniki mba'nuk miikkinabeegerak o Pondut inom, Nggalatiya inom, Kaparokiya inom, Atiya inom, Mbitiniya inom, o time yi awi ndi awi mbaganit nogogutak aap nggiru negen wonogwe nogo, at Yetut Keritut ayonggo nappiigak mendek eerogo paneegerak an Peterut nogo nen wone ambi yokkira o.


yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.


An Yaya nen kit Ala apuri o Atiya nggereya 7 paga kuwak eerit nogo monggotak nogo, keyage wappinagi o. Aa'nduk wonagagerak, yogondak wonage, peebi logogin mondok itok menggerak Ala inom, ndi, Ala wone lengganogo yorage menggim abu'me menggaarak Aberiniki eeke menggerak alom 7 nogo inom, ndi, eeruwak nduk nappi wagagerak mondok liippunuk yubuk togon eeke nagagerik, kambunuk nogo menggam inenggela'me nen at aa'nduk mi'nage nagagerik, yogondak it aap nggween paga mendek inoweewi nagawan-nagawan abok inowe endagembogut agagerak at Yetut Keritut nogo inom, it abok aret iniki kunik en wokkirogwe, ndi, kiniki ugun tayenak ale'nggen logobagip nduk, eeppinagagwi, eeko logowak o. At Yetut Keritut ninabuwa nen iniki kunik ee'ninake, amiya paga ninomaluk koorogo pinanege,


Lean sinn:

Sanasan


Sanasan