Nappiigak 15:2 - Ala Wone Peenok Peebi Mbanak

² it Pawulut Mbaranabat imbirak it nogo inom wone nggwok wappunuk, ogoorak negen wonogo mbareegwa, it imbirak inom, it Andiyokiya mendek abet mbareegwaarak ando nogo inom, leenogo piinok, yorogo logonet, “Kit Yerutalem nogo logomonggotik, it nappiigak nogo inom, Ala apuri unde nogo inom, wone ti, kinom kooni nanip o,” yinuk, yorogogwaarak.

Nappiigak 15:2 Iomraidhean Croise

Wundeegwaarak 18:23

At Ala nen, Yogop eeru o, yokkege kagak, inowak looninake me, yabu nogo aaninggin lek teeluk aret eeke keenok, iniki ale'nggen mbakak iname aret nogo logogun o,” yinuk, yoreegerak.

Nappiigak 10:23

yogo mbareegwa, “Ti kenok, unggwi woraanip o,” yorage mbareegi, unggwogo nogogwaarik, inom nogo yereegwaarak. Nogo yippunuk, ko'lu at Peterut nen, “Nawok o,” yorage nagagerik, it wogogwaarak nogo inom, at oreewi Yope mendek inom, nogogwaarak.

Nappiigak 11:12

Aberiniki nen an yo'nege logonet, Kiniki yungguppegak eerugun o. Aap ti, kinom mbet-mbet aret nak o, yo'nege mbaki, noreewi ineebe 6 yi, ninom nogo nogoorik, aap Koreneliyut ame aret unggwi nogoorak.

Nappiigak 11:30

yinuk, kuwak eerogo punuk, Mbaranabat Tawulut imbirak nappiya wogo mbareegwa, it nen wonok, Ala apuri o Yerutalem inarum menggaarak nogo ira wogogwaarak.

Nappiigak 15:25

Ninaruk konenggoorak me, yogondak nit kuwak eeppunuk, ninom monggoorak aap ando kinowagam woraawak nduk, niniki ambit eeppunuk, leenogo piinok,

Nappiigak 15:27

Togop me, it aap Yurat Tilat imbirak nen liiru mbanak yi ndak-ndak mbininogo yokkiraawak nduk wonok nappiya wogo ti o.

Nappiigak 15:4

Aganake kagak, it o Yerutalem unggwi wogo mbareegwa, it Ala apuri o Yerutalem kuwak eeka inom, it nappiigak inom, it Ala apuri unde inom, nogo nen keyage waganako mbareegwa, “At Ala eeppinanege kagak ndogop eekoorak o,” yinuk, abok aret mbininogo yorogogwaarak.

Nappiigak 16:4

It Pawulut Timotiyut imbirak yi awi ndi awi o kota lombok nugu logonet, it nappiigak inom, o Yerutalem Ala apuri unde inom, nen wone kooneegwaarak nogo, it liippunuk eeko logowak nduk yoranet nugu nogogwaarak.

Nappiigak 21:18

Wo'ninako mbareegwa, nogo yippunuk, ko'lu at Pawulut ninom Yakobut pekka nogogurak me, it Ala apuri unde abok aret inom wonogwe iyareegurak.

1 Korindut 1:1

Ala iniki mbareegerak paga an Pawulut nappiigak mendek logonet, Keritut Yetut wone wonok nege logokit nduk, nayonggo paneegerak ninore Totenet nimbirak nen

2 Korindut 11:5

It wone yokkira wagaarak mondok iya mba'nuk, tiyappiigwi nogo ti, it iya, ndi, an meek, an togop mbake lek o.

Nggalatiya 2:5

kit Ala abet aret ari menggerak wone obeelom wone waganeegutak nogo mban enaani porogo logonet, eerit nogo logobagip nduk, it eeriyak nduk unggwi wogogwaarak nogo, “Ambiriluk ambi eeruwok o,” yinuk, “E o.” yoroolik mbo piyareegurak.

Yurat 1:3

Noreewi o. Kit an niniki kunik me, wone ambi yokkira o. Kit ugun kineenggo'lek kiigak, it aap ando kinenggela'me unggwi wogo nagaarik, Ala iniki kunik en obeelom eeppinanege menggerak wone nogo, abut laganogo, “Ala iniki kunik ee'ninake menggerak me, nit maluk eekwi niinok, maluk ninoba pinanigin lek o,” yinuk, iniki liirak lek iniki nengge kenok ugun-ugun eerit nogo logonet, at Aliku ninowe Yetut Keritut nogo ti, “Nit ninowe lek o,” yinuk, yogo menggaarak. Togop me, Ala nen it maluk eekwi onggo muk inoba piyoorak nduk, punogo piyareegerak wonage kagak, we ugun kobak logonet, agan nugwi me, nit ninagap ndareegerak wone ndak-ndak waganeegurak nogo, amburu mbanogo liiru mbanggiraakit mbakirak kwe, it togop agan nugwi iinok, abet mbakwi wone ambit at Ala nen o maan nit at apuri ake leenak mondok-mondok unde eeppinaneegerak wone nogo, taganogo mbo pugwi kiyo, “Yi Ala wone aret me, taganiyak lek o,” yinuk, mondok kinogogumbuk logonet, pipporogo logobagip nduk, liiru yi, mbanggiragi o.

1 Tamuwen 8:7

Yoge mbareegi, at Aliku ALA nen at yoge logonet, “It aakumi Iterali ti, kat mbo pagulik o. An inenggela'me logonet, nendagembogut logorak ineebi nen mbo panegaarak me, it yokkugwi nogo, karuk konengge logomenggendik, aret eeppiyet o.”