Nappiigak 13:4 - Ala Wone Peenok Peebi Mbanak

⁴ It Mbaranabat Tawulut imbirak Aberiniki nen nappiige mbareegi, o Telewukiya wambi wogo nogogwaarik, ti'nuk, time nen, nggween kup mbanak Tipurut time wunda nawok nduk, yiiro paga unggwi nanuk,

Nappiigak 13:4 Iomraidhean Croise

Nappiigak 11:19

At Tepanut yugum toguurit wako nogogwaarik, it ando inooruwok nduk ale-pale eeginabit nogo mbareegwa, ma'nogo nogogwaarik, o nda time yanggwagak nogo logonet, o Penitiya inom, Tipurut inom, Andiyokiya inom, it Yakuri mendek mban wone konenuwak nduk, yoranet nugu nogogwaarak kwe,

Nappiigak 13:2

It nogo inambe mage negen logonet, ninogoba Ala alut eekwi iigak, at Aberiniki nen yorage logonet, “Mbaranabat Tawulut imbirak an neyabu eeko logorak koonogo piyareegirak nogo, eeko logowak nduk leenogo mippiyaanip o,” yinuk, yoragagerak.

Nappiigak 13:3

Yorage mbareegi, it abok aret mbi nengga'lek inambe mage negen logonet, inanobak ineenggi tebembiinok, tamban eeppiigo nogogwaarik, nappiyareegwaarak.

Nappiigak 15:36

Nogome wonogogwaarik, ti'nuk, peebi at Pawulut nen, “Yi awi ndi awi ninogoba Yetut eeke nagagerak wone nogo yoranet nogo nogogum nogome ninoreewi Ala apuri nogo, Nonggop wonogwe iyaamun? Pegiinet nawok o,” yinuk, at Mbaranabat yoreegerak.

Nappiigak 20:23

Ne ambi paga o ambi me yoragak, ne ambi paga o ambi me yoragak, eerit nege me, Keele maakkakwi, aaninggin-paaninggin koba pagagwi, eerugun o, yinuk, Aberiniki nen paganogo yo'nege menggerak neenu aret o.

Nappiigak 27:4

Yiiro paga unggunuk, time nen nogwe me, wiya nen yiiro ogobak panggonggage logonet, nomoniren nage mbareegi, o Kipurut nina wunggagak eraaninu o wiya lek me, time nogogurak.

Nappiigak 4:36

Togop eekwi wonogwe me, aap Lewi mendek ambi endage Yutup, awi Tipurut mendek me, it nappiigak nen endage ambi Mbaranabat yogo nogogwaarak. Nit ninoone paga endage ti, “Iniki Yanggongga o,” yogo monggoorak.