Nappiigak 13:2 - Ala Wone Peenok Peebi Mbanak

² It nogo inambe mage negen logonet, ninogoba Ala alut eekwi iigak, at Aberiniki nen yorage logonet, “Mbaranabat Tawulut imbirak an neyabu eeko logorak koonogo piyareegirak nogo, eeko logowak nduk leenogo mippiyaanip o,” yinuk, yoragagerak.

Nappiigak 13:2 Iomraidhean Croise

1 Mbinineegwaarak 16:4

Tumburirage nagagerik, it Lewi mendek Aliku ALA aloobut mbanak enaame taati, at Ala nen ale'nggen inoba piyoorak nggino yogwi, “Wa!” yogwi, Aliku Iterali inogoba Ala endage tiyappugwi, eekwi iigak,

Ndaniyen 9:3

Kage nagagirik, mbi nengga'lek nambe mage negen logonet, nayum maluk mendek yikkolage, nenggaawak paga purok yikut eekkolage, eeppunuk, nena koonogo nogoba Ala pekkage logonet, tamban eeke, nggino yoge, eereegirak.

Matiyut 17:21

Kugi togop ti, we nggiginogo wumbiigulik o. Ata, kinambe mage negen logonet, tamban mban eekwi kiinok ti, nggiginogo wumbiyoorak op aret me, nduk yokkiragi o,” yinuk, yoragagerak.)

Matiyut 6:16

Yetut nen wone ambinom yorage logonet, “Kit mbi nengga'lek kinambe mage negen logonet, tamban eekwi kiinok ti, it aap iniki laakot logonet, eekwi nogo nen, Nit mbi nengga'lek ninambe mage negen logonet, tamban eekwi niyaawak o, yinuk, inete ogum warak eekkologo mengga kwak, kit togop logonet, tamban eeko logogup o. It aap togop eekwi paga aakumi wiirogwe nogo, it onggo ti aret kologo menggaarak o, yinuk, abet aret yokkiragi o.

Matiyut 9:38

at anggen yugu unde menggerak nogo nen aap anggen yugu mbani noorak nappiyaawak nduk, yogo logonip o,” yinuk, yoragagerak.

Lukat 10:1

Ti'nuk, peebi ninogoba Yetut nen aap alik 70 leenogo mippiige nagagerik, yi awi ndi awi o kota lombok noorak mbareegim nogome it inaa'nduk mbere'ndak lombok mban nappiyareegerak.

Lukat 2:37

ti'nuk, togwe kagak tahun 84 eereegerak me, abu kweegelo aret agagerak. Ala awi wurik me nen wundi naga'lek mondok time aret liingge-oonikiya Ala ake eeke logonet, mbi nengga'lek ambe mage negen eeppunuk, tamban mban eeke nagagerak.

Nappiigak 10:19

Yinuk, yorogwe iigak, at Peterut nogo nen, “Nabinggaanggo nonggop kagi o?” yinuk, iniki awo koongge wonage me, Aberiniki nen at yoge logonet, “Timon wae. Aap kenagan mukkeren wagaarak endekem wonogwe me,

Nappiigak 10:30

Yoge mbareegi, at Koreneliyut nogo nen, “Lek o. Ne ambi paga kiyoma-kiyoma oonegen 3 yogop paga ndak-ndak, an name tamban eeke wonage me, nabinggaanggo kage nagarik, nogo 4 yigirak nogo yokkiri o. Nabinggaanggo kage neegak, abera'lek me aap ambi mbogoyum abinak kwindagala aago an nowagam mi'nari wage nagaarik, yo'nege logonet,

Nappiigak 13:3

Yorage mbareegi, it abok aret mbi nengga'lek inambe mage negen logonet, inanobak ineenggi tebembiinok, tamban eeppiigo nogogwaarik, nappiyareegwaarak.

Nappiigak 13:4

It Mbaranabat Tawulut imbirak Aberiniki nen nappiige mbareegi, o Telewukiya wambi wogo nogogwaarik, ti'nuk, time nen, nggween kup mbanak Tipurut time wunda nawok nduk, yiiro paga unggwi nanuk,

Nappiigak 14:26

time nen yiiro paga o Andiyokiya wunda wogogwaarak. “Ala eyabu eeri nawak nduk, Ala kinabuwa mbake me kinom namunggup o,” yinuk, nappiyareegwaarak eerit nogo nogogwaarik, abu nggobok togon eeppunuk, nappiyareegwam nogome aret wogogwaarak.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Nappiigak 22:21

Yoge mbareegi, ti'nuk, nogoba nen an yo'nege logonet, It aap endekem wonogo menggam o nda time nappagarak, mbakirak me, nak o, yo'nege kagagirak o,” yinuk, yoragagerak.

Nappiigak 4:36

Togop eekwi wonogwe me, aap Lewi mendek ambi endage Yutup, awi Tipurut mendek me, it nappiigak nen endage ambi Mbaranabat yogo nogogwaarak. Nit ninoone paga endage ti, “Iniki Yanggongga o,” yogo monggoorak.

Nappiigak 6:4

Mippiyamonggotak wone yi, it nen mban koonggwi iigak, nit nen ta, Ala wone mban yorogwe, tamban mban eekwi, eeko logogun o,” yinuk, yorogogwaarak.

Nappiigak 8:29

Aabuk age mbareegi, Aberiniki nogo nen Piliput yoge logonet, “Nggweendo niikkenok nage ti, naberogon ka nak o.”

Nappiigak 9:15

Yoreegerak kwe, ninogoba nen at Ananiyat yoge logonet, “Aap ti, it endekem konenggulik mendek inom, it inoweewi inendagembogut inom, Iterali abok aret inom, an eeke minggirak ineenu agago yorage logowak nduk nayeloman leenogo pigirak me, yori nak mban.

Oroma 1:1

At Ala nen an Pawulut Keritut Yetut ayeloman nogo, nappiigak mendek logokit nduk, yonggo panege, at oone obeelom wone yoranet nege logokit nduk, leenogo panege, eereegerak me, an wone ambi yokkira o.

1 Korindut 12:11

Ti eeppinanege menggerak abok aret at Aberiniki eebe alik ambit nen at iniki mbaketak ndak-ndak aret ninalitak lombok unde eeppinanege menggerak.

1 Korindut 7:5

Wone alik paga lek o. Ata, tamban mban eeko logowak nduk, ogonggelo akweegelo imbirak wone koonggo logonet, “We luulu ne ndogop paga lambungga'lek puk logowok o,” yinuk, iniki ambit a'nuk, tayoppunuk, puk logorak ti, op aret kwe, elaambirik wonogwe iinok, Ibilit nen iniki nggagangge kenok, iniki nengge kero, logonuk lek mbet-mbet aret lambunuwak o.

2 Korindut 11:27

Yoranet mban nage neegak, ndeyak eerogo panege, kulinik-kalinik nogo yega'lek neenik mban wonage, mbi abu ee'nake, yi abu ee'nake, mbi lek kenok abu nogo yege, kani lek kenok togwi aret nogo yege, nayum lek me we aret nege, eeke nagagirak nogo ti, an neenu aret o.

2 Korindut 6:5

yawi ninookwi, keele maarogo mambinanugwi, keekok paga niniki taganggwi, yoranet nugwi niigak, anggon-panggon ee'ninake, wu yega'lek nogo yega'lek kinoba aberak mban wonage, mbi abu tit nogo yugwi,

Nggalatiya 1:15

Togop tit eerit nage neegak kwe, nagalo inikime awo nda'naga'lek neegak, at nabuwa mba'nuk, mii'nake nagagerik, yonggo paneegerak Ala nogo nen

Epetut 3:7

At omaawi mondok alik negen eeke menggerak neenu eeppanege logonet, at ayeloman a'nuk wone obeelom wone yorage logokit nduk, iniki kunik nen unde eeppaneegerak.

Pelaareegerak 10:8

Wogo nogogurik, inanebunu Lewi mendek nen at Aliku ALA aloobut mbanak me wone yugu yonggolak wonok wogwe, enggaanom paga at ake eekwi, at endage paga inale'nggen aakumi inoba piigwi, eeko logowak nduk, at Aliku ALA nen ne ti eyom paga leenogo mippiyareegerak nogo o yogondak wonogwe yi aret o.

Kolote 4:17

Ndi, aap Arikiput nogo, yogo logonet, “Ninowe nen unde eeppereegerak nogo, ndak-ndak eeke logowak nduk, liippege logowak,” yegerak, yo'nu o.

1 Timotiyut 2:7

Ala nen yi aakumi ndi aakumi abok eeppiyoorak kooneegerak nogo, it aap endekem mendek Ala ari menggerak wone ineenu a'nuk, abet mbariyak wone nogo, agan nage logokit nduk mippanege, ndi, yi awi ndi awi yoranet nege logokit nduk, nappiigak agago panege, eereegerak o. Wone ti, pilit lek abu abet aret yokkigi o.

2 Timotiyut 1:11

Wone obeelom wone ti, mamunirage, yi aakumi ndi aakumi yoranet nege, nappiigak logonet, yi awi ndi awi, “Nak o,” yo'nege kenok nage, eeke logokit nduk, leenogo mippaneegerak.

2 Timotiyut 2:2

Aakumi apit inenggaanom paga an yi wone ndi wone yokkege koneneegindak nogo, it aap abe mamumbunuk aakumi liirogon mamuniroorak op iigendak kenok, unde logowak nduk, mamunirage logot o.

2 Timotiyut 4:11

at Lukat alik perak, nimbirak agarik o. At Marakut nogo nimbirak eeriyak op me, kat wage logonet, waganggak woraamunggun o.

2 Timotiyut 4:5

Togop kwe, kat perak, kiniki tum wakkolage logot o. Maluk eeppagagwi iigak, kogogumbuk logonet wagangge, aap obeelom wone yoranet nugu mengga kwak, kat ndak-ndak yoranet nege, eeke logonok nduk, mippagareegwaarak nogo ndak-ndak aret eeke, eeke logot o.

Iberani 5:4

Ndi, it iniki mba'nuk, “An Ala unde inowe nggwok logokit o,” yinuk, miikkologo logolik. Ata, Ala nen aap Karun leenogo mippereegerak nogo kokwak, leenogo mippiige menggerak.

1 Tamuwen 2:11

Eeke mbareegi, at Elakana akuwi-apurilogwe inom o Arama iniyokan nogwe iigak kwe, at Tamuwen nogo perak, aap Ala unde Eli abu'me logonet, at Aliku ALA enggaanom paga eeke nagagerak.