Nappiigak 13:12 - Ala Wone Peenok Peebi Mbanak

¹² Inowe gubernur nogo nen aap enegen mbuk agaarak kage nagagerik, “Inogoba Yetut wone mamunirogwe yi, abet aret kagi,” mbake nagagerik, “Wi!” yinuk, pi wareegerak.

Nappiigak 13:12 Iomraidhean Croise

Matiyut 27:54

Ndi, at yigin unde inowe inom, it Yetut arum wonogogwaarak inom, nogo nen mi nuk ari, ndi, yi eekak ndi eekak eeke, eeke nogo inigen kogo nogogwaarik, inagabiti ambik age mbareegi, “At yi, Ala aput abet aret kogo o,” yinuk, yereegwaarak.

Lukat 4:22

Yorage mbareegi, it aakumi abok aret, “Wone ti abet aret yigi o,” yinuk, at wone abe kigirikwe ari me, “Wi!” yinuk, pi wako logonet, “Yi aap Yutup aput nogo lek a?” yinuk, yogogwaarak.

Lukat 7:16

Agalo nogo wogoge mbareegi, it aakumi apit inagabiti ambik a'nuk, Ala wogoppogo logonet, “Aap Ala nen yorage kagak yoraga mendek nggwok ambi ninenggela'me nen mi'naga o,” yogo nogogwaarik, “At Ala nen at apuri wonde'niya wagaarak kogo o,” yinuk, yereegwaarak.

Yaya 7:46

Yorogo mbareegwa, it aap nogo nen, “Aakumi togop ambi yogwe iigulik lombok at aap ti ari kogoorak me, iya!”

Nappiigak 13:48

Yoragagerak nogo, it endekem konenggulik mendek nogo nen inaruk konembunuk, iniki ale'nggen ambik mbako logonet, “Ninogoba wone yi ti, iya!” yinuk, tiyappereegwaarak. Ndi, ineenik mondok logorak miirogo piyareegerak nogo nen wone ti paga iniki panggombunuk abet mbareegwaarak.

Nappiigak 13:49

Ninogoba wone nogo, o time abok aret wigak yereegerak kwe,

Nappiigak 13:7

At ore ti, aap iniki warak lombok nggween kup mbanak arum menggerak gubernur endage Terigiyut Pawulut aret me, at ti nen Mbaranabat Tawulut imbirak Ala wone yo'niruwak, mba'nuk inayonggo pereegerak kwe,

Nappiigak 13:8

at tili pagangga nogo endage it Yunani inoone paga Elimat, ndi, nit ninoone paga Tili Pagangga yogo monggoorak nogo nen, iniki abut lagangge logonet, “Yetut wone abet mbarugun o,” yinuk, aap nogo inikime manabeegerak.

Nappiigak 15:35

It Pawulut Mbaranabat imbirak ambime noolik, o Andiyokiya time wonogo logonet, it inom, aap ando ambik inom nen, ninogoba Yetut eeke nagagerak wone nogo mamunirogwe, yorogwe, eeko nogogwaarak.

Nappiigak 15:36

Nogome wonogogwaarik, ti'nuk, peebi at Pawulut nen, “Yi awi ndi awi ninogoba Yetut eeke nagagerak wone nogo yoranet nogo nogogum nogome ninoreewi Ala apuri nogo, Nonggop wonogwe iyaamun? Pegiinet nawok o,” yinuk, at Mbaranabat yoreegerak.

Nappiigak 18:12

Ala wone mamunirage wonage me, at Nggaliyo aakumi Akaya mendek inowe gubernur mi'ndak wonage kagak, it Yakuri mendek abok lambumbunuk ambugwi mi'nogo nogogwaarik, Pawulut pippunuk eebe wonok, wone amburu mbanggo menggam pi nogogwaarak.

Nappiigak 19:10

Eekwi iigak, tahun mbere eereegerak me, it Yakuri mendek inom, it Yunani mendek inom, o Atiya wonogogwaarak nogo abok aret ninogoba Yetut eereegerak wone konenggo nogogwaarak.

Nappiigak 19:20

Ninogoba Yetut oone woppunuk togop aret eeko nogogwaarak paga, wone ti wiganinuk nage kenok, aakumi nen wone ti, liippugwi, waganggwi, eerit nogogwaarak.

Nappiigak 19:38

it wone amburu mbangga inom, it ninoweewi o Oroma mendek inom, wonogwe aret me, at Ndemeteriyut inom, awuri mbuti perak ogobakkigika inom, nogo nen, Ninawone amburu mbanuwak o, mbakwi iinok, it inowagam time aret yora nawak o.

Nappiigak 19:7

It aap Aberiniki inoba wambi wagagerak nogo ti, aap ineebe lambuk togon, 12 negen aret.

Nappiigak 28:7

Nggween kup mbanak unde inowe nggwok endage Pubiliyut nogo eyabu me nda lek koorok aret me, ka nogo mbareegu, keyage wappinanege nagagerik, iniki ale'nggen paga ninabugo lappunuk, ninom obeelom wonogwe niigak, nogo kenagan yereegurak.

Nappiigak 6:10

Inom wone wareegwaarak kwe, at Tepanut nogo Aberiniki nen nggaganogo yoge kagak iniki warak logonet, yoragagerak paga it nen onggo yoriyak meek age mbareegi, puk ogogwaarak.

Nappiigak 8:25

It Peterut Yaya imbirak nogo nen, “Yetut togop eeke kogoorak o,” yinuk, paganogo yorogwe, Ala wone yorogwe, eeko nogogwaarik, iname Yerutalem iniyok paga wogo logonet, o Tamariya yaga'lelo ambik nogome wone obeelom wone yoranet ya unggwagak eerit wogogwaarak.