Nappiigak 13:1 - Ala Wone Peenok Peebi Mbanak

¹ O Andiyokiya time it Ala apuri kuwak eekugak inenggela'me it ando nen Ala wone yorogwe, ando nen wone mamunirogwe, eeko nogogwaarak inendage ti, Mbaranabat inom, Timeyon endage ambi toonak Niget inom, aap awi Kirene mendek Lukiyut inom, inowe endagembogut Keroret ogoba nen at imbirak tawe eeginabeegerak endage Menakem inom, Tawulut inom, it nogo nen aret eeko nogogwaarak.

Nappiigak 13:1 Iomraidhean Croise

Matiyut 27:32

Wundi nogwe me, aap o Kirene mendek endage Timon inikiigun wage me, inom lambunggo nogogwaarik, inoone omaawi paga, “Eyo karo-karo aago yi, piyaninuk nak o.”

Lukat 3:1

Aap Kayitat Tiberiyut endagembogut a'nuk, wone lengganogo yorage kagak, tahun 15 eeke eyom paga aap Pondiyut Pilatut o Yureya gubernur aret wonage, ndi, aap Keroret o Nggalileya unde wonage, ndi, aap Keroret awuluk Piliput o Itureya Terakonitit imbirak unde wonage, ndi, aap Litaniyat o Abilene unde wonage, eeko nogogwaarak.

Nappiigak 11:30

yinuk, kuwak eerogo punuk, Mbaranabat Tawulut imbirak nappiya wogo mbareegwa, it nen wonok, Ala apuri o Yerutalem inarum menggaarak nogo ira wogogwaarak.

Nappiigak 12:25

Ndi, at Mbaranabat Tawulut imbirak o Yerutalem eeriyak nduk nappiya wogogwaarak nogo, abu aret eeko nogogwaarik, at Yaya endage ambi toonak Marakut nogo wonok wogogwam iniyok paga aret nogogwaarak.

Nappiigak 13:9

Manake mbareegi, at Tawulut endage peebi toonak Pawulut nogo Aberiniki inikime lik ari mbareegi, aap Elimat nogo enegen looge logonet,

Nappiigak 15:32

It Yurat Tilat imbirak Ala nen yorage kagak yoraga mendek me, it inoreewi Ala apuri time nogo yi wone ndi wone ambik yorogo logonet, iniki eyak wappiigwi, iniki kole eeginakwi, eereegwaarak.

Nappiigak 15:35

It Pawulut Mbaranabat imbirak ambime noolik, o Andiyokiya time wonogo logonet, it inom, aap ando ambik inom nen, ninogoba Yetut eeke nagagerak wone nogo mamunirogwe, yorogwe, eeko nogogwaarak.

Nappiigak 19:6

Yiime wuppiigo mbareegwa, at Pawulut eenggi inanobak tebembiige kagak, Aberiniki inoba wambi wage mbareegi, aakumi alik inoone lalin negen woppunuk yogwe, Ala wone yorogwe, eereegwaarak.

Nappiigak 21:9

At apurilogwe komologwe tawe ineebe 4 aap wogonaka'lek logonet, Ala nen yorage kagak yorogo nogogwaarak.

Nappiigak 4:36

Togop eekwi wonogwe me, aap Lewi mendek ambi endage Yutup, awi Tipurut mendek me, it nappiigak nen endage ambi Mbaranabat yogo nogogwaarak. Nit ninoone paga endage ti, “Iniki Yanggongga o,” yogo monggoorak.

Nappiigak 9:1

Ti eeke kagak, at Tawulut nen it ninogoba Yetut oone waganggwi nogo inoorikit nduk anini wu agan nage mbareegi, at Ala unde inowe nggwok nogo owagam nage nagagerik,

Oroma 16:21

At nimbirak Ala eyabu eeko monggoorak Timotiyut nogo nen keyage wakkinake, ndi, an noreewi mendek Lukiyut inom, Yaton inom, Totipatet inom, it kunduk keyage wappinagaga o.

1 Korindut 11:4

Togop me, nit Ala apuri kuwak eeppunuk, ninabetagi yirik kagak tamban eekwi, Ala wone yorogwe, eekwi niinok, nit ninirimbaga wonage Keritut nogo aret enggali eerogo pogo monggoorak me, nggoorogo punuk, eeko logowok o.

1 Korindut 13:2

An Ala wone yorage logokit nduk, unde eeppanege, yi wone ndi wone alom neenu a'nuk, liirogon yorage, wone kote kumaarak mendek abok yelok kage, niniki abet mbake logonet, “Puut yi keebe tayo yu o,” yinuk, yoge neenok, tayo yi nage kage, eeke minggirak kwe, aakumi inabuwa mbaka'lek logonet eeke neenok perak, we aanom warogo aret eeke minggirak kagi o.

1 Korindut 13:8

Ala nen yorage kagak yorogwe, inoone lalin woppunuk yorogwe, yi wone ndi wone alom ineenu ogwe, eekwi ti, lek arigin aret kwe, aakumi inabuwa mba'nuk, eeppiinet nugwi ti perak, lek arigin lek mondok aret logogin o.

1 Korindut 14:29

It aap Ala wone liippunuk yorogo menggaarak nogo ineebe mbere a, kenagan a, nen aret wone yokkirogo logowak o. Ndi, yokkirogwe iigak, kit ando nen, “Wone yo'nirogwe ti, abet aret yigi?” yinuk, liippako logomunggup o.

1 Korindut 14:32

Ala ti, naalop-kaalop eerogo piiga lek o. Ata, iniki lambunik ale'nggen logorak eerogo piiga at aret me, it Ala wone yorogo menggaarak nogo yoroorak aganake kenok, tebeppunuk logonuk, at aa'nduk yorage nogo puk age kagak, yoroorak mbake nogo peebi yoragak eeko logorak op aret o.

1 Korindut 9:6

It ti, eerit nugwi iigak, an Mbaranabat nimbirak mban nit nineebe op logowok nduk, nineenggi paga mban nggik-palek eekko'net nugu logorak op mba'nuk, yogo ogotik?

Nggalatiya 2:13

Ti'nuk, it aap Yakuri mendek ando Ala apuri ogogwaarak nogo, Peterut iniki mbere eeke kogo nogogwaarik, it ndak-ndak ogookkologo mbareegwa, aap Mbaranabat kunduk, it Yakuri mendek iniki mbere ogwe iige nagagerik, “Ie! An nonggop eeri?” mbake nagagerik, Peterut inom aret nabennagagerak.

Nggalatiya 2:9

it Ala apuri kuwak eerit nogwe pippiirogo menggaarak o Yerutalem wonogwe nogo, Yakobut kunduk, Peterut kunduk, Yaya kunduk, nogo nen Mbaranabat nimbirak yo'nirogo logonet, “Ala iniki kunik nen unde eeppinagareegerak me, op aret o. Kit aakumi endekem mendek yora nogwe, ndi, nit inagabolo mbanak mendek yorogwe, eeko logowok o,” yinuk, keyage warogo nappinaneegwaarak.

Epetut 4:11

At nogo nen it ando nappiigak logowak nduk unde eeppiige, ando Ala wone yorogo logowak nduk unde eeppiige, ando obeelom wone yi awi ndi awi ambime yoragak nugu logowak nduk unde eeppiige, ando o ambit me Ala apuri liirogon inarum logowak nduk, eeppiige, ndi, ando Ala wone mamunirogo logowak nduk eeppiige, eereegerak.

Pilipi 4:22

Ala apuri ake leenak o yime wonogwe abok nen keyage wappinagagwi iigak, it Kayitat apuri logorogon nen kunduk, keyage wappinagaga mban o.

1 Tetalonika 5:20

Ndi, Ala nen yorage kagak, yokkirogwe wone nogo, miyuk-meya eerogo pugwi ti, mage mban o.