Nappiigak 12:5 - Ala Wone Peenok Peebi Mbanak

⁵ At Peterut nogo keele maarogo mambiigo menggam nogome arum wonogwe iigak kwe, it Ala apuri kuwak eerit nogwe nogo nen, “Abet aret wundi woraagin,” mba'nuk, at ake tamban mban eeko nogogwaarak.

Nappiigak 12:5 Iomraidhean Croise

Matiyut 18:19

Ndi, ambi yi yokkira o. Aap mbere ilik, kenagan a, Nit Yetut oone waganggwi mendek aret o, yinuk, kuwak eekwi kiinok, an kinenggela'me taati ninom aret logogin me, kit o nggween paga yime kinore ambi kimbirak kiniki ambit a'nuk, Ndogop eeppinanu o, yinuk, Ala nggino yogwi kiinok, an nogoba mbogut paga mendek nen eeppinagage aret kaamunggup o,” yinuk, yoragagerak.

Lukat 18:1

Ti yorage nagagerik, aakumi anggon-panggon eeginaka'lek tamban mban eeko logowak nduk, Yetut wone yi, eegu laarogo at oone waganggwi nogo yorage logonet,

Nappiigak 12:12

Mbake nagagerik, at Yaya endage ambi toonak Marakut nogo, agalo Mariya ame aakumi ambik kuwak eeppunuk, tamban eekwi wonogwe me iya wagagerak.

Nappiigak 12:4

Mugurok piga nage nagagerik, keele maarogo mambiigo menggam mambunuk, laago Obaga Mbo Nagagerak larak nenok, nggwok paga awone amburu mbaniyak mbake logonet, it aap yigin unde 4 aago ineebe 4 leenak nogo mban arum logowak nduk piyareegerak.

Nappiigak 12:6

At Keroret nen ko'lu awone amburu mbaniyak nduk at Peterut oonikiya mbuti keele eenggi peenok-peenok maarak nogo yege kagak, it aap yigin unde eeben peenok-peenok wonogwe, it ando tungga ambe paga arum wonogwe, eekwi iigak,

1 Korindut 12:26

Togop aret kooneegerak me, kineenggi ambiriluk mbanggirage kenok, kineebe abok aret andi eek-kinake, ndi, kinetenggen abe me, aakumi nen, “Wi,” kirogwe iinok, kineebe abok aret ale'nggen mbake, eeke menggerak.

2 Korindut 1:11

kit kunduk, ninake tamban eeko logonip o. Ninake tamban eerumonggotak ninogoba aruk konembunuk, ninabuwa nen obeelom eeppinanege nogo, it aakumi apit niigo logomenggaarik, Ala wogoppogo logowak nduk, ninake tamban eeko logonip o.

1 Tetalonika 5:17

Puk aga'lek tamban mban eeko logonip.

Iberani 13:3

It aakumi keele maarak wonogwe nogo, “An ninom keele maarak negen wonage kagi,” yinuk, yeenggwaarogwe, ndi, aakumi nen yawi paga inookwi iinok, andi kogwe nogo, “An kunduk, togop aret noo'netak en, andi kaanetak o,” yinuk, iniki eyak wappiigwi, eeko logonip o.

Yakobut 5:16

Togop kenok, kit maluk eeko monggotak nogo, at ambi enggaanom paga paganggwi, at ambi nen at ambi ake tamban eekwi, eeko logomonggotak paga kugi andi eekkinake kenok, obeelom eekkinake logogin o. Aap ambi maluk inikime lek logonet iniki abe koonak paga oone mondok nabek togon tamban eeke kenok, Ala nen mbo pigin lek o. Aruk konenigin aret o.