Nappiigak 12:4 - Ala Wone Peenok Peebi Mbanak

⁴ Mugurok piga nage nagagerik, keele maarogo mambiigo menggam mambunuk, laago Obaga Mbo Nagagerak larak nenok, nggwok paga awone amburu mbaniyak mbake logonet, it aap yigin unde 4 aago ineebe 4 leenak nogo mban arum logowak nduk piyareegerak.

Nappiigak 12:4 Iomraidhean Croise

Wundeegwaarak 12:1

At Aliku ALA nen Muta Karun imbirak o Metit wonogwe me yorage logonet,

Kini Wuppiige 19:21

Aakumi nen yi eeriyak ndi eeriyak ambik iniki koonggo menggaarak kwe, Aliku ALA nen eeriyak mbake perak, aret age menggerak.

Kini Wuppiige 27:1

Ko'lu ariyak keenggo'lek me, “An ko'lu ndogop eerikit o,” yinuk, wogoppatiyak ti mage o.

Leendawi 3:37

Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

Matiyut 24:9

O ti eyom paga it aakumi nen pigogo kinoba andi-pandi eeppinaganuk, kinooruwak nduk, wogorogwe, kit an noone waganggotak paga, it aakumi inanebunu lombok nen inanini agaket kinombakwi, eerugun o.

Matiyut 26:5

“At ili yogo logonet, wat-wat yogwe iyo, laago lakwi paga pigoorak mage o,” yinuk, yereegwaarak.

Marakut 14:1

Laago Obaga Mbo Nagagerak inom, laago Roti Piika'lek Mendek inom, lariyak eyom nogo mbere yinuk, laruwok nduk eekwi me, it Ala unde inoweewi inom, it Ala wone liiru mbanak unde inom, “At Yetut nonggop togon kote pippunuk warumun o?” yinuk, abok mbanggo logonet,

Lukat 21:12

eeka'lek kagak, aakumi nen pippinaganuk, kinookwi, it aap Yakuri tamban eeko menggam pinagi nogwe, keele maarogo mambiigo menggam mambinagagwi, ndi, an noone waganeegutak paga it aap inendagembogut inom, it aap yo'nggok inom, inowagam wokkiret nogwe, eerugun o.

Lukat 22:33

Yoge mbareegi, at Timon nen, “Nogoba o. Keele maarogo mambiigo menggam mambagagwi, mondok kookwi, eekwi iinok, an nimbirak ee'naburak op aret mbakirak o.”

Yaya 19:23

Yorage mbareegi, it aap yigin unde nogo nen Yetut eyo paga nabenogo punuk, at ambogoyum nggoorak nogo aap ineebe 4 nen, yum nogo ineengge ndak-ndak aret punogo kologogwaarak. Punogo kologo nogogwaarik, Yetut ambogoyum endekem mendek nggorek tabak wonagagerak nogo woppunuk,

Yaya 21:18

Kat tawe logonet, kayum yikko'nok ambime noorak mbake'nom nogome nage nagagindak kwe, peebi kanggok age logomenggendik, keenggi ngginogo nappege keenok keele maakkako logomenggaarik, kat noorak keebi mbaremengge'nom nogome aret pagi nagun o, yinuk, mondok abet aret yokkigi o,” yoreegerak.

Nappiigak 12:3

Yakobut wareegwaarak ti paga it Yakuri iniki ale'nggen mbakwi iige nagagerik, at Peterut kunduk, keele maarikit nduk mugurok nagagerak. (It Roti Piika'lek Mendek laago lakwi iigak aret eereegerak.)

Nappiigak 12:5

At Peterut nogo keele maarogo mambiigo menggam nogome arum wonogwe iigak kwe, it Ala apuri kuwak eerit nogwe nogo nen, “Abet aret wundi woraagin,” mba'nuk, at ake tamban mban eeko nogogwaarak.

Nappiigak 4:28

Kat keenggi omaawi paga yi eekak ndi eekak eeriyak aa'nduk koonogo pereegindak nogo, eeruwok nduk eekaarak o.

Nappiigak 4:3

ineebe piginako nogogwaarik, wogoren nanuk, o kiip age mbareegi, ko'lu nen yoraawok nduk aap keele maarogo mambiigo menggam mambiyareegwaarak.

Nappiigak 5:18

inanini nen it nappiigak nogo piginako nogogwaarik, keele maarogo mambiigo menggam mambiyareegwaarak.

Nappiigak 8:3

Aleenggu maakwi iigak kwe, at Tawulut nen perak, it Ala apuri kuwak eerit nogwe nogo kumi nen, aap nen, lek eerogo piinet nage logonet, o ambi me unggwage, niigogo wumbiige, ambi me unggwage, niigogo wumbiige, eerit wogoren keele maarogo mambiigo menggam nogome piya nage nagagerak.