Nappiigak 12:1 - Ala Wone Peenok Peebi Mbanak

¹ Ira wogo nogogwaarik nogome wonogwe me, aap endagembogut Keroret nogo nen it Ala apuri kuwak eekwi ando mondok inoorikit nduk piginabit nage logonet,

Nappiigak 12:1 Iomraidhean Croise

Ndawi 125:3

It aap maluk mendek inowaanggun aap iniki abe koonak Inanggween wogoragagerak nogo paga mondok-mondok yinik logogin lek o. Yinik logonetak en, It aap iniki abe koonak ineenggi paga nen it aap maluk eeka nogo, Maluk eeppiigo logonetak o.

Matiyut 14:1

Ne ti eyom paga aap o Nggalileya unde mippereegwaarak Keroret nen Yetut eerit nage nogo, aruk konengge nagagerik,

Matiyut 14:3

At Keroret nogo nen at awuluk Piliput akweeluk kagak, kwe Keroriyat nogo wagangge mbareegi, at Yaya nen Keroret yoge logonet, “Kwe ti, woorak lek yugu kagak waganggendak me, kimbirak logorak mondok mage o.” Yogak mban eeke mbareegi, Keroret nogo nen, “Yaya warikit,” mba'nuk, pigogo keele maarogo mambiigo menggam mambereegerak kwe, it aakumi nen, “Yaya ti, Ala nen yoge kagak yoraga mendek aret o,” yogwe aruk konengge nagagerik, agabiti agagerak.

Matiyut 14:6

Agabiti age nagagerik, puk wonage me, at Keroret nda'nagagerak eyom ari wage mbareegi, kwe Keroriyat aagaluk inenggela'me time kwirabik-kwirabok ari logonet, Keroret iniki ale'nggen eeppege mbareegi,

Matiyut 24:9

O ti eyom paga it aakumi nen pigogo kinoba andi-pandi eeppinaganuk, kinooruwak nduk, wogorogwe, kit an noone waganggotak paga, it aakumi inanebunu lombok nen inanini agaket kinombakwi, eerugun o.

Lukat 22:53

Ko'lu-kii'me Ala awi wurik me ninom neegak, pi'nabulik kwe, at o yumaak unde menggerak nogo kinom ee'naburak eyom yogondak yi aret me, ee'nip o,” yinuk, yoragagerak.

Yaya 15:20

Ogoba tebenak kagak, ayeloman tiyanak wonageelik o, yokkiragagirak nogo abe'nip o. It nen an piya'nako nogogwaarak me, kit togon, togop aret piyakkinako logogun o. Ndi, it nen an noone waganggo nogogwaarak kenok, kit togon, kinoone waganggo logogun o.

Yaya 16:2

It Yakuri tamban eeko menggam nen endekem wumbinagagun o. Ndi, it kinoorugun nogo nen, Nit Ala obaalombok aret eekwi o, yinuk, mbariyak eyom panggoni woraagin.

Nappiigak 11:30

yinuk, kuwak eerogo punuk, Mbaranabat Tawulut imbirak nappiya wogo mbareegwa, it nen wonok, Ala apuri o Yerutalem inarum menggaarak nogo ira wogogwaarak.

Nappiigak 12:2

“At Yaya owe Yakobut nogo, tege wooluwak paga wa'nip o,” yinuk, yoragagerak wako mbareegwa, kambeegerak.

Nappiigak 4:30

It kugi andi wonogwe iinok, lek aruwak nduk keenggi piginabu o. Ndi, at kikak nakeelik alik leenak menggerak kayeloman Yetut nogo endage paga eerubok mendek inom, ineenu ariyak inagabiti warak mendek inom, eeke menggerak nogo, nit eeruwok nduk eeppinanu o,” yinuk, tamban eereegwaarak.

Nappiigak 9:31

Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.