Nappiigak 11:8 - Ala Wone Peenok Peebi Mbanak

⁸ Yo'nege naruk konenggirak kwe, A, lek o, nogoba o. Nunggulik mendek inom, noorak mage yugu mendek inom, an abu nenggeelik me, noorak neebi o, yoge mbaki,

Nappiigak 11:8 Iomraidhean Croise

Oteya 9:3

Aliku ALA nen kit Eparayim nggween wokkiragagim nogome wonogo logomunggup lek kiniyokan o Metit nogwe, Ndi, o Atiyut time nen mbi ogole warak mendek nunggwi, Eeko logomunggup o.

Ala Unde 10:10

Kit nen eraambe liippogo logonet, Ambi yi Ala ake eekak yuurak leenak kagi. Ambi yi we ugun eekak yuurak ake kagi. Ambi eeriyak mage aret kagi. Ndi, ambi eeriyak op aret kagi, mba'nuk, liippogo logonip o.

Marakut 7:2

Yetut oone waganggwi nogo wone yugu ndak-ndak eeka'lek logonet, ineenggi kooka'lek we ugun aret mbi nunggwi iyareegwaarak.

Nappiigak 11:7

Kage mbaki, oone yo'nege logonet, Peterut wae. Mi'na'nuk, yi ambi warogo namen o, yo'nege naruk konenggirak.

Nappiigak 11:9

mbogut paga nen oone ambinom yo'nege logonet, At Ala we ugun nonggo logorak eerogo pereegerak kagak, kat nen, Noorak mage agago pugun o, yo'nege kagarak.

Oroma 14:14

Yi mendek ndi mendek aburen mage ageelik o. Aakumi nen, “Yi mage o,” yinuk, iniki aberak wonogwe iinok ti, “Mage mendek aret age menggerak o,” yinuk, an nen yokkirage lek o. Ata, ninowe Yetut nimbirak ambit a'nuk yo'nege kenok, “Abet aret kagi,” yinuk, yokkirage agarik o.

1 Korindut 7:14

Aap iniki abet mbaka'lek nogo akwe abet mbake nogo paga Ala nen ore imbirak ale'nggen inoba piige, ndi, kwe iniki abet mbaka'lek nogo ogonggelo abet mbake paga Ala nen ore imbirak ale'nggen inoba piige, eeke menggerak. Imbirak ale'nggen inoba piyaanetak lek en, it inaagalogwe-inapuri ndarak nogo ti, we terak ndarak negen logonetak kwe, imbirak ale'nggen inoba piige ti paga Ala nen, “Yi an napuri aret o,” yinuk, inarum aret menggerak kogo o.