Nappiigak 11:5 - Ala Wone Peenok Peebi Mbanak

⁵ “Lek o, nogobamini. An o kota Yope nogome tamban eeke wonage me, nambuluk pereegerak negen neegak nabinggaanggo kage logonet, mbogoyum tabak irip agi-ogu, aru-ogwe pippunuk mbogut paga nen nowagam wuppi wogwe nenegen kagarak.

Nappiigak 11:5 Iomraidhean Croise

Yetikiyen 2:9

Yo'nege nagagerik, ambi mendek eenggime logonet, titik nege kagagirak. Titik nege nagagerik, nenegen neegak mbuku pirik-perek eerak mbiganogo punuk, leendawi paga ndawi pugu inom, iniki wakkoloorak wone inom, aaninggin inoba ariyak me inabuwa o, yuurak wone inom, liiru mbanak peenok-peenok wonage kagagirak.

Amot 8:2

Titi'nege logonet, “Amot wae. Kat nano mendek kenegen kagan o?” Yo'nege mbareegi, “Muun yarak me, anggen kole agaarak mbanak yonggolak kagi o.” Yoge mbareegi, Aliku ALA nen an yo'nege logonet, “It an napuri Iterali eeppiyoorak eyom nogo muk panggoni wagaarak me, an nen ambinom inili eerogo teppiyaagin lek eeppiyaagin aret o,” yinuk, yo'nege kagagirak.

Nappiigak 22:17

Yorage nagagerik, ambinom yorage logonet, “Ti'nuk, niyok paga o Yerutalem yime wage nagagirik, Ala awi wurik me tamban eeke me nambuluk pereegerak negen neegak, nabinggaanggo kage logonet,

Nappiigak 9:10

O kota Ndamitik time aap Yetut oone waganggwi mendek ambi endage Ananiyat nogo nen abinggaanggo kage kagak, at ninogoba Yetut nen, “Ananiyat wae.” Yoge mbareegi, Ananiyat nen, “Yo'niru o, nogoba.”

Nappiigak 9:36

Ndi, kwe Yetut oone waganeegerak ambi endage Tabita o Yope wonagagerak. (Kwe endage ti, Yunani inoone paga, Ndorakat.) At kwe nogo aakumi obeelom eeppiinet nage, ineenggilek iinok yeenggwaarage, eeke nagagerak.

Nappiigak 9:38

O Lira nen Yope koorok aret me, “Peterut wagaarak o Lira wonage,” yinuk, yogwe nogo it Yetut oone waganeegwaarak nogo konembogo nogogwaarik, at nogo mbet-mbet woraawak nduk, wologwe mbere yonggo nappiyareegwaarak.

Nappiigak 9:42

At Peterut kwe eenik agago mippereegerak wone o Yope time abok aret wigak ari mbareegi, aakumi ambik iniki ninogoba Yetut oba panggombunuk abet mbareegwaarak.