Nappiigak 10:7 - Ala Wone Peenok Peebi Mbanak

⁷ At malayikat wone yoreegerak nogo nage kagak, at Koreneliyut ayeloman mini mbere inom, at awot yigin unde Ala agabiti mbake logonet, Ala wone liirogon eeka mendek ambi inom, “Woraawak o,” yinuk, wiiragagerak wogo mbareegwa,

Nappiigak 10:7 Iomraidhean Croise

Wakkagagerak 24:52

Wone yoreegwaarak nogo at Abarakam ayeloman nogo aruk konengge nagagerik, endobanggun yindumbunuk, ena nggween paga wutik logonet, at Aliku ALA alut eereegerak.

Matiyut 2:13

Iname nogwe iigak, Yutup abi paga Ala yonggo nappiya wage menggerak malayikat ambi nen at owagam wage nagagerik, yoge logonet, “At Keroret nen elege yi wariyak nduk kwaari woraagin me, mi'na'nuk, elege yi agalo imbirak wogoret o Metit time kole nanip o. Namonggotak time wonogwe me, an awo yokkira waga'lek neenok, o taati aret logonu o,” yinuk, yoge kagagerak.

Lukat 2:25

Aap Yerutalem mendek ambi endage Timeyon aret wonagagerak. At aap ti, iniki mondok abe koonak Ala wone liirogon aret eeke nagagerak. Eeke logonet, it aakumi Iterali mendek iniki eyak wappiya woroorak nogo tokkage nagagerak me, Aberiniki at oba wonagagerak.

Lukat 3:14

Yorage mbareegi, it aap yigin unde nogo nen at yogo logonet, “Ndi, nit kunduk, nonggop eeruwi o?” yogo mbareegwa, at Yaya nen, “Aakumi inageerok wokkiraawak nduk, kinoone omaawi paga yoroorak ti mage o. Ndi, pilit wone aakumi inoba piyoorak ti mage mban. Ata, yabu eekwi onggo wokkirogwe iinok, Yi ndak-ndak aret wo'niraga, yinuk, waganggo logonip o,” yoragagerak.

Nappiigak 10:8

abinggaanggo yoreegerak wone abok aret mbininogo yorage nagagerik, o Yope nappiya wagagerak.

1 Timotiyut 6:2

Ndi, it aakumi inayeloman nogo nen inogobamini abet mbakwi iinok, “Nit kunduk abet mbakwi me, Ala apuri ninom ndak-ndak aret o,” yinuk, inoone taganogo punuk, tebembiyoorak mage o. Ata, it nogo nen, “Ninogobamini yabu eeppiigwi ti, aakumi inambik ti lek o. Nit ninom ndak-ndak abet mbakwi aret me niniki kunik aret o,” yinuk, ambinom inake nggwok togon eerit nugu logowak o. Wone yokkege yi nogo abok aret mamunirage, inaruk wake, eeke logot o.

Owak Loongga 7:10

Ndi, kinom wim perenggoloorak kagabiti mbake nogo lek eerogo punuk, kogogumbuk a'nuk, it aap Miriyan mendek inawooliya wuppunuk wonogwe me, inoba kwi'nari wambi nanok nduk, it nonggop yogwe iyaamun? yinuk, kayeloman Pura kimbirak inawooliyana kinaruk nggooni nanip o.” Yoge mbareegi, at ayeloman Pura imbirak wambi nogo nogogwaarik, inawim inawooliya wurik kuli paga nogome nogogwaarak.