Nappiigak 10:4 - Ala Wone Peenok Peebi Mbanak

⁴ Yoge mbareegi, at Koreneliyut ogut nage nagagerik, agabiti nen enegen looge logonet, yoge, “Nogoba o. Nonggop kenok wagan o?” Yoge mbareegi, at malayikat nen, “Lek o. Aakumi ineenggilek kenok yeenggwaarage, tamban eeke, eeke menggendak nogo ti, at Ala enegen liippagagerak me, iniki koba aberak wonage o.

Nappiigak 10:4 Iomraidhean Croise

2 Mbinineegwaarak 32:24

Ne ti eyom paga at Kitikiya nogo andi eereegerak me, abu kambuurak eeke logonet, Aliku ALA yoge mbareegi, Aliku ALA nen, “Kat kambumunggun lek obeelom aret arumunggun o,” yinuk, yoreegerak nogo ti, iya tit aret kwe,

2 Mbinineegwaarak 6:33

kat wonage menggenom mbogut paga wonage logonet, oone karuk konembunuk, yokkege nogo aret eeppege logomunggun o. Togop aret eeppege keenok, it kapuri aakumi Iterali nen kendage tiyanak kenok, kayuk wukwi nogo ineenu ogwe, ndi, an o wukirak yi, Ala awi wurik aret o, yinuk, ineenu ogwe, eekwi nogo ndak-ndak, yi aakumi ndi aakumi o nggween paga wonogwe yi abok aret ineenu ogo logogun o.

Ndawi 141:2

Obari abe kaga kani kunggwi iinok, Kale'nggen mbake menggen kwak, An tamban eeke nogo ti, karuk konengge, O kiyoma age paga ndomba warogo kani kunggwi iinok, wagangge menggen kwak, Neenggi nippunuk yokkege nogo liippanege, Eerumunggun o.

Ndawi 20:3

Kat nen at ake warogo wogoge nogo abok aret abeke, Ake warogo kani kungge ti, inikilom komba'nuk wagangge, Eeruwak o.

Yetaya 43:26

Aa'nduk eerit wogogwaarak nogo aberogo yo'nugwi, Nit maluk eerulik abe mban eerit wogogurak, yogwe nogo liippunuk, Ninom owak loonuwok nduk, wone kin eeppugwi, Eeruwak o.

Yetaya 45:19

Wone an yorage nogo kote kumaarogo yorage, An o yumaak me lombok logonet yorage, An aanom warogo kwaa'nabit nugu logowak nduk, Yakup paga wiganak nogo yorage, Eerulik o. An ti, Naliku ALA aret me, wone abet mban ari, An wone koonak mban mbangge, Eeke minggirak o,” yinuk, yegerak me, yagi o.

Ndaniyen 10:11

an yo'nege logonet, “Ndaniyen wae. At Ala nen iniki kunik lombok eekkake menggerak me, wone an yokkege yi, liippege logot o. Wone yi, yokkirikit nduk nappani wagaarak keya wagarak me, aret mi'naru o.” Yo'nege mbareegi, naganak wake kagak mi'nagagirak.

Ala Unde 2:2

it aap an neebe unde Karun apuri ira wogo logowak o. Ira wogwe iinok, nake pugu abe yigirik amburu inom, kani kunggwi iinok obari abe kaga nogo inom, aap an neebe unde nogo nen eenggi paga ne ambit woppunuk, Anggen yigirik yi, abok aret kat kake aret o, yinuk, nggomoorogo kani kunggo menggam nogome an nake kani kunggo logowak o. Ti eeko logorak nogo ti, Naliku ALA nake kani kunemenggaarak obari abe kage logonet, nale'nggen kaakit nduk, nake pogo logorak nogo ti aret o.

Maleyaki 3:16

Yorage nagagerik, it aap Aliku ALA inagabiti mbako nogogwaarak nogo nen it-it wone mbanggo logonet, it nen yogwi iinok, at Aliku ALA liippege, aruk konengge, eereegerak o. It aap Aliku ALA inagabiti mbakwi, at endage tiyappogo logonet ayuk wukwi, eeko nogogwaarak nogo inendage aberak logowak nduk, at Aliku ALA enggaanom paga mbuku pirik-perek aago paga inendage liiru mbanogo pereegwaarak.

Matiyut 26:13

Obeelom wone wonok yi awi ndi awi yoranet nugu logonet, kwe yi ee'nakerak nogo, aberak logowak nduk, yoranet nugu logogun o, yinuk, abet aret yokkiragi o,” yoragagerak.

Lukat 1:29

Yoreegerak nogo, kwe Mariya iniki aaninggin a'nuk, koongge logonet, “Nonggop nduk togop yo'nigi?”

Lukat 24:5

Iigo nogogwaarik, inagabiti ambik aganake logonet, inete nggween paga wanduk yinuk, wonogwe iigak, it aap nogo nen kumi nogo yorogo logonet, “Kit nonggop nduk, at eenik menggerak nogo it kambeegwaarak inom wonage kero, kwaako ogotik?

Nappiigak 10:31

Koreneliyut wae. Kat tamban eekendak nogo Ala aruk konengge, ndi, aakumi ineenggilek yeenggwaarage menggendak nogo, Ala enegen liippagage, eekerak me,

Nappiigak 14:9

at Pawulut wone yorage aruk konengge wonage me, Pawulut nen enegen looge nagagerik, “Aap yi obeelom ee'naburak mba'nuk iniki Ala oba panggombunuk abet mbake,” yelok kage nagagerik, at yoge logonet,

Nappiigak 22:10

Yo'nege mbareegi, Nogoba o. An nonggop eeri? yoge mbareegi, at nogoba nen, Mi'na'nuk, o Ndamitik time unggwi nak o. Time unggwi nage keenok, kat yi eekak ndi eekak eeke logorak wone koonak nogo yokkirigin o.

Nappiigak 3:4

Ngginoorage mbareegi, Peterut Yaya imbirak nen aap nogo inigen pippak ugo logonet, Peterut nen, “Kenegen pe'niyet o,” yoge mbareegi,

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

Pilipi 4:6

Aaninggin nano mendek ambi kinoba age kenok, kiniki piirik logogup o. Ata, “Aaninggin ndogop noba agaarak o,” yinuk, tamban eekwi, ndi, kinamendek ambi lek kenok, wokkiraawak nduk, “Ala wa,” yinuk, nggino yogwi, eeko logonip o.

Iberani 13:16

Ndi, ti eeko logonet, Ala ake warogo wogogo nogogwa kwak, at ake aakumi obeelom eeppiigwi, yeenggwaarogwe, eekwi niinok, Ala inikilom ninombake menggerak me, mari eerogo puurak ti mage o. Ata, eeppiinet nogo logonip o.

Iberani 6:10

Kit kinogoba Ala a'me nggelok eeke menggerak me, at eyabu eerit nogo logonet, at endage tiyappuwak nduk, “Ao,” mba'nuk, kinoreewi Ala apuri yeenggwaarogo nogogutak inom, yogondak awo yeenggwaarogwe wonogwe inom, at mari eerogo pigin lek o.

Wayu 8:4

Ndi, at malayikat nen kani kungge kagak, ka'luk obari nogo Ala nen obeelom kage, ndi, it Ala apuri ake leenak tamban eekwi inoone Ala unde yogwi iinok, at nen Ala yoge nogo aruk konengge, eeke kagarak o.

1 Tamuwen 3:10

Nogo yege me, at Aliku ALA time aret mi'nari wage nagagerik, yoge nogo ambinom yoge logonet, “Tamuwen wae! Tamuwen wae!” Yoge mbareegi, at Tamuwen nen, “An kayeloman konengge me, yo'niru o.”