Nappiigak 10:1 - Ala Wone Peenok Peebi Mbanak

¹ Aap yigin unde ambi aago “Italiya mendek o,” yogo nogogwaarak inowe endage Koreneliyut nogo, o Kayitareya time aret wonagagerak.

Nappiigak 10:1 Iomraidhean Croise

Matiyut 27:27

Wogorage mbareegi, it gubernur awuri yigin unde nogo nen at Yetut wonok wone amburu mbanggo menggam unggwogo nogogwaarik, ineebe abok aret Yetut eebe ninggippunuk, wonogo logonet,

Matiyut 27:54

Ndi, at yigin unde inowe inom, it Yetut arum wonogogwaarak inom, nogo nen mi nuk ari, ndi, yi eekak ndi eekak eeke, eeke nogo inigen kogo nogogwaarik, inagabiti ambik age mbareegi, “At yi, Ala aput abet aret kogo o,” yinuk, yereegwaarak.

Marakut 15:16

Wogorage mbareegi, it aap yigin unde nogo nen it inowe nggwok wonage menggim wone owak loonggo menggam nogome wonok unggwi nogo nogogwaarik, it aap yigin unde abok aret kuwak ari woraawak nduk, inayonggo pereegwaarak kuwak ari wogo nogogwaarik,

Lukat 7:2

Unggwi wage nagagerik, wonage me, it aap yigin unde inowe ambi ayeloman iniki kunik me, andi warak abu kambuurak eeke wonagagerak.

Yaya 18:12

Ti'nuk, it aap yigin unde ambi aago inowe inom, ndi, it aap Yakuri mendek Ala awi wurik arum waka inom, nen Yetut pigogo keele maareegwaarak.

Yaya 18:3

Eenu wonagagerak me, it aap Ala unde inoweewi inom, aap Pariti mendek inom, nogo nen aap yigin unde ambi aago inom, aap Ala awi wurik arum waka inom, nappiigo mbareegwa, yigin-wooluwak waganggwi, nggawi wa'na wuninik waganggwi, ndi wuninik waganggwi, eeko mbareegwa, Yurat nen wogoren eyo yarak me nogome aret nagagerak.

Nappiigak 10:24

Nogo logonet, tu paga nogo ambit yippunuk, o Kayitareya unggwi nogogwaarak. At Koreneliyut nogo at owe-awot inom, oreewi inom, it wogwe iyo, kuwak eeppiinok, inigen wonogwe me,

Nappiigak 21:31

Wumbi woraanuk, waruwok nduk eekwi iigak, “O kota Yerutalem abok naalop-kaalop eekwi o,” yinuk, at yigin unde apit aago inowe nogo yori nogo mbareegwa,

Nappiigak 21:8

Nogo yippunuk, ko'lu nen o Kayitareya unggwi nogo nogogurik, o Yerutalem nen it aap 7 leeninabeegwaarak mendek ambi obeelom wone yoranet nege menggerak Piliput nogo ame unggunuk, ninom wonogogurak.

Nappiigak 22:25

Awuri yorage mbareegi, wonok nogo nogogwaarik, yawi waruwak nduk keele maako mbareegwa, it aap yigin unde inowe abu'me mendek nogo taati wonage me, Pawulut nen at yoge logonet, “Kit nen aap Oroma mendek ambi maluk eekerak liippega'lek logonet, yawi inooko logorak wone yugu ambi wonage ilik, lek a?”

Nappiigak 23:23

Yoge nagagerik, it yigin unde inoweewi at abu'me mendek mbere nogo, “Wa'nip o,” yorage nagagerik, wogo mbareegwa, yorage logonet, “Oonikiya oonegen 9 paga o Kayitareya nawok nduk aap yigin unde ineebe 200 inom, kuda amborowak paga kwi'ndak nogo menggaarak ineebe 70 inom, ndi, aap inarege-wooluwak warak ineebe 200 inom, mondok li'luk eeko logomonggotik,

Nappiigak 23:33

It kuda amborowak paga nugwi nen Pawulut wonok o Kayitareya unggwi nogo nogogwaarik, aap inowe gubernur nogo liiru mbanak wogogo logonet, “Pawulut eebe yi o,” yinuk, yoreegwaarak.

Nappiigak 25:1

At Petut nogo mippogo mbareegwa, wage nagagerik, nogo kenagan yippunuk, o Kayitareya nen o Yerutalem wagagerak.

Nappiigak 25:13

Ti'nuk, nogo mande negen yippunuk, it Yakuri inowe endagembogut Agiripa kwe Mberinike imbirak nen at Petut keyage wappuwok nduk, o Kayitareya wogogwaarak.

Nappiigak 27:1

O Italiya wo'niren noorak nduk wone mbambunuk, at Pawulut inom, aap ando keele maarak inom, at Kayitat abu'me mendek yigin unde ambik aago inowe endage Yuliyut nogo nen wogoren nawak nduk, yoreegwaarak.

Nappiigak 27:31

“It yiiro ndegenggo menggaarak yi, yiiro inikime logorak lek kenok ti, ninagap ndakkolaagun lek o,” yinuk, at yigin unde awuri inom yoragagerak.

Nappiigak 27:43

inowe nogo nen, “Pawulut enaani wonok naakit,” mbake logonet, “Inoorugup o,” yinuk, inaruk wappege nagagerik, “Kit ngguu'mo wakwi kineenu kenok, kinaa'nduk yi inikime time ku'mbo wura nanuk, ngguu'mo warit yi aa'nggi paga time wundi nanip o.

Nappiigak 8:40

Ndi, at Piliput nogo o Atorot nogome kin ari wage nagagerik, yi awi ndi awi o kota lombok time obeelom wone yoranet o Kayitareya nagagerak.