Nappiigak 1:26 - Ala Wone Peenok Peebi Mbanak

²⁶ tamban eeppogo nogogwaarik, “Aap yi mippuwok a, at yi mippuwok a?” yinuk, imbirak inendage liiru mbanogo punuk, Matiyat endage mbanak nogo waganggo nogogwaarik, it aap 11 nappiyareegerak nogo inom logowak nduk at Matiyat aret leenogo mippereegwaarak.

Nappiigak 1:26 Iomraidhean Croise

1 Mbinineegwaarak 24:5

At Eleyatat paga wiganak inom, at Itamat paga wiganak inom, Ala awi wurik mage menggim yabu eekwi, it Ala unde logonet eekwi, eeko nogogwaarak me, inete lombongga'lek logonet, ineyabu eeko logorak yugum paga wakkaanuk, mogonogo piyareegerak.

Nekemiya 10:34

Nit aap Ala unde inom, aap Lewi mendek inom, aakumi ugun mendek inom, abok aret nen eeko logorak wone yugu liiru mbanak wonage nogo ndak-ndak, tahun ambi eekak paga, Ne ndi paga it aap inanebunu ndi mendek nen ninogoba awi wurik me ake warogo kani kunggak yuurak ake kani wonok pi wogo logorak nogo, yugum paga wakkagak eekwi,

Nekemiya 11:1

It aakumi inarum menggaarak inoweewi o Yerutalem wonogogwaarak. Ndi, it aakumi ando alik nogo ti, ineebe 10 wonage kenok, 9 inawi kota lombok wonogwe iigak, ambit nggigingge, 10 wonage kenok, 9 inawi kota lombok wonogwe iigak, ambit nggigingge, eerogo o kota abu leenak Yerutalem nogome inom logowak nduk, iri'ngga mbanogo wakkagak leeninabeegwaarak.

Kini Wuppiige 16:22

Aap iniki warak wonage kenok ti, ineenik logorak alom porogo wonage me, at ale'nggen paga nege menggerak kwe, Aap wi nen iniki lek negen eerit nage paga onggo maluk aret oba pake menggerak.

Kini Wuppiige 16:33

Ta mippuurak kin kaawok nduk iri'ngga mbanak waganggo menggaarak kwe, “Ti aret wamen o,” yinuk, yorage menggerak nogo ti, Aliku ALA nen aret o.

Ala Unde 16:8

kambin mbere nogo ambi Naliku ALA nake kin kage, ambi inomaluk oba punuk karume nappuurak ake kin kage, eeke kaawak nduk, yugum anggen mbere waganogo kambin inowagam nappege logomenggerik,

Yunut 1:7

Yoge nagagerik, it nen at ambi yogak, at ambi yogak eeko logonet, “Aap ta nen eekerak paga maluk ee'ninake nineenu aruwok nduk, yugum paga wakkaawok o,” yinuk, wakkogo nogogwaarik, yugum nogo wa'nanok aap Yunut owagam ari nagagerak.

Marakut 6:30

At Yetut nappiyareegerak nogo iniyok paga at Yetut owagam wogo nogogwaarik, it eerit nogo nogogwaarak wone inom, mamuniranet nogo nogogwaarak wone inom, mbininogo yoreegwaarak.

Nappiigak 1:23

Yorage mbareegi, mippuwok nduk aap mbere punogo piyareegwaarak. Aap eebe ambit aret kwe, endage kenagan, ambi Yutup, ambi Mbaratabat, ndi, peebi toonak, Iniki Koonak, nogo punogo pugwi, ndi, aap ambi endage Matiyat punogo pugwi,

Nappiigak 13:19

Ti'nuk, it aakumi o Kanan mendek inanebunu 7 nogo lek eerogo piinok, inobaane'me at apuri ninombomini nogo unde logowak nduk yate kwak inanggween punogo piyareegerak.

Nappiigak 2:14

Inagi'ndok kanggo mbareegwa, at Peterut awuri 11 inom mi'na'nuk, oone nggwok togon yorage logonet, “Kit noreewi Yakuri mendek inom, kit o Yerutalem monggotak abok aret inom, wone ambi yokkiraagin me, kinaruk konenggo logonet, liippogo logonip o.”

Yotuwa 18:10

Ka wogo mbareegwa, Aliku ALA enggaanom paga o Tilo time at Yotuwa nen, “Nggween 7 mbanak ti, ambi ta koloorak kaamun?” yinuk, yugum paga wakkaanuk, inanebunu Iterali koloolik nogo mugurok tumburiragagerak.

Wayu 21:14

O wa'nagat wurik ogowa pugu yugum 12 wonage nogo paga at Ndomba Aagaluk awuri nappiigak mendek ineebe 12 inendage mbanak wonage kagarak.