Nappiigak 1:16 - Ala Wone Peenok Peebi Mbanak

^16-17 yorage logonet, “Nowe-nawot o. At Yurat ninom Yetut oone woppunuk, at eyabu eeko logowok nduk leenogo mippinaneegerak kwe, at eeriyak wone o aa'nduk togon Aberiniki nen Ndawut yoge kagak yereegerak Ala wone liiru mbanak nogo, a'me lik yuwak nduk, at Yurat nen yorage mbaki, Yetut eebe pigaganggaarak o,” yinuk, yoragagerak. (

Nappiigak 1:16 Iomraidhean Croise

2 Tamuwen 23:2

Aliku ALA Aberiniki nen an yo'nege, At oone ninikime manabi wage, Iterali inogoba Ala nen oone ari, Iterali inogoba yugum kwak nogo nen an yo'nege, Eereegerak wone nogo yi o. Aap ambit-ambi awuri inarum logonet, Eekaatak li'lak inawone amburu mbangge, Ala ayuk wuke logonet, Wone liirogon lengganogo yorage, Eeke kenok,

2 Endagembogut 15:12

Aliku ALA nen at Yeku yoge logonet, “Kat paga nen nok kapuri-kombowologwe 4 kuli wigannarit nogwe paga aakumi Iterali inoweewi inendagembogut wone lengganogo yorogo menggam it mban aret wone lengganogo yorogo logogun o,” yinuk, yoreegerak nogo, Takariya kangge paga a'me aret nggelok yi nagagerak.

Ndawi 41:9

An nore niniki kunik abet aret mbake, Nimbirak mbi nengge, Eeke minggirak nogo nen kunduk, Nimbirak logorak, “Neebi o,” yinuk, mbo panegerak o.

Matiyut 26:14

Yorage mbareegi, it aap 12 mendek ambi endage Yurat Ikariyot nogo nen it aap Ala unde inoweewi inowagam nage nagagerik, yorage logonet,

Matiyut 26:47

At Yetut awo yorage kagak, it Ala unde inoweewi inom, it aakumi inogobamini inom, nen aap ambi aago paloowi waganggwi, mbim mbanak waganggwi, ee'nuk, Yetut wa nawak nduk, nappiyareegwaarak nogo it aap 12 mendek yendennagagerak Yurat nogo inom aret nogogwaarak.

Matiyut 26:54

Nggino yoriyak op aret kwe, yoge neenok, Togop eeriyak, Ala wone liiru mbanak nogo nonggop togon a'me lik yuurak mbaken? A'me lik yuwak nduk, an yoga'lek aret agarik o.”

Matiyut 26:56

it Ala yorage kagak yoraga nen liiru mbaneegwaarak nogo a'me lik yuwak nduk, an ee'nabi wogotak me, op aret o.” Yorage mbareegi, at oone waganggwi nogo nen Yetut teppunuk, kole mbaganeegwaarak.

Marakut 12:36

Aberiniki nen at Ndawut yoge kagak, ari logonet, At Aliku Ala nen an nogoba Ala yoge logonet, Nogoba. It kinom wim mbanak mendek nogo aan lebenogo kabu'me piiga'lek neegak, Neenggi abe'nggan kwi'nari mok, yoreegerak o, yinuk, yereegerak.

Marakut 14:43

Awo yorage me, it Ala unde inoweewi inom, Ala wone liiru mbanak unde inom, aap inanggok inom, it nogo nen aap ambi aago paloowi waganggwi, yawi mbanak waganggwi, ee'nuk, nappiyareegwaarak nogo, it 12 mendek ambi Yurat nogo inom aret nogogwaarak.

Lukat 22:47

Wone ti awo yorage me, it aap 12 mendek ambi endage Yurat nogo aa'nduk nage kagak, aap ineebe aago ambokan nogogwaarak. It nogwe iigak, at Yurat aa'nduk Yetut kambugiriyak nduk, owagam panggo yi nage mbareegi,

Yaya 10:35

Ala wone liiru mbanak ti, alik mbeyok ariilik nit nineenu me, Ala nen it aakumi at oone koneneegwaarak nogo, Kit an Ala pogom wonogwe o, yinuk, yoragagerak me,

Yaya 13:18

Kit abok kiinok yokkirage lek o. An miirogo leengginabeegirak an neenu aret o. At nimbirak mbi nengge nogo nen aret nooriyak koonggerak o, yinuk, Ala wone liiru mbanak nogo a'me lik yuwak nduk, agaarak me, a'me lik yigin o.

Yaya 17:12

It wo'nereegindak nogo an ninom logonet, kat komaawi eeppaneegindak nogo paga ndegeninake nagarak o. Ndegeninake neegak, ambi kobak arulik kwe, at ambi kobak ariyak nduk nda'nagagerak nogo perak, Ala wone yugu liiru mbaneegerak nogo a'me lik yuwak nduk, kobak agaarak o.

Yaya 19:36

Ti eereegwaarak nogo Ala wone liiru mbanak paga nen ari logonet, “At owak ambiriluk ambi kalok yigin mondok lek o,”

Nappiigak 1:20

At Peterut nogo wone ti, yorage nagagerik, ambinom yorage logonet, “At ame nobok lek aret wonogwe, At wonagagim aakumi yinggak-unggwagak eeka'lek wonogwe, Eerak logowak o, yinuk, yereegerak. Ndi, ambi ari logonet, At obaane'me eeke logowak nduk, aap alik ambi mippuwak o, yinuk, mbuku Ndawi mbanak nogo paga mbanak wonage me,

Nappiigak 13:15

Kwi'nogogwaarak wonogwe me, it tamban eeko menggam arum menggaarak nogo nen Ala yereegerak Muta nen liiru mbaneegerak wone inom, Ala nen yorage kagak yorogo nogogwaarak wone liiru mbanak inom, pekkagak yorogo nogogwaarik, “Nit niniki eyak wappinaniyak wone ambi wonage kero yo'niraawak nduk, ninoreewi ti, kin wogiyet o,” yinuk,

Nappiigak 13:38

Pili arulik, eenik aret wonage me, kit maluk eekwi ti, at Yetut eereegerak paga Ala nen lek eerogo pinagarak kineenu arubagip nduk, yokkirage agarik o, noreewi.

Nappiigak 15:13

Wone ti, inaruk konenggo nogogwaarik, Yakobut nen it yorage logonet, “Noreewi o. Wone yokkirage yi, liirogon konenggo logonip o.

Nappiigak 15:7

wone nogo koonggwi aret wonogogwaarik, at Peterut mi'na'nuk, yorage logonet, “Noreewi o. O maan at Ala nen, It endekem mendek obeelom wone konembunuk abet mbaruwak nen, yoranet nege logokit nduk, leenogo paneegerak nogo kineenu o.

Nappiigak 2:23

At Ala nen peebi eeriyak koonogo pereegerak mugurok aap Yetut nogo pigogo wokkirogo mbaka, kambuwak nduk, it aap maluk eeka kinom nen eebe eyo paga nabenogo pogotak kwe,

Nappiigak 2:37

Yorage nogo konembunuk, iniki wakkologo nogogwaarik, Peterut inom, it nappiigak ando inom, kin wogiigo logonet, “Noreewi o. Togop me, nit nonggop eeruwi o?”

Nappiigak 22:1

“Noreewi, nogobamini o. Kit wone noba lenggenggotak nogo alom mbininogo yokkira o,” yinuk,

Nappiigak 23:1

At Pawulut nogo wonok, oolo mippi nage mbareegi, it wone amburu mbangga nogo enegen loorage logonet, “Noreewi o. An Ala abu'me logonet, o maan nen yogondak kuli an ambi eekirak paga niniki penggenneegak ee'naka'lek aret agarik o.”

Nappiigak 23:6

Yorage nagagerik, at Pawulut nogo nen it wone amburu mbangga ando ti, Taruki mendek inom, it ando ti, Pariti mendek inom, wonogwe yelok iige nagagerik, “Noreewi o. An aap Pariti mendek aret o. Ndi, nogobamini kunduk Pariti mendek mban aret. Nit kambunuk nineenik agago mi'nariyak wone ti, niniki lunik neenok, nawone amburu mbanuwok nduk wonogwe kiigi o,” yinuk, oone nggwok aret yoragagerak.

Nappiigak 28:17

Nogo kenagan yippunuk, at Pawulut nen it Yakuri inoweewi time mendek nogo inayonggo pereegerak kuwak ari wogo mbareegwa, yorage logonet, “Nowe-nawot o. An nowe-nawot inoone inom, ninombomini eeko nogogwaarak wandek eeko monggoorak inom, tagangge logolik aret kwe, o Yerutalem time nen neebe pigogo keele maa'nako nogogwaarik, it Oroma mendek nen nawone mbanuwak nduk, neebe wogorogogwaarak.

Nappiigak 28:25

wone piinggak-nonggokak yogo nogogwaarik, mbaganuwok nduk eekwi iigak, at Pawulut nen irip paga yoragagerak nogo yi aret.

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

2 Peterut 1:21

it aap aa'nduk Ala wone yorogo nogogwaarak nogo nen iniki koombunuk yorogo logolik o. Ata, Aberiniki inikime lik yi unggwage mbareegi, Ala nen yorage kagak yorogo nogogwaarak nogo kineenu arubagip nduk yokkiragi o.

2 Peterut 2:21

it aakumi maluk eeko menggaarak nogo nen Ala ari menggerak wone woppunuk, eerit noorak wone nogo, ineenggo'lek logonet, maluk eerit nogo logonetak en ti, op negen kwe, wone, “Yogop ee'nu, ndogop ee'nu,” yugu alik leenak nogo, abu ineenu logonet, maluk eekwi ti perak, abu maluk lombok aret o.