Nappiigak 1:15 - Ala Wone Peenok Peebi Mbanak

¹⁵ It time wonogwe iigak, ne ambi paga it aakumi abet mbareegwaarak nogo ineebe seratus dua puluh negen kuwak eereegwaarak inenggela'me Peterut nogo mi'nage nagagerik,

Nappiigak 1:15 Iomraidhean Croise

Matiyut 13:31

Yorage nagagerik, wone ambinom eegu laarogo yorage logonet, “At mbogut paga mendek abu'me piyoorak nogo ti, aap ambi nen kulok anggen waganogo eyabume yumbuneegerak nogo pogom aret o.

Lukat 22:32

kat kiniki noba panggombunuk, abet nombake nogo, lek age kero, an kake tamban eekirak o. Yungguninuk kiyok paga nowagam wage logomenggendik perak, kawuri yi, iniki eyak wappiige logomunggun o,” yinuk, yoreegerak.

Yaya 14:12

Aap ambit ambi iniki noba panggombunuk, abet nombake kenok, an eeke minggirak nogo at aret eeke logogin o. An eeke minggirak yi mbuuluk negen o. Ndi, an nogoba ka naminggirak ti paga, at abunuk nggwok aret eeke logogin o, yinuk, mondok abet aret yokkirage agarik o.

Yaya 21:23

Ti yoreegerak nogo, Yetut oone waganggwi mendek ambi ti, “Kambigin lek, yigi,” yinuk, oreewi koneneegwaarak kwe, at Yetut nen, “Aap ti, kambigin lek o,” yinuk, ti yorulik. Ata, at nen, “An nage logominggirik, peebi wage eyom ti paga at eenik yime nege logorak an op mbake neenok ti, eeriyak kat kobaalombok lek o,” yinuk, yoreegerak.

Nappiigak 10:23

yogo mbareegwa, “Ti kenok, unggwi woraanip o,” yorage mbareegi, unggwogo nogogwaarik, inom nogo yereegwaarak. Nogo yippunuk, ko'lu at Peterut nen, “Nawok o,” yorage nagagerik, it wogogwaarak nogo inom, at oreewi Yope mendek inom, nogogwaarak.

Nappiigak 11:1

It nappiigak inom, inoreewi o Yureya time mendek inom, nen aap endekem mendek kunduk Ala wone waganggwi inaruk koneneegwaarak me,

Nappiigak 11:12

Aberiniki nen an yo'nege logonet, Kiniki yungguppegak eerugun o. Aap ti, kinom mbet-mbet aret nak o, yo'nege mbaki, noreewi ineebe 6 yi, ninom nogo nogoorik, aap Koreneliyut ame aret unggwi nogoorak.

Nappiigak 11:26

kwaappunuk wonok, o Andiyokiya wagagerak. Wonok wage nagagerik, imbirak logonet, Ala apuri inom kuwak eekwi, aakumi ambik wone mamunirogwe, eekwi iigak, tahun ambit aret eereegerak. It Yetut oone waganeegwaarak, “Keritut Apuri o,” yogwe nogo ti, aa'nduk o Andiyokiya nen aret yogo nogogwaarak.

Nappiigak 11:29

Yoragagerak nogo mbi noogelo age mbareegi, it Yetut oone waganggwi nogo nen iniki koonggo logonet, “Nit ninalitak ninamendek wonage nakkagak, kuwak eeppunuk, ninoreewi Ala apuri o Yureya wonogwe nogo inake nappiyaawok o,”

Nappiigak 12:17

Pi wako mbareegwa, at nogo eenggi paga nen, “Puk logonip o,” yorage nagagerik, ogoba Ala nen keele maarogo mambiigo menggam nen wonok wundi wagaarak nogo mbininogo yoragagerak. Yorage nagagerik, “At Yakobut inom, ninoreewi ando inom, wone ti, yora nanip o,” yorage nagagerik, lambembiinok, o alik me nagagerak.

Nappiigak 14:2

Abet mbako mbareegwa, it Yakuri ando abet mbariyak ineebi mbareegwaarak nogo nen it endekem mendek nogo inanini ogo logomenggaarik, Yetut apuri inom ogooruwak nduk iniki nggagani nogo mbareegwa,

Nappiigak 15:1

Nogome wonogwe me, it Yureya mendek ando o Andiyokiya nogo nogogwaarik, ninoreewi Ala apuri time yorogo logonet, “At Muta nen, Aap inagabolo mbaniyak o, yo'niragagerak nogo ti ndakndak eekkinaka'lek kenok, kit kinagap ndarigin lek o,” yinuk, yorogo mbareegwa,

Nappiigak 15:3

Yorogo nogogwaarik, it Ala apuri time kuwak eekwi nogo nen nappiya wogo mbareegwa, o Penitiya inom, Tamariya inom, yanggwagak eerit wogo logonet, it endekem mendek inomaluk mbo pereegwaarak wone nogo, mbininogo yorenet wogo mbareegwa, ninoreewi Ala apuri time wonogwe nogo nen iniki ale'nggen ambik aganabeegerak.

Nappiigak 16:2

It ninoreewi Ala apuri o Litera wonogwe inom, o Ikoniyum wonogwe inom, nen Timotiyut aap obeelom wonage kogo nogogwaarak me,

Nappiigak 16:40

wundi nogo nogogwaarik, kwe Liriya ame nogome unggwi nogogwaarak. Unggwi nanuk, time inoreewi ando inom lambunggo nogogwaarik, iniki eyak wappiinok, nogogwaarak.

Nappiigak 17:10

O kiip age mbareegi, it ninoreewi Ala apuri time nen Pawulut Tilat imbirak, “O Mbereya nanip o,” yorogo mbareegwa, oonikiya nogo nogogwaarik, it Yakuri tamban eeko menggam unggwi nogogwaarak.

Nappiigak 17:14

it ninoreewi Ala apuri o Mbereya wonogwe nogo nen Tilat Timotiyut imbirak time iigak, Pawulut yi kole yenggenak laut ambet paga a woraawak nduk nappi wogogwaarak.

Nappiigak 17:6

it imbirak ineebe lek mbareegwa, at Yaton inom, ninoreewi ando inom, nigiren inoweewi o kota unde inowagam piya nogogwaarak. Piya nogo nogogwaarik, it yorogo logonet, “O yi awi ndi awi abok aret piyaginabit nugu menggaarak nogo, ineebe yime wagaarak me,

Nappiigak 18:18

At Pawulut o Korindut time logonet, nogo ambik yege nagagerik, ti'nuk, ninoreewi Ala apuri time iigak, at Akwila akweeluk Piritikila imbirak inom yiiro paga o Tiriya woraawok nduk, eeko logonet, at Pawulut nen ambi eeriyak Ala enggaanom yoreegerak nogo ndak-ndak o Kenggereya taati at eeruwak mbaneegerak.

Nappiigak 18:27

At Apolot nen o Akaya wunda naakit nduk, eeke mbareegi, it ninoreewi Ala apuri o Epetut mendek time nen, “Nage logot o,” yinuk, Yetut oone waganeegwaarak o Akaya wonogwe nen at keyage warogo waawak nduk, liiru mbanogo nappereegwaarak. Nappogo mbareegwa, wonok, wunda nage nagagerik, Ala inabuwa nen eeppiyareegerak paga abet mbareegwaarak nogo inom logonet, mondok iya lombok yeenggwaarage nagagerak.

Nappiigak 21:17

O Yerutalem unggwi wogo mbareegu, ninoreewi Ala apuri nogo nen iniki ale'nggen paga wo'ninabeegwaarak.

Nappiigak 21:20

Mbininogo yoragagerak nogo inaruk konembogo nogogwaarik, Ala wogoppereegwaarak. Wogoppogo nogogwaarik, Pawulut yogo logonet, “Ninore, Pawulut wae. It Yakuri mendek yi aap ndi aap abok aret Yetut oone abet mbareegwaarak kwe, it abok aret Ala wone yugu liiru mbanak nogo iniki ti mban lunik logonet, eerit nogwe yi, iige agandik?

Nappiigak 21:7

O Tirut time nen wogo nogogurik, o Potolemayit unggwi woraanuk, time ninoreewi Ala apuri keyage wappiinok, ninom nogo ambit yereegurak.

Nappiigak 22:5

An eeke nagagirak ti, aap Ala unde ninowe nggwok inom, ninogobamini wone amburu mbanggo menggaarak inom, inigen neego nogogwaarak me, it nen aret yokkiraawak o. Ndi, it nogo nen inoreewi o Ndamitik wonogwe nogo inigen kaawak nduk, liiru mbanogo wo'nogo mbareegwa, wonok, it aap ineenik logorak tu mugurok nogwe nogo keele maarogo o Yerutalem yime inooriyak wogora woraakit nduk, muguren o Ndamitik nagagirak o,” yinuk, yoragagerak.

Nappiigak 28:14

Ari nogo nogogurik, ninoreewi it Ala apuri time mendek ninom lambumbogo nogogurik, “Ninom logowok o,” yinuk, yo'nirogo mbareegwa, ninom nogo 7 yereegurak. Togop eerit o Oroma aret unggwi nogogurak.

1 Korindut 15:6

Nogo nigiige nagagerik, ti'nuk, peebi nen ninoreewi ineebe ambik lima ratus aret ambit me kuwak eerak wonogome, inigen kaawak nduk, nigiyareegerak. It aakumi nigiyareegerak nogo ti, ando muk kambeegwaarak kwe, ando ambik kangga'lek awo ineenik wonogwe o.

Wayu 11:13

Awo pi wogonakwi iigak, mi nggwok nuk-nuk eeke kagak, o kota time aakumi inawi ambik wurik nogo ando teppege, ando sepersepuluh langgu-langgu nage, eeke logonet, aakumi apit ineebe tujuh ribu aret aambeleninake mbaki, it ando teppiigerak nogo inagabiti nen at mbogut paga menggerak Ala nogo mondok tiyappugwi iigirak.

Wayu 3:4

Togop kwe, it Taririt mendek ando mbuuluk mban inayum mili eekkolaga'lek obeelom mban eerit nugwi me, Kit obeelom aret o, yinuk, inayum laambu abe yirik ninom nugu logogun o.