Nappiigak 1:14 - Ala Wone Peenok Peebi Mbanak

¹⁴ It kumi ando inom, at Yetut agalo Mariya inom, Yetut awuri ambokan mendek inom, time inom lambunik logonet, iniki ambit a'nuk tamban mban eeko nogogwaarak.

Nappiigak 1:14 Iomraidhean Croise

Matiyut 12:46

At Yetut nen it aakumi kuwak aago nogo, wone awo yorage wonage me, at agalo inom, awurilogwe inom, wogo nogogwaarik, at inom wone mbanuwok nduk, endekem wonogogwaarak.

Matiyut 21:22

Kit tamban eeko logonet, Ndogop aret eeke keyane, yinuk, mbakwi nogo abok aret kiniki abet mba'nuk Ala nggino yogwi kiinok ti, eeppinagage aret kaamunggup o, yinuk, abet aret yokkiragi o,” yoragagerak.

Matiyut 27:55

Ndi, it kumi ambik o Nggalileya nen Yetut ake eerit inom wogogwaarak nogo nen Yetut eyo paga nabenak wonage nda nen inigen nakkogogwaarak.

Marakut 15:40

Ndi, at kwe Mariya awi Magaralena mendek inom, wulaga Yakobut awo tawe Yotet imbirak inagalo Mariya inom, kwe Talome inom, at Yetut Nggalileya wonage kagak, inaagaluk negen eeppunuk, wonogogwaarak nogo inom, it kumi weelek ambik at inom o Yerutalem unggwi wogogwaarak nogo inom, it abok aret tayorogon taati nen Yetut eyo paga nabenak wonage ina nakkogogwaarak.

Marakut 16:1

It Yakuri tamban eeppunuk, o kiip age mbareegi, kwe Mariya awi Magaralena mendek nogo inom, Yakobut agalo Mariya inom, kwe Talome inom, it nogo nen eyoonggen obari obeelom mendek Yetut oba mbeenogo puwok nduk, onggo pi nogogwaarak.

Lukat 11:13

Lek me, kit aap maluk mendek kwe, kinapurilogwe nen yokkirogwe iinok, obeelom mendek wogorogo monggotak nogo ndak-ndak, kit kinogoba mbogut paga mendek, Aberiniki wo'niru o, yogwi kiinok, wokkiraagin lek mbakop? Wokkiraagin aret o,” yinuk, yoragagerak.

Lukat 18:1

Ti yorage nagagerik, aakumi anggon-panggon eeginaka'lek tamban mban eeko logowak nduk, Yetut wone yi, eegu laarogo at oone waganggwi nogo yorage logonet,

Lukat 23:49

Ndi, at Yetut inom kunik nogo inom, it kumi o Nggalileya nen at inom wogogwaarak nogo inom, tayorogon taati mi'ndak logonet, eeke nogo abok aret inigen kogogwaarak.

Lukat 23:55

Ndi, it kumi Yetut inom o Nggalileya nen wogogwaarak nogo Yutup mugurok nogo nogogwaarik, ndo nenaarak inom, Yetut eebe wanenogo pereegwaarak inom, inigen kogogwaarak.

Lukat 24:10

Aap nappiigak mbininogo yorogogwaarak kumi nogo ti, kwe Mariya awi Magaralena mendek inom, kwe Yokana inom, Yakobut agalo Mariya inom, it kumi alik inom, nen aret mbininogo yorogogwaarak.

Lukat 24:33

Yogo nogogwaarik, ti eyom paga lombok mi'na'nuk, iniyok paga o Yerutalem wogo nogogwaarik, it aap 11 inom, aakumi ugun inom, kuwak eeppunuk, “Ninogoba Yetut abet aret eenik a'nuk, mi'nage nagaarik, eebe aap Timon nikka wagaarak o,” yinuk, mbininggwi iyareegwaarak.

Lukat 24:53

Wogo nogogwaarik, Ala awi wurik me nogome mban logonet, Ala alut eeko nogogwaarak.

Lukat 8:20

aakumi nen, “Kagalo-kawurilogwe keyaawok nduk, wagaarak endekem wonogwe o.”

Nappiigak 2:1

Ne Pendakota eeriyak eyom age mbareegi, it abet mbareegwaarak mendek nogo abok aret ambit me kuwak eeppunuk,

Nappiigak 2:42

It ti nen iniki ambit eeppunuk lambunik logonet, it nappiigak nen wone mamunirogwe nogo liirogon konenggwi, inom mbi amburu nunggwi, tamban eekwi, togop mban eeko nogogwaarak.

Nappiigak 2:46

It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname lombok mbi karerogo punuk nunggwi, eeko nagaatik,

Nappiigak 6:4

Mippiyamonggotak wone yi, it nen mban koonggwi iigak, nit nen ta, Ala wone mban yorogwe, tamban mban eekwi, eeko logogun o,” yinuk, yorogogwaarak.

Oroma 12:12

Kiniki muk ambi lunik wonogwe me, ale'nggen mbakwi, aaninggin-paaninggin kinoba age kagak kinogogumbuk logonet waganggwi, tamban eeriyak mbo pega'lek kulinik-kalinik eekwi, eeko logonip o.

1 Korindut 14:13

An ambi inoone lalin negen woppunuk, tamban eeke kenok, niniki nen abet aret eerigin kwe, “Ngge nduk yagarak,” an kobak arigin o. Togop me, aap ambit-ambi inoone lalin negen woppunuk, ari menggerak nogo nen, “An ari logominggirik, aakumi kobak ogwe iyo, Ti togop nduk yigi o,” yinuk, yorage logowak nduk, tamban eeke logowak o.

Epetut 6:18

Kinogogumbuk mondok kinom perenggologo logonet, Ala nen yeenggwaagiraawak nduk, Aberiniki nen yokkirage kagak, puk aga'lek Ala nggino yogwi, nogo yigin eekkinaka'lek kineenik logonet, it Ala apuri ake leenak abok aret inake tamban eekwi, eeko logonet,

Kolote 4:2

Ko'lu-kii'me nogolumok yega'lek tamban mban eeko logonet, Ala, “Wa!” mban yogo logonip o.