Nappiigak 1:13 - Ala Wone Peenok Peebi Mbanak

¹³ O kota Yerutalem unggwi wogo nogogwaarik, it wonogo menggam tilaabaga nogome lagi nogogwaarak. It lagi nogogwaarak nogo ineebe ti, Peterut Yaya imbirak, Yakobut Andereyat imbirak, Piliput Tomat imbirak, Mbarotolomeyut Matiyut imbirak, Alepeyut aput Yakobut togon, at “Ninalik aruwok o,” yaga Timon togon, Yakobut aput Yurat togon, nogo aret.

Nappiigak 1:13 Iomraidhean Croise

Matiyut 9:9

At Yetut o time teppunuk, tu paga nage logonet, aap ambi endage Matiyut o unde inake wu kuwak eeko menggam taati kwi'ndak wonage enegen kage nagagerik, “Nimbirak nawok nduk, omok o.” Yoge mbareegi, at Matiyut nogo mi'nage nagagerik, Yetut imbirak aret nagagerak.

Marakut 14:15

Yogwi kiinok, tilaabaga ko nggwok ogoorak ogobakkigirik ambi ndigik-ndegek aago wonage yokkirage kenok, time aret nit abok ninake larogo pinanogo logonu o,” yinuk, nappiyareegerak.

Marakut 14:33

Yorage nagagerik, Peterut togon, Yakobut togon, Yaya togon, wogoren nage nagagerik, at nogo nen agabiti ambik age nagagerik, iniki aaninggin lombok agagerak.

Marakut 2:14

Wone mamunirage nagagerik, tu paga nage logonet, at Alepeyut aput Lewi nogo, it o unde inake wu kuwak eeko menggam kwi'ndak wonage enegen kagagerak. Enegen kage nagagerik, “Nimbirak nawok nduk, omok o,” yoge mbareegi, mi'nage nagagerik, Yetut imbirak nagagerak.

Marakut 5:37

Yoge nagagerik, “It aakumi ugun ninom noorak lek o,” yinuk, at Peterut inom, Yakobut awuluk Yaya imbirak inom, Yetut inom inalik nogogwaarak.

Marakut 9:2

Ti'nuk, nogo 6 yippunuk, ko'lu Yetut nen at Peterut togon, Yaya togon, Yakobut togon, wogoren puurom ambi nggorek paga lagi nage nagagerik, inalik time wonogwe me, inigen iigak, at enete alik lombok agagerak.

Lukat 22:12

Yogwi kiinok, tilaabaga ko nggwok ogoorak ambi ndigik-ndegek aago wonage yokkirage kenok, time aret larogo pogo logonu o,” yinuk, nappiyareegerak.

Yaya 11:16

Yorage mbareegi, at Tomat endage ambi Kulu'mbere toonak nogo nen oreewi yorage logonet, “Nit at ninom aret kambuwok nduk, nawok o,” yinuk, yoragagerak.

Yaya 14:22

Yorage mbareegi, at Yurat Ikariyot nogo lek aap Yurat alik ambi nen Yetut yoge logonet, “Nogoba o! It aakumi abok lek o. Nit mban keebe ni'niyoorak yagandak ti, nonggop mba'nuk yagan o?”

Yaya 18:17

Wonok oome unggwi nage mbareegi, kolaga tu arum wonagagerak nogo nen Peterut yoge logonet, “Kat kunduk at oone waganggwi mendek nogo lek a?” Yoge mbareegi, Peterut nen, “An lek o,” yoreegerak.

Yaya 21:2

At Timon Peterut inom, Tomat endage ambi Kulu'mbere toonak nogo inom, Natanayen o Nggalileya awi Kana mendek nogo inom, at Tebereyut apuri inom, aap Yetut oone waganggwi mbere ambi inom, ambit me kuwak aago logonet,

Nappiigak 12:17

Pi wako mbareegwa, at nogo eenggi paga nen, “Puk logonip o,” yorage nagagerik, ogoba Ala nen keele maarogo mambiigo menggam nen wonok wundi wagaarak nogo mbininogo yoragagerak. Yorage nagagerik, “At Yakobut inom, ninoreewi ando inom, wone ti, yora nanip o,” yorage nagagerik, lambembiinok, o alik me nagagerak.

Nappiigak 15:13

Wone ti, inaruk konenggo nogogwaarik, Yakobut nen it yorage logonet, “Noreewi o. Wone yokkirage yi, liirogon konenggo logonip o.

Nappiigak 2:14

Inagi'ndok kanggo mbareegwa, at Peterut awuri 11 inom mi'na'nuk, oone nggwok togon yorage logonet, “Kit noreewi Yakuri mendek inom, kit o Yerutalem monggotak abok aret inom, wone ambi yokkiraagin me, kinaruk konenggo logonet, liippogo logonip o.”

Nappiigak 2:38

Yorogo mbareegwa, at Peterut nogo nen, “Kinomaluk lek eerogo pinagawak nduk, kit kinalitak lombok maluk eeko monggotak nogo kiniki koombunuk mbo pinip o. Mbo pugwi kiinok, Yetut Keritut endage paga yiime wuppinagarak o. Ti eekwi kiinok, Ala nen Aberiniki nogo onggo lek we aret wokkiraagin o.

Nappiigak 20:8

Ndi, nit kuwak eereegum o nogo ta'mban-mban kenagan wurik me nogome, ndi ambik wunimbunuk abinak paga Pawulut wone nggorek nikkenok nage kagak,

Nappiigak 4:13

Yorage mbareegi, it kuwak ogogwaarak nogo nen Peterut Yaya imbirak nogo, tekola eerulik aap weelek mendek wonogogwaarak kwe, inagabiti lek logonet, yorogwe yelok iigo nogogwaarik, “Yetut inom nugu nogogwaarak yi aret iigo o,” yinuk, pi waganabeegwaarak.

Nappiigak 4:19

Mberirogo mbareegwa, Peterut Yaya imbirak nen it yorogo logonet, “Nit Ala oone koneniyak ilik, kit kinoone koneniyak a? Ala enggaanom paga kit mban kooninip o.

1 Korindut 15:7

Nogo nigiige nagagerik, ti'nuk, Yakobut nikkage, ti'nuk, it nappiyareegerak nogo abok aret nigiige, eereegerak.

Nggalatiya 1:19

it nappiigak ando ti, an nenegen abu iyoolik. Ninowe Yetut awuluk Yakobut nogo, alik mban nenegen kagagirak o.

Nggalatiya 2:9

it Ala apuri kuwak eerit nogwe pippiirogo menggaarak o Yerutalem wonogwe nogo, Yakobut kunduk, Peterut kunduk, Yaya kunduk, nogo nen Mbaranabat nimbirak yo'nirogo logonet, “Ala iniki kunik nen unde eeppinagareegerak me, op aret o. Kit aakumi endekem mendek yora nogwe, ndi, nit inagabolo mbanak mendek yorogwe, eeko logowok o,” yinuk, keyage warogo nappinaneegwaarak.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.

2 Yaya 1:1

Ala nen miikkabeegerak niriluk kat kaagalogwe kinom an Ala apuri inarum logokit nduk, mippaneegerak nogo nen, kit abet aret niniki kunik eekkinake minggirak me, wone ambi yokkira o. An nen mban niniki kunik eekkinake ti lek o. Ata, it aakumi nen Ala ndogop menggerak wone waganeegwaarak nogo abok ninom nen niniki kunik eekkinako o.

Yurat 1:1

Kit ninogoba Ala nen yonggo pinagareegerak kinom kunik Yetut Keritut kinarum wonage nogo, an Yakobut ore Yetut Keritut ayeloman Yurat nogo nen aret keyage wappinagi o.